John 2:4 - De Beebaa Dabu

⁴ Iesu ne hai ange gi de ia, “De hine, gu aha gu tala mai ai naa goe mee naa gi de au? Tigi dae dogu masavaa.”

John 2:4 Iomraidhean Croise

2 Samuel 16:10

Aagai de hodooligi ga hai ange, “Luu dama daane a Zeruiah, e deai donu ooluu mee e hai i mee nei. Noo taane nei e hagamalaia au, i hiidinga Tagi Maolunga gu hai ange ia gi hagamalaia ina au, gai goai e maua i de ssili ange, ‘Gu aha gu hai ai naa goe de hegau naa?’ ”

2 Samuel 19:22

Gai David ne hai ange, “Luu dama daane a Zeruiah, au e dee buni adu donu gi ooluu muna. Anailaa nei gai gooluu gu ni hagadaumee donu niiogu. E deai donu se dangada Israel daudahi e daa gi magau ailaa nei! Anailaa nei gai au gu iloo bolo go au de hodooligi i Israel.”

1 Kings 17:18

Gai de hine laa ga hai ange gi Elijah, “Taane o de Maadua, ni aha aagu gu hai adu laa gi de goe, gai koe ga humai ai naa e hagamaanadu mai ogu haisala e daa ai dagu dama gi magau?”

Ecclesiastes 3:1

E dahi masavaa ange gi mee alodahi, gai e dahi donu masavaa ange gi mee alodahi i henua i lalo:

Matthew 15:28

Aagai Iesu ga hai ange gi de hine laa, “De hine, doo gai e laumalie mmao! Gu hai donu gi bei dau dangidangi.” Aagai de hagasaalunga baubau gu hano gee i daho dana damaa hine i de masavaa laa donu huu.

Matthew 8:29

Gai luu daane laa ne hevaalogi ga hai ange, “Ni aha oou e lodo ai i omaau daha, Tama Daane a de Maadua? Koe e humai naa e hagammae gimaau i mua de masavaa?”

Luke 2:49

Iesu ne hai ange gi gilaau, “Gu aha gu ssala ai gooluu au? Gooluu e dee iloo bolo e heohi donu dogu noho i de hale o dogu Damana?”

John 12:23

Gai Iesu ga hai ange gi gilaau, “Gu dae mai de masavaa e hagamahamaha ai Tama a tangada.

John 13:1

Gai i mua de hai Taonga Hagasili, gai Iesu gu iloo bolo gu dae dono masavaa e hano gee ai i henua i lalo ga ahe gi daho Tamana. Ia ne aloha i ono dangada i henua i lalo nei, gai ia ne aloha donu i gilaadeu ga dae ai gi de hagaodi.

John 2:3

Gai ga odi huu uvaini i taonga, gai tinana o Iesu ga hai ange gi de ia, “Gu odi alaadeu uvaini.”

John 20:13

Gai gilaau ne ssili ange gi de hine laa, “De hine, gu aha gu dangi ai naa goe?” Ia ne hai ange gi gilaau, “Go hiidinga gilaadeu gu kave gee dogu Dagi Maolunga, gai au e dee iloo be go hee alaadeu ne kave ga dugu ai.”

John 20:15

Gai Iesu ga hai ange gi de ia, “De hine, gu aha gu dangi ai naa goe? Gai goai aau e ssala naa?” Gai Mary e hai bolo ia se dangada hai veelenga, gai ia ga hai ange gi de ia, “Tangada aamua, noo go koe ne gaavee gee dono angaanga, gai koe daalaa mai be go hee aau ne kave ia ga dugu ai, gai au ga hano e kave.”

John 7:30

Gai gilaadeu ga hagatale de poo ia, gai teai ne maua i de poo ange gi de ia, go hiidinga tigi dae mai dono masavaa.

John 7:6

Deelaa ai, Iesu ne hai ange gi gilaadeu, “Tigi dae mai dogu masavaa. Gai goodou, doodou masavaa go masavaa alodahi.

John 7:8

Goodou hulo gi taonga. Au e dee hano gi taonga iainei, go hiidinga tigi dae mai dogu masavaa.”

John 8:20

Iesu ne tala muna nei i de masavaa oona e agoago ai i de temple i gaogao de mommee e dugu ai denga sigidaumaha. Aagai teai donu se dangada ne boogia ia, go hiidinga tigi dae mai dono masavaa.

2 Corinthians 5:16

Deenei ai, mai iainei gai gimaadeu gu dee tilo dangada bei de hai a dangada e tilo ai; e dee galemu donu gimaadeu nogo tilo Klisdo i mua bei de hai a dangada e tilo ai laa, gai iainei gimaadeu gu dee tilo bee nei.

Deuteronomy 33:9

Ia ne hagadaba i dono damana ma dono dinana, ‘Au e dee anga ange donu gi gilaau.’ Ia ne hagangadi mee ono daina gai ne tili ana dama. Go hiidinga gilaadeu ne daudali i au muna, ma de daohi dau hagatoo donu hagaheloongoi.