John 21:22 - De Beebaa Dabu

²² Iesu ne hai ange gi de ia, “Noo au e lodo taane naa gi mouli ga dae ai gi dogu ahe mai, gai ni aha aau e hai ai? Koe daudali mai donu huu i de au!”

John 21:22 Iomraidhean Croise

Matthew 16:24

Iesu ne hai ange hogi gi ana dangada agoago, “Be goai e lodo e daudali mai i de au, gai ia gi hagangadi mee ina ia, ga saabai dono laagau lui ga daudali mai ai i de au.

Matthew 24:27

De uila e laba i baasi i dua ga hano ga dae gi de baasi i dai, gai e bei ai naa hogi de humai o Tama a Tangada.

Matthew 24:3

De masavaa o Iesu ne hano ai ga noho i honga de Mounga o denga Olive, gai ana dangada agoago ga loomai gi ono daha i de masavaa e deai ai dangada, ga hai ange, “Daalaa mai, dee hee de masavaa e hai ai mee nei? Aagai dee hee de hagailonga o doo ahe mai aama de hagaodi o henua i lalo?”

Matthew 24:44

Deenei ai, haia donu hogi gi paba goodou, go hiidinga Tama a Tangada e humai naa i de masavaa oodou e dee maanadu ai bolo ia e humai.

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Matthew 8:22

Aagai Iesu ne hai ange gi de ia, “Daudali mai i de au, gai dugua ange gilaadeu e maakau gi danumia alaadeu maakau.”

Mark 9:1

Iesu ne hai ange hogi gi dangada, “Ni muna abodonu aagu e hai adu nei gi goodou, hanu dangada e tuu nei i kinei e dee maakau naa donu ga dae ai gi delaadeu gidee de nohoanga hodooligi o de Maadua e humai i de mmahi.”

John 21:19

(Iesu ne tala muna nei e hagaago mai ai de hai o Peter e magau ai, gai ia ga hagamahamaha ai de Maadua.) Dua de mee nei gai Iesu ga hai ange gi Peter, “Daudali mai i de au.”

John 21:21

De masavaa huu a Peter ne gidee ai tangada agoago laa, gai ia ga ssili ange gi Iesu, “Tagi Maolunga, gai taane nei?”

1 Corinthians 11:26

Gai de masavaa naa huu oodou e gai ai de pelaoaa nei ma de unu i de ubu, gai goodou e tala hagadonu de magau o Tagi Maolunga, ga dae ai gi dono ahe mai.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

1 Thessalonians 2:19

E aha, e dee go goodou demaadeu tali hagalodolodo, ma demaadeu malangilangi, aama omaadeu hau hodooligi e hagamahamaha ai i mada luu mada o taadeu Dagi Maolunga go Iesu i dono ahe mai?

James 5:7

Deenei ai, denga daina, golomagi ina oodou lodo ga dae ai gi de humai o Tagi Maolunga. Goodou kalo ange diiloo de hai a tangada hai veelenga i dana tali de hua manu i honga dono gelegele, ia e golomagi ono lodo ga tali ai de pala de langi i de hagaodi ma taamada o de ngadau.

James 5:8

Goodou golomagina hogi oodou lodo ga tuu gi makaga, go hiidinga Tagi Maolunga gu dai humai donu.

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.

Revelation 2:25

aagai goodou daohia donu huu de gai oodou gu kave naa ga dae ai gi dogu humai.

Revelation 22:20

Gai de ia e daalaa hagadonu mee nei ne hagadaba, “Ni muna abodonu, au gu dai humai donu.” Amen. Tagi Maolunga go Iesu, humai!

Revelation 22:7

“Tilo, au gu dai humai donu! Gai e manuuia tangada e daohia muna pelaabisi i lo te beebaa nei!”

Revelation 3:11

Au e moolau naa donu de humai. Deenei ai, goodou daohia donu huu de gai i oodou daha naa, gi deai ai se dangada e gaavee gee oodou hau.