John 17:3 - De Beebaa Dabu

³ Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

John 17:3 Iomraidhean Croise

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

2 Chronicles 15:3

Gai ne daulooloa mmao teai se Maadua abodonu i Israel, teai ai hogi se dangada haimeedabu e agoagona ange gilaadeu, gai teai hainga.

Psalm 9:10

Gilaadeu e iloo doo ingoo e hagadonusia goe; Tagi Maolunga, koe tee tili donu gilaadeu e saalaa goe.

Proverbs 8:35

Go hiidinga be goai e gidee au e gidee de mouli, gai Tagi Maolunga e abodonu ange gi de ia.

Isaiah 48:16

Loomai gi paa mai goodou gi de au, mage hagalaangona muna nei: Mai i taamada gai au tee tala hagammuni dahi mee, de masavaa ne hai ai mee nei, gai au i kilaa. Iainei gai de Ia Aamua go Iahweh ma dono Hagasaalunga gu hai au gi humai.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Hosea 6:3

Gidaadeu gi iloo Tagi Maolunga, gai gi hagaduu ngae gi iloo e gidaadeu Tagi Maolunga. Gai ia e hanage naa donu bei de sula age o de laa i taiao; ia e humai naa gi odaadeu daha bei de langi i de masavaa hagamagalili, ma de langi i taamada o de ngadau e hagamaluulu ina honga de henua.”

Mark 9:37

“Be goai e abodonu ange gi dahi gauligi bei tamaa gauligi nei i hiidinga o dogu ingoo, gai ia e abodonu mai donu gi de au. Gai be goai e abodonu mai gi de au, gai ia e abodonu ange donu gi de ia ne haia nei au gi humai.”

Luke 9:48

gai ia ga hai ange gi gilaadeu, “Be goai e abodonu ange gi tamaa gauligi nei i hiidinga dogu ingoo, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai. Go hiidinga be goai naa huu e maolalo i oodou magavaa alodahi gai go ia e maolunga.”

John 10:36

Gai gu aha goodou gu hai ange ai naa gi de ia a Tamana ne hagadabu ga hai gi humai gi henua i lalo, ‘Koe e hagangadi mee de Maadua i au muna’, i hiidinga au e hagadaba, ‘Go au Tama Daane a de Maadua’?

John 11:42

Au e iloo bolo koe e langona agu muna i masavaa alodahi, gai au e tala muna nei i hiidinga o dangada e tuu nei i kinei, gi hagadonusia ai e gilaadeu bolo go koe donu ne gaamai au gi humai.”

John 14:26

Gai de Ia Bale, go de Hagasaalunga Dabu, go de ia a Tamana e hai gi humai i dogu ingoo, e agoago adu goodou i mee alodahi, ma de hagamaanadu adu gi goodou mee alodahi, aagu gu lava i de tala adu gi goodou.

John 17:18

Au e hai gilaadeu gi hulo gi henua i lalo, bei dau hai ne hai ai au gi humai gi henua i lalo.

John 17:21

gi buni ai gilaadeu alodahi gi dahi; bei odaau dagodo e Tamana, koe i ogu lodo, gai au i oo lodo, gai gilaadeu i odaau lodo, gi hagadonusia ai e henua i lalo bolo go koe donu ne hai nei au gi humai.

John 17:23

au i olaadeu lodo gai koe i ogu daha, gai gi buni ai gilaadeu gi dahi, gi iloo ai e henua i lalo bolo go koe ne haia nei au gi humai, gai koe gu aloha i gilaadeu bei doo aloha i de au.

John 17:25

Tamana e heohi mmao, de gau henua i lalo e dee iloo goe, aagai au e iloo goe, gai gilaadeu gu iloo bolo go koe donu ne haia nei au gi humai.

John 17:8

Gai au gu tala ange gi gilaadeu au muna gu tala mai gi de au, gai gilaadeu gu hagadonusia muna nei. Gai gilaadeu gu iloo bolo ni muna abodonu, au ne humai i oo daha, gai gilaadeu gu hagadonusia bolo go koe donu ne haia nei au gi humai.

John 3:17

Gai de Maadua tee gaamai dana Dama Daane gi henua i lalo e hagaduasala ai henua i lalo, aagai ne gaamai e hagaola ai henua i lalo i ono daha.

