John 19:11 - De Beebaa Dabu

¹¹ Iesu ne hai ange gi de ia, “E deai donu soo sauaa noo e dee gaavadu gi de goe mai i lunga. Deelaa ai, tangada ne gaavadu au gi de goe e kii ange dono haisala i de goe.”

John 19:11 Iomraidhean Croise

1 Chronicles 29:11

Tagi Maolunga, koe e maolunga, gai e mmahi, koe e mahamaha, koe e kii, gai niiou ssauaa e dagi ai, gai niiau mee alodahi i de langi ma henua i lalo. Tagi Maolunga, niiou de nohoanga hodooligi, gai koe e aamua i honga mee alodahi.

Psalm 39:9

Au ne dee muu; au tee tala hanu muna, i hiidinga go koe donu ne haia de mee nei.

Psalm 62:11

De Maadua gu tala muna i dahi hanonga; gai au gu langona ana muna i de lua hanonga: bolo koe, de Maadua, e mmahi mmao,

Lamentations 3:37

Goai e maua i de tala dahi muna gai e hai ga bei, noo de Ia Aamua laa e dee dugu ange?

Daniel 4:17

De hagamodu nei se mee ne hagasauaa mai i daho de gau de langi, go de gau dagitilo, gai se hagatau mai i daho de gau dabu, gi iloo ai e dangada alodahi e mouli bolo go de Ia Maolunga Mmao laa e dagina denga nohoanga hodooligi o dangada, gai ia e gaavange be goai aana e lodo e gaavange aagena, ma de hai gilaadeu e lodo maolalo gi dagi ai.’

Daniel 4:25

Koe e hano gee mai naa i daho dangada ga noho madali denga manu aada i lodo henua. Koe e gai naa denga helii bei denga kaau, ma de ssui doo angaanga i de mee suungia o de langi, ga dae ai gi de odi ange de hidu ngadau, gai koe gu donu iho, bolo go de Ia Maolunga Mmao laa e dagina nohoanga hodooligi o dangada, ma de dugu ange gi tangada aana e lodo e gaavange aagena.

Daniel 4:32

Koe e hano gee naa i daho dangada ga noho madali denga manu aada i lodo henua. Koe e gai naa helii bei denga kaau, ga dae ai gi de odi ange de hidu ngadau, gai koe gu donu iho bolo go de Ia Maolunga Mmao laa e dagina denga nohoanga hodooligi o dangada, gai go ia e dugua ange be goai aana e lodo e gaavange aagena.”

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Daniel 5:21

Gai ia gu hai gi hano gee mai i daho dangada, ana maanadu gu bei maanadu a denga manu dolodolo. Ia gu noho madali denga donkey aada ma de gai helii bei denga kaau, gai dono angaanga gu ssui i de mee suungia o de langi, ga dae ai gi de masavaa aana ne donu iho ai bolo go de Maadua Maolunga Mmao laa e dagina denga nohoanga hodooligi o dangada, ma de hilihili tangada aana e lodo e gaavange aagena.

Matthew 26:65

Gai tangada haimeedabu maolunga ga ssae dono malo laa daha, ga hagadaba, “Ia gu hagangadi mee de Maadua. Ni dangada tala hagadonu aha ange odaadeu e llodo ai? Goodou gu langona dana hagangadi mee de Maadua.

Matthew 27:2

Gai gilaadeu ne nnoa ia ga dagi ga kave gi daho de goobenaa go Pontius Pilate.

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

Mark 14:44

Gai taane ne gaavange laa Iesu ne gaavange dahi hagailonga gi denga daane madali ia, ga hai ange, “Tangada naa huu aagu e oso, gai go ia oodou e poo ga kave ga hagaloosi ange.”

Luke 22:53

Laangi alodahi gai au ne noho madali goodou i lo te temple, gai goodou tee poo au. Aagai deenei doodou aoaa aama ssauaa o de gohu.”

John 18:13

ga kave gi daho Annas i mua, go ssaulaba o Caiaphas, tangada haimeedabu maolunga i de ngadau laa.

John 18:3

Gai Judas ne hano ga gaamai dahi hagabuulinga hebagi, ma hanu daane hagaloosi, i daho de gau haimeedabu maolunga ma denga Pharisee. Gilaadeu ne loomai ma alaadeu mee haula ma laama aama goloa hebagi.

John 19:10

Pilate ne hai ange gi de ia, “Koe e dee lodo e basa mai gi de au? Koe e dee iloo laa bolo e dahi ogu sauaa e hagaola ai goe aabe go de daudau goe i de laagau lui?”

John 3:27

Gai a John ne basa ange ga hai ange, “E deai donu se mee a tangada e maua i de kave, noo e dee gaavange gi de ia mai i de langi.

John 7:30

Gai gilaadeu ga hagatale de poo ia, gai teai ne maua i de poo ange gi de ia, go hiidinga tigi dae mai dono masavaa.

John 9:41

Iesu ne hai ange gi gilaadeu, “Noo goodou e dee kide, gai goodou e dee hagabaubau i oodou haisala; aagai go hiidinga goodou e hagataba bolo goodou e gidee, deelaa ai, goodou e haisala donu.”

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.

Acts 3:13

De Maadua o Abraham, ma Isaac aama Jacob, de Maadua o odaadeu dubuna madagidagi, gu hagamahamaha dono dangada hai hegau go Iesu, go de ia oodou ne gaavange ga daa gi magau ma de hagangadi mee i mada i mua o Pilate, e dee galemu donu dana hagatale de hagaola ia.

Acts 4:28

Gai gilaadeu ga hagassula ai au mee alodahi gu hagamodu e hai i doo sauaa ma dau hagatau.

Romans 11:36

Gai go ia ne haia mee alodahi, gai mee nei ne loomai i ono daha, ma de hagahai hegau i dono sauaa. Gidaadeu gi hagamahamaha ina ia ga hano ai! Amen.

Romans 13:1

Dangada alodahi gi hagallongo ange gi gilaadeu gu gaavange ssauaa e dagi ai. Go hiidinga e deai donu se sauaa o dahi dangada e dagi ai, noo e dee se mee mai i daho de Maadua. Gai sauaa alodahi e hanu go de Maadua ne hagaduulia.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

James 4:17

Deenei ai, tangada e iloo e ia de mee heohi dana hai, aagai ia e dee hai, gai ia gu haisala ai donu.