John 2:11 - De Beebaa Dabu

¹¹ Gai mee a Iesu ne hai laa i Cana i Galilee, go tahi hagailonga aana ne hai e hagaago mai ai dono mahamaha. Gai ana dangada agoago gu hagadonusia e gilaadeu ia.

John 2:11 Iomraidhean Croise

1 Kings 17:24

Gai de hine laa ga hai ange gi Elijah, “Iainei gai au gu iloo bolo koe se daane donu niio de Maadua, gai muna a Tagi Maolunga aau e tala ni muna abodonu.”

Psalm 72:19

Hagadegi ina dono ingoo mahamaha ga hano ai; gai dono ingoo mahamaha gi dele i henua i lalo alodahi. Amen gai Amen!

Psalm 96:3

Daalaa dagodo o dono mahamaha i magavaa o denga huaahenua, aama ana hegau hagalele mouli i magavaa o dangada alodahi.

Exodus 14:31

Gai ga gidee huu e de gau Israel de mmahi o Tagi Maolunga ne hebagi ange ai gi de gau Egypt, gai gilaadeu gu maatagu i Tagi Maolunga aama de hagadonusia Tagi Maolunga ma dono dangada hai hegau go Moses.

Exodus 4:9

Aagai noo gilaadeu e dee hagadonusia luu sauaa laa, aabe e dee llodo e hagallongo au muna, gai koe ga asu mai hanu vai i de Nile ga llingi ange gi honga de gelegele, gai vai laa e sui naa ga ni dodo.”

Ecclesiastes 9:7

Hannoo, gaina au gai ga malangilangi, ma de unu au uvaini ga lodo danuaa, go hiidinga de Maadua e malangilangi i dau hai mee nei.

Isaiah 40:5

Gai de mahamaha o Tagi Maolunga e hagasula mai naa, gai dangada alodahi e gidee naa, go hiidinga Tagi Maolunga gu lava i de tala muna nei.”

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

John 1:43

De laangi i ono dua, gai Iesu ne lodo e hano gi Galilee, gai ia gu hedae ange gi Philip, gai ia ga hai ange gi de ia, “Daudali mai i de au.”

John 1:50

Iesu ne hai ange gi de ia, “Koe gu hagadonusia i hiidinga au ne tala adu bolo au ne gidee goe i doo noho i lalo de manu somo go de fig? Gai koe e gidee naa mee e kii ange de hagalele mouli i mee nei.”

John 10:41

Gai dangada soa ne loomai gi ono daha, ga hai ange, “John teai donu ana hagailonga ne hai, gai mee alodahi aana gu tala, i dagodo o Taane nei ni muna abodonu.”

John 11:15

gai au e malangilangi i oodou hiidinga, i dogu dee maleva i kilaa i de masavaa laa, gi hagadonusia ai goodou. Gidaadeu ga hulo e tilo ia.”

John 11:47

Gai de gau haimeedabu maolunga ma denga Pharisee ne hagabuni mai de hagabuulinga hagasaele ga ssili ange, “Ni aha adaadeu ga hai? Taane nei gu lagolago ana hagailonga ne hai.

John 12:18

Gai dangada soa ne hulo e hedae ange gi de ia, go hiidinga gilaadeu gu langona dana hai de hagailonga laa.

John 12:37

Aagai e dee galemu donu de lagolago hagailonga a Iesu ne hai i madamada o dangada, gai gilaadeu tee hagadonusia donu ia.

John 12:41

Isaiah ne tala de mee nei i hiidinga ia ne gidee de mahamaha o Iesu gai ia ga tala ono dagodo.

John 14:13

Gai be se aha naa huu oodou e dangidangi ai i dogu ingoo, gai au e hai naa donu gi bei, gai Tama ga hagamahamaha ai Tamana.

John 16:27

e deai, Tamana e aloha donu i goodou, i hiidinga goodou ne aaloha i de au, ma de hagadonusia bolo au ne humai donu i daho de Maadua.

John 16:30

Iainei gimaadeu gu iloo bolo koe e iloo mee alodahi, gai gu deai donu muna ssili a dangada. Deenei ai, gimaadeu e hagadonusia bolo koe ne humai donu i daho de Maadua.”

