John 21:23 - De Beebaa Dabu

²³ Gai muna nei gu dele i magavaa o denga daina bolo tangada agoago laa e dee magau naa donu. Gai Iesu tee hagadaba loo bolo ia e dee magau, aagai ne hagadaba, “Noo au e lodo ia gi mouli ga dae ai gi dogu ahe mai, gai ni aha aau e hai ai?”

John 21:23 Iomraidhean Croise

De Beebaa go Job 28:28

Gai ia ne hai ange gi tangada, ‘Tilo, de madagu i de Ia Aamua go de heiangi abodonu, gai de kino i de baubau go de donu ange abodonu.’ ”

De Beebaa go Job 33:13

Gai gu aha gu nanu ange ai naa goe i de ia, gai ia e dee basa ange donu gi muna a dangada?

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Acts 1:15

Laangi laa gai Peter ne duu age i magavaa o dangada gu hagadonusia laa (taelodo o dangada i kilaa se 120) ga hai ange,

Acts 28:14

Gai gimaadeu ne hedae ange gi hanu daina i kilaa, gai gilaadeu ga dangidangi mai gimaadeu gi nnoho i olaadeu daha i e hidu laangi. Gai gimaadeu ga hulo ai loo ga tae gi Rome.

Acts 6:3

Deenei ai, denga daina, goodou hilihilia e dogohidu daane i oodou magavaa e hai hegau i de muna abodonu, gai e hoohonu i de Hagasaalunga ⌊Dabu⌋ ma de heiangi, gai gidaadeu ga dugu ange gilaadeu gi haia de hegau nei.

1 Corinthians 11:26

Gai de masavaa naa huu oodou e gai ai de pelaoaa nei ma de unu i de ubu, gai goodou e tala hagadonu de magau o Tagi Maolunga, ga dae ai gi dono ahe mai.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

Deuteronomy 29:29

Mee e dee iloo nii Tagi Maolunga taadeu Maadua, aagai mee gu iloo niidaadeu ma adaadeu dama ga hano ai e dee ngado mai, gi maua ai e gidaadeu i de daudali i muna alodahi o de hainga nei.

James 5:7

Deenei ai, denga daina, golomagi ina oodou lodo ga dae ai gi de humai o Tagi Maolunga. Goodou kalo ange diiloo de hai a tangada hai veelenga i dana tali de hua manu i honga dono gelegele, ia e golomagi ono lodo ga tali ai de pala de langi i de hagaodi ma taamada o de ngadau.

Revelation 2:25

aagai goodou daohia donu huu de gai oodou gu kave naa ga dae ai gi dogu humai.