John 3:18 - De Beebaa Dabu

¹⁸ Gai tangada e hagadonusia e dee hagaduasala donu, aagai be goai e dee hagadonusia gu lava donu i de hagaduasala, i hiidinga ia e dee hagadonusia Tama dagidahi a de Maadua.

John 3:18 Iomraidhean Croise

Mark 16:16

Gai be goai e hagadonusia ga babudaisi gai ia e hagamouli. Aagai be goai e dee hagadonusia, gai ia e hagaduasala donu.

John 1:12

Aagai gilaadeu alodahi e gaavee ma de hagadonusia ia, gai ia e gaavange naa gi gilaadeu ssauaa e hai ai gi ni dama nii de Maadua,

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 20:31

Aagai mee nei ne sisi gi hagadonusia ai e goodou, bolo Iesu go de Klisdo donu, go Tama Daane a de Maadua, gai gi maua ai e goodou de mouli i doodou hagadonusia ia.

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

John 3:36

Be goai e hagadonusia Tama gai e maua e ia de mouli e dee ngado mai, aagai be goai e dee hagadonusia Tama e dee gidee e ia de mouli, aagai de bole o de Maadua e dagodo i ono elunga.

John 5:24

Ni muna abodonu, ni muna abodonu aagu e hai adu nei gi goodou, tangada e hagalaangona agu agoago ga hagadonusia de ia ne haia nei au gi humai e maua donu de mouli e dee ngado mai. Ia e dee hagaduasala, aagai ia gu hagaui gee i de magau ma gu kave de mouli.

John 6:40

Gai deenei de mee o dogu Damana e lodo ai, tangada e gidee Tama ga hagadonusia ia e maua de mouli e dee ngado mai; gai au e hagamouli age naa ia i de laangi hagaodi.”

John 6:47

Ni muna abodonu, ni muna abodonu aagu e hai adu nei gi goodou, tangada e hagadonusia gu kave donu de mouli e dee ngado mai.

Romans 5:1

Deenei ai, go hiidinga gidaadeu ne hagaheohi i de gai, gidaadeu gu nnoho paba madali de Maadua i hiidinga o taadeu Dagi Maolunga go Iesu Klisdo,

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

Romans 8:34

Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Hebrews 2:3

gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.

Hebrews 3:19

Gidaadeu gu gidee bolo gilaadeu tee maua i de ulu i hiidinga delaadeu dee hagadonu.

1 John 3:23

Gai aanei ana muna: gidaadeu gi hagadonusia i de ingoo o dana Dama Daane, go Iesu Klisdo, ma de hagadau aaloha, bei dana hai gu tala mai ai gi gidaadeu.

1 John 4:9

Gai deenei de hai a de Maadua ne hagaago mai ai dono aloha gi gidaadeu: ia ne gave iho dana Dama Daane dagidahi gi henua i lalo, gi maua ai e gidaadeu de mouli i ono hiidinga.

1 John 5:10

Be goai e hagadonusia Tama Daane a de Maadua, gai ia e daohia de tala hagadonu nei i ono lodo. Gai tangada e dee hagadonusia de Maadua gu hai de Maadua gi se ia hadu muna, go hiidinga ia tee hagadonusia muna a de Maadua gu tala ai dagodo o dana Dama Daane.

1 John 5:12

Be goai e noho Tama i ono daha e maua de mouli; aagai be goai e dee noho Tama Daane a de Maadua i ono daha e dee dagodo de mouli i ono daha.