John 2:25 - De Beebaa Dabu

²⁵ Gai e dee se dangada donu ne daalaa ange gi de ia dagodo o dangada, go hiidinga ia e lava donu i dana iloo dagodo lodo o tangada.

John 2:25 Iomraidhean Croise

1 Kings 8:39

gai koe hagalaangona dana dalodalo i doo mommee noho i de langi, ga degi ange ma de sui ange hegau a dahi ma dahi, (go hiidinga koe e iloo dagodo lodo o dahi ma dahi, gai go koe donu huu e donu ange i lodo o dangada alodahi),

Isaiah 11:3

gai ia e malangilangi i de madagu i Tagi Maolunga. Ia e dee hagamodu muna i mee aana e gidee, aabe e hai dahi hilihili i ana mee e langona,

Matthew 9:4

Aagai Iesu gu iloo e ia alaadeu maanadu, gai ia ga hai ange, “Gu aha goodou gu maanadu baubau ai naa i oodou lodo?

John 1:42

Gai ia ne dagi mai ia gi daho Iesu. Gai Iesu ne galo ange ga tilo Peter, ga hai ange, “Doo ingoo go Simon tama daane a John? Koe e hagaingoo ange naa go Cephas” (e bei go Peter).

John 1:47

Gai ga gidee huu e Iesu Nathanael i dono masavaa ne dae mai ai, gai ia ga tala ono dagodo ga hagadaba, “Taane nei se daane Israel abodonu, gai e deai donu se muna hhadu i ono daha!”

John 13:11

Go hiidinga Iesu gu iloo donu be goai gu dai gaavange laa ia, deelaa aana ne hagadaba ai laa, “E dee go goodou alodahi gu gilimalali.”

John 6:61

Gai ga iloo huu e Iesu bolo ana dangada agoago soa e nnanu i dagodo o de mee nei, gai ia ga hai ange gi gilaadeu, “Goodou gu llodo baageaa naa i muna nei?

John 6:64

Aagai e hanu goodou e dee hagadonusia.” Gai Iesu gu iloo huu e ia mai i taamada age be goai gilaadeu e dee hagadonusia, gai goai e gaavange ia.

Deuteronomy 31:21

Gai de masavaa naa huu o denga mee baubau ma mee hai ngadaa lagolago nei e loomai ai gi gilaadeu, gai taahili nei e hagabaubau gilaadeu; go hiidinga olaadeu hagadiilinga e dee ngalo naa donu taahili nei. Gai gu lava donu i dagu iloo dagodo o alaadeu hagatau gu hai anailaa nei, i mua dagu kave gilaadeu gi de henua aagu gu hagatoo donu ange gi gilaadeu.”