John 2:18 - De Beebaa Dabu

¹⁸ Gai de gau Ssuu ga ssili ange gi de ia, “Se hagailonga bee hee aau e hai e hagadonu ai, bolo e dahi oo sauaa e hai ai mee nei?”

John 2:18 Iomraidhean Croise

1 Kings 13:3

De laangi laa gai taane laa ne tala hogi dagodo o dahi hagailonga, ga hagadaba, “Tagi Maolunga gu tala dagodo o dahi hagailonga: de mommee o ssigidaumaha nei e oha naa, gai lehu i ono elunga e maalingi naa gi daha.”

Exodus 7:9

“De masavaa naa huu a Pharaoh e hai adu ai gooluu gi haia dahi mee hagalele mouli, gai koe ga hai Aaron gi dilia iho dono dogo i mada luu mada o Pharaoh, gai togo laa e sui naa ga se labodo.”

Matthew 21:23

De masavaa o Iesu ne ulu ai ga agoago i lo te temple, gai de gau haimeedabu maolunga ma denga dagi ne loomai, ga ssili ange, “Niioai ssauaa aau e hai ai naa mee nei? Gai goai ne gaavadu gi de goe ssauaa naa?”

Mark 8:11

Hanu Pharisee ne loomai hogi ga hagadaumee ange gi Iesu, gilaadeu ne llodo e tilo dahi hagailonga mai de langi, e hagatale ai ia.

Luke 11:29

Gai ga hagadaga ange huu de soa dangada, aagai Iesu ga daamada de basa ga hai ange, “De atangada nei se atangada baubau! Gilaadeu e ssala dahi hagailonga, gai e deai ange donu se hagailonga e hagaago ange gi gilaadeu, go de hagailonga donu huu o Jonah.

John 1:19

Gai aanei muna a John ne tala hagadonu, i de masavaa a de gau Ssuu ne hai ai gi loomai gi ono daha, hanu dangada haimeedabu ma dangada de aamuli o Levi i Jerusalem gi siilia ange gi de ia, “Go koe goai?”

John 1:25

ne ssili ange gi de ia, “Noo e dee go koe de Klisdo, be go Elijah, aabe go de pelaabisi laa, gai gu aha goe gu babudaisi ai naa dangada?”

John 6:30

Gai gilaadeu ne ssili ange hogi gi Iesu, “Ni hagailonga bee hee aau e hagaago mai gi hagadonusia ai e gimaadeu goe? Ni aha naa aau e mau i de hai?

Acts 4:7

Gai gilaadeu ga gaamai gilaau gi olaadeu mada i mua ga ssili ange, “Niioai ssauaa be go de ingoo ooluu e hai ai naa hegau naa?”

Acts 5:28

“Tee hai adu e gimaadeu goodou gi dee aahe ange gi agoago i de ingoo naa? Gai tilo, goodou gu hagadohu Jerusalem alodahi i oodou agoago, gai goodou ga hagabuu mai ai ssala gi gimaadeu, i hiidinga de magau o taane naa.”