John 3:34

Gai de ia a de Maadua ne hai gi humai e tala muna a de Maadua, gai de Maadua e gaavange gi de ia de Hagasaalunga ⌊Dabu⌋, gai e dee hagabau donu.

John 5:44

Dee hee doodou hai e hagadonu ai, gai goodou e hagadau tuhi donu huu goodou, goodou e dee ssala donu huu de tuhi mai i daho de Maadua?

John 6:57

Tamana e mouli laa ne hai au gi humai, gai au e mouli i hiidinga o Tamana, deenei ai, be goai e gaina dogu angaanga e mouli i ogu hiidinga.

John 7:29

Aagai au e iloo ia, go hiidinga au ne humai i ono daha, gai go ia donu ne haia nei au gi humai.”

John 8:19

Gai gilaadeu ga ssili ange gi de ia, “I hee iai doo Damana?” Iesu ne hai ange, “Goodou e dee iloo donu au aabe go dogu Damana. Noo goodou e iloo au, gai goodou e iloo hogi dogu Damana.”

1 Corinthians 15:34

Goodou aahe ange ma gi maanetonu, gai goodou gi dee aahe ange gi haisala. Go hiidinga hanu goodou e dee iloo donu de Maadua. Gai au e tala adu de mee nei gi dookaa ai goodou.

1 Corinthians 8:4

Gai aanei dagodo o de gai mee gu sigidaumaha ange laa gi denga diinonga: gidaadeu e iloo bolo “tiinonga e dee se mee abodonu,” aagai “e dahi donu huu Maadua abodonu.”

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Philippians 3:10

gi maua ai e au i de iloo Klisdo, ma ssauaa ne hagamouli ina age laa ia, ma de hagauda denga hagaduasala madali ia, ma de magau bei ono dagodo,

Philippians 3:8

Gai e dee deenei donu huu, gai au e hagabinga bolo mee alodahi ni ngadi mee donu, i hiidinga de hagamogomogo ange mmao dagu iloo Klisdo Iesu dogu Dagi Maolunga, gai go ono hiidinga aagu ne hagangadi mee ai mee alodahi. Au e hagabinga bolo mee nei e bei donu denga gainga, gi maua abodonu ai e au Klisdo,

1 Thessalonians 1:9

Gai dangada gu tala dagodo o doodou abodonu mai gi gimaadeu, ma doodou daahuli gee mai i denga diinonga ga hai daumaha ange gi de Maadua abodonu e mouli laa,

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

2 Peter 1:2

Gi laumalie de abodonu ma de baba i oodou daha, i doodou iloo de Maadua ma Iesu taadeu Dagi Maolunga.

2 Peter 1:3

Ssauaa o de Maadua gu gaamai gi gidaadeu mee alodahi odaadeu e mouli ai i lodo o de Maadua, i taadeu iloo de ia ne hagahia gidaadeu gi gaavee dono mahamaha ma dono danuaa mmao,

2 Peter 1:8

Gai noo mee nei gu hai hegau i oodou daha ma de hagadagadaga age, gai goodou gu dee ni ngadi dangada gai gu hanu donu oodou haigamaiana, i doodou iloo taadeu Dagi Maolunga go Iesu Klisdo.

1 John 1:2

De mouli nei gu hagasula mai donu, gai gimaadeu gu gidee ma de tala hagadonu ono dagodo. Gimaadeu gu agoago adu goodou i dagodo o de mouli e dee ngado mai, ia nogo noho donu madali Tamana, gai ne hagasula mai gi gidaadeu.

1 John 1:3

Gai gimaadeu gu tala adu hogi gi goodou amaadeu mee gu gidee ma de longo, gi buni ai gidaadeu i de mee daudahi. Gai gidaadeu gu buni madali Tamana ma dana Dama Daane go Iesu Klisdo.

1 John 2:23

Gai noo tangada e hagadee iloo Tama, gai Tamana e dee noho hogi i ono daha. Tangada e daalaa hagadonu dagodo o Tama, gai Tamana e noho donu hogi i ono daha.

1 John 4:6

Gidaadeu nii de Maadua. Tangada e iloo e ia de Maadua e hagallongo adaadeu muna. Tangada e dee nii de Maadua e dee hagallongo adaadeu muna. Deenei taadeu hai e madea ai de hagasaalunga o de mee abodonu, ma de hagasaalunga o de mee e dee heohi.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.