John 18:1 - De Beebaa Dabu

¹ Gai ga lava huu i dana tala muna nei, gai gilaadeu ma ana dangada agoago ga hulo gee i kilaa ga hulo laa lo te geelonga go Kidron gi de baasi laa. Gai e dahi veelenga i de baasi laa, gai gilaadeu ne hulo gi lo te veelenga laa.

John 18:1 Iomraidhean Croise

Genesis 2:15

Gai Tagi Maolunga de Maadua ga kave taane laa gi noho i lo te veelenga go Eden, gai ia ga hagabalabala ai ga doo aama de tilo ange de veelenga laa.

Genesis 3:23

Gai Tagi Maolunga go de Maadua ga alualu taane laa gi hano gee mai i de veelenga go Eden, gai ia ga hagabalabala ai ga doo de gelegele oona ne daamada mai ai laa.

2 Samuel 15:23

Gai dangada alodahi i de henua gu tangi i de masavaa o dangada alodahi e seesee ai e hulo. Gai de hodooligi ne hano gi de baasi laa o de geelonga go Kidron, gai dangada alodahi ne daga ga hulo gi de vao.

1 Kings 15:13

Ia ne aau hogi dono dubuna hahine go Maacah i tuulanga o de hine hodooligi, go hiidinga ia ne hagaduu dahi duludulu hakino gee o Asherah. Gai Asa ne sele iho tuludulu laa ga dudu i lo te geelonga go Kidron.

1 Kings 2:37

De laangi oou e hano ai gi de baasi laa o de geelonga go Kidron, gai koe e daa donu gi magau. Gai doo magau e dau adu donu huu gi de goe.”

2 Kings 23:12

Ia ne oha hogi ga too dagidahi denga mommee o ssigidaumaha a denga hodooligi o Judah ne hagatuu laa i tua de hale, i gaogao de aabi o Ahaz i teege i lunga, aama denga mommee o ssigidaumaha a Manasseh ne hagatuu i lodo luu buibui o de hale o Tagi Maolunga, ga maga gi lo te geelonga go Kidron.

2 Kings 23:4

Gai de hodooligi ga hai ange gi Hilkiah, tangada haimeedabu maolunga, ma de gau haimeedabu i ono lalo, ma gilaadeu e hagaloosi ina de haitoga gi aaua gee denga goloa alodahi o Baal ma Asherah, ma goloa alodahi e daumaha ange ai gi denga heduu, mai i lo te temple o Tagi Maolunga. Gai ia ne kave mee laa ga dudu i tua de buibui o Jerusalem i lo te geelonga go Kidron, ma de kave denga lehu gi Bethel.

2 Kings 23:6

Gai ia ne kave gee tuludulu laagau o Asherah mai i lo te hale o Tagi Maolunga, ga kave gi de geelonga go Kidron i tua o Jerusalem ga dudu ai. Gai ia ga dugidugi de mee laa gu ni mama ga maga ange gi mommee iai daanunga o dangada.

2 Chronicles 15:16

Asa ne aau gee hogi dono dubuna hahine go Maacah i tuulanga o de hine hodooligi, go hiidinga ia ne hagaduu dahi duludulu hakino gee o Asherah. Gai Asa ne sele iho tuludulu laa ga dugidugi gu maoha, ga dudu i lo te geelonga go Kidron.

2 Chronicles 29:16

Gai de gau haimeedabu ne ulu i lo te hale o Tagi Maolunga ga hagagilimalali kilaa. Gai gilaadeu ga aau mai denga mee hakino gee alodahi alaadeu ne gide ga dugu i tua de hale o Tagi Maolunga i lo te buibui. Gai denga daane de aamuli o Levi ga mmoli mee laa ga kave gi lo te geelonga go Kidron.

2 Chronicles 30:14

Gai gilaadeu ne hiihidi age ga aau gee denga mommee o ssigidaumaha i Jerusalem, ma denga mommee o ssigidaumaha o mee maanongi ga tili iho gi lo te geelonga go Kidron.

Nehemiah 2:15

Gai au ne hanage hogi laa gaogao de geelonga i de boo laa ga tilo be aahee dagodo o de buibui, muli mai gai au ne huli ga ahe ga ulu gi lo te aduhale i de Haitoga o de Geelonga.

Jeremiah 31:40

De geelonga alodahi iai laa angaanga o de gau maakau ma de tili ai denga lehu, ma denga veelenga ga dae ai gi ssaalingaa vai go Kidron, ga dae ai gi tege o de Haitoga o denga Hoosa i de baasi gi dua, e hagadabu ange naa gi Tagi Maolunga. Gai de mommee nei e dee ahe ange naa donu e unusi age aabe e oha ga hano ai.”

Leviticus 2:6

gai koe dohidohi gi lligi, ga llingi ange lolo gi aagena; deenei de hai e hai ai ssigidaumaha o grain.

Matthew 26:30

Gai ga lava huu i delaadeu hua dahi daahili, gai gilaadeu ga ssao ga hulo gi de Mounga o denga Olive.

Matthew 26:36

Gai Iesu ne hano madali ana dangada agoago gi de mommee e hagaingoo ange laa go Gethsemane. Gai ia ga hai ange gi gilaadeu, “Goodou nnoho i kinei, gai au ga hano e dalodalo i kilaa.”

Mark 14:26

Gai ga lava huu i delaadeu hua dahi daahili, gai gilaadeu ga ssao ga hulo gi de Mounga o denga Olive.

Mark 14:32

Gai gilaadeu ne hulo gi de mommee e hagaingoo ange laa go Gethsemane. Gai Iesu ga hai ange gi ana dangada agoago, “Goodou nnoho i kinei, gai au ga hano e dalodalo.”

Mark 14:42

Goodou hiihidi age, gidaadeu ga hulo. Tilo, gu dae mai tangada e gaavange au!”

John 14:31

aagai de gau i henua i lalo gi iloo bolo au e aloha i Tamana, gai au e hai donu gi bei mee a dogu Damana gu tala mai gi de au. Goodou hiihidi age, gidaadeu ga hulo.

John 18:26

Gai dahi dangada hai hegau o tangada haimeedabu maolunga, se dangada niio taane a Peter ne tuu laa ga doo dono dalinga, ne ssili ange, “E dee go koe aagu ne gidee laa madali ia i lo te veelenga?”

Acts 21:11

Ia ne humai gi omaadeu daha, ga kave de beele o Paul ga nnoa ai luoono lima ma luoono vae, ga hagadaba, “E hagadaba de Hagasaalunga Dabu, ‘De gau Ssuu i Jerusalem e nnoa naa tangada niiona de beele nei, ga gaavange ia gi denga Gentile.’ ”