John 17:4 - De Beebaa Dabu

⁴ Au ne hagamahamaha goe i henua i lalo, i dagu hagalava de hegau aau ne gaamai au gi haia.

John 17:4 Iomraidhean Croise

Luke 22:37

Au e hai adu gi goodou, muna a de Beebaa Dabu nei e hagassula donu i ogu daha: ‘Ia gu dau madali de gau haisala.’ Gai mee gu sisi laa ma gu tala ai ogu dagodo e hagassula donu.”

John 12:28

Tamana, hagamahamaha ina doo ingoo.” De masavaa laa donu huu gai gu langona de leo mai i de langi, e hagadaba, “Gu lava donu i dagu hagamahamaha dogu ingoo, gai au e ahe ange naa hogi ga hagamahamaha.”

John 14:13

Gai be se aha naa huu oodou e dangidangi ai i dogu ingoo, gai au e hai naa donu gi bei, gai Tama ga hagamahamaha ai Tamana.

John 14:31

aagai de gau i henua i lalo gi iloo bolo au e aloha i Tamana, gai au e hai donu gi bei mee a dogu Damana gu tala mai gi de au. Goodou hiihidi age, gidaadeu ga hulo.

John 15:10

Noo goodou e daudali i agu muna, gai goodou e nnoho donu i lalo dogu aloha, bei dagu hai ne daudali ai laa i muna a dogu Damana, ma de noho i lalo dono aloha.

John 19:28

Dua mee laa, gai Iesu gu iloo bolo mee alodahi gu lava, gai gi hagassula ai muna a de Beebaa Dabu, gai Iesu ga hagadaba, “Au gu hieunu.”

John 19:30

Gai ga lava huu i dana unu mee laa, gai Iesu ga hagadaba, “Gu lava.” Gai ia ga ino iho dono biho ga dugu gi hano dono hagasaalunga.

John 4:34

Iesu ne hai ange gi gilaadeu, “Agu gai go de hai lodo o de ia ne haia nei au gi humai, aama de hagalava ana hegau.

John 5:36

Gai e dahi mee e daalaa hagadonu ogu dagodo e kii ange i de tala hagadonu a John. Go hegau a dogu Damana ne gaamai au gi haia gi lava — go agu hegau donu e hai nei — mee nei e tala hagadonu bolo go Tamana ne haia nei au gi humai.

John 9:3

Iesu ne hai ange, “E dee go haisala o taane nei aabe go luoono maadua ne hidi ai de mee nei, gai de mee nei ne hai e hagaago mai ai dagodo hegau hagalele mouli a de Maadua i ono daha.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

2 Timothy 4:7

Au gu lava i de hebagi i de hebagi danuaa, au gu hagalava dogu savini e houhou, gai au ne daohi dogu gai.