John 2:1

Dua e lua laangi gai ne hai dahi daonga hagahai bodu i Cana o Galilee, gai tinana o Iesu i kilaa hogi.

John 2:23

De masavaa oona e noho ai i Taonga Hagasili i Jerusalem, gai ne soa dangada ne hagadonusia dono ingoo, i delaadeu gidee denga hagailonga aana ne hai.

John 3:2

Taane nei ne humai gi daho Iesu i de boo, ga ssili ange gi de ia, “Tangada Agoago, gimaadeu e iloo, bolo koe se dangada agoago ne humai i daho de Maadua. Gai e deai ange donu se dangada e maua i de hai denga hagailonga aau e hai naa, noo de Maadua e dee noho i ono daha.”

John 4:3

gai ia ga hano gee i Judea ga ahe gi Galilee.

John 4:46

Gai Iesu ne ahe ange hogi ga hano gi Cana i Galilee, go de mommee aana ne sui ai denga vai ga ni uvaini. Gai e dahi daane aamua i Capernaum gu magi dana dama daane.

John 4:54

Deenei de lua hagailonga a Iesu ne hai, i dua dono ahe mai i Judea gi Galilee.

John 5:23

gai gi odi ai dangada alodahi i de hagadubu Tama, bei delaadeu hagadubu Tamana. Tangada e dee hagadubulia Tama e dee hagadubu hogi Tamana ne haia laa gi humai Tama.

John 6:14

Gai ga gidee huu e dangada de hagailonga a Iesu ne hai laa, gai gilaadeu ga hagataba, “Ni muna abodonu, deenei donu de Pelaabisi gu tala laa bolo e humai gi henua i lalo!”

John 6:2

Gai dangada soa mmao ne daudali ange i de ia ga hulo ai gi kilaa, i hiidinga gilaadeu ne gidee ana hagailonga ne hai ga hagaieiangi ai denga magi.

John 6:26

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, goodou tee ssala au i hiidinga goodou gu gidee hanu hagailonga, aagai goodou ne ssala au i hiidinga goodou ne boobosu i de gai pelaoaa.

John 6:30

Gai gilaadeu ne ssili ange hogi gi Iesu, “Ni hagailonga bee hee aau e hagaago mai gi hagadonusia ai e gimaadeu goe? Ni aha naa aau e mau i de hai?

John 7:31

Aagai ne soa dangada i de hagabuulingaa dangada laa ne hagadonusia ia, gai gilaadeu ga hagataba, “E aha, de Klisdo e lagolago ange naa ana hagailonga e hai, i dono masavaa e humai ai?”

John 9:16

Gai hanu Pharisee ne hagataba, “Taane nei tee humai i daho de Maadua, go hiidinga ia e dee hagadabu de laangi o Sabbath.” Aagai hanu Pharisee ne ssili, “Dee hee de hai a dahi dangada haisala e maua ai i de hai denga hagailonga be mee nei?” Gai gilaadeu gu dee buni.

2 Corinthians 3:18

Gai gidaadeu alodahi gu aau gee laa de mee e haolia laa odaadeu mada, gu gidee de mahamaha o Tagi Maolunga, bei de hai e gidee ai laa de ada i lo te galaasa dilodilo, gai e sui ma e hagadagodo ange gi ono dagodo e hagadaga ange de mahamaha, gai de mee nei se mee mai i daho Tagi Maolunga, se Hagasaalunga laa.

2 Corinthians 4:17

Go hiidinga odaadeu hai ngadaa e hai donu huu i dahi masavaa bodobodo, e hagadabena ange ai gidaadeu gi de mahamaha laumalie e dee ngado mai laa, e dee maua laa i de hagahedae ange gi dahi mee daudahi,

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Deuteronomy 5:24

Gai goodou ne hai mai, “Tilo, Tagi Maolunga taadeu Maadua gu hagaago mai dono mahamaha ma dono sauaa, gai gimaadeu gu langona dono leo, e basa mai ai i lo te ahi ula. Anailaa nei gai gimaadeu gu gidee bolo tangada e maua gi mouli, e dee galemu donu de Maadua gu basa ange gi de ia.

1 John 5:13

Au e sisi adu mee nei gi goodou gu hagadonusia de ingoo o Tama Daane a de Maadua, gi iloo ai e goodou bolo goodou gu maua donu de mouli e dee ngado mai.