John 17:22 - De Beebaa Dabu

²² Au gu gaavange gi gilaadeu de mahamaha aau ne gaamai laa gi de au, gi buni ai gilaadeu gi dahi bei odaau dagodo, gidaau e dahi donu huu:

John 17:22 Iomraidhean Croise

Mark 6:7

Aagai ia ne hagahi tinoangahulu ma dogolua ga hai gilaadeu gi hulo dagi dogolua, ma de gaavange gi gilaadeu ssauaa e hai ai gi hulo gee denga hagasaalunga baubau.

Luke 22:30

gai goodou ga gaimee ai ma de unu i teebele i dogu nohoanga hodooligi, ma de nnoho i honga denga nohoanga maolunga ga hagamodu ai muna o denga aamuli o Israel e dinoangahulu ma dogolua.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 1:16

Gai gidaadeu alodahi gu kave de manuuia mai i dono abodonu laumalie e aheahe ange laa ma e gaamai gi gidaadeu.

John 14:20

De laangi laa gai goodou e tonu ange naa bolo au i lodo o dogu Damana, gai goodou i ogu lodo, gai au i oodou lodo.

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

Acts 5:41

Gai de gau tala ga hulo gee mai i daho de hagabuulinga hagasaele, gu malangilangi i delaadeu hagaduasala ina i hiidinga o de ingoo o Iesu.

Romans 8:30

Gai gilaadeu aana gu lava laa i de hagatau olaadeu dagodo gu lava hogi i dana hagahi, gai gilaadeu aana gu hagahi laa gu lava hogi i dana hai gi dabu; gai dangada aana gu hai laa gi dabu gu lava hogi i dana hagamahamaha.

2 Corinthians 3:18

Gai gidaadeu alodahi gu aau gee laa de mee e haolia laa odaadeu mada, gu gidee de mahamaha o Tagi Maolunga, bei de hai e gidee ai laa de ada i lo te galaasa dilodilo, gai e sui ma e hagadagodo ange gi ono dagodo e hagadaga ange de mahamaha, gai de mee nei se mee mai i daho Tagi Maolunga, se Hagasaalunga laa.

2 Corinthians 5:20

Deenei ai, gimaadeu go sui o Klisdo, e dagodo be go de Maadua e dangidangi adu gi goodou i omaadeu daha. Gai gimaadeu e sui Klisdo e dangidangi adu ai gi goodou: goodou gi hagadanuaa ina oodou magavaa ma de Maadua.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

Ephesians 2:20

Goodou gu hagatuu ange gi honga tagelo a de gau tala ma denga pelaabisi, gai go Klisdo Iesu donu tuludulu o de logunga,

Philippians 1:29

Go hiidinga ia tee dugu adu donu huu goodou de maua i de kai ange gi Klisdo, aagai goodou gi hagaduasala hogi i ono hiidinga.

Colossians 1:24

Gai au e malangilangi donu i de hagaduasala i oodou hiidinga, gai dogu hagaduasala i de angaanga nei e bale de hagaodi ange de hagaduasala o Klisdo i hiidinga o dono angaanga, go de nohoanga dabu.

1 John 1:3

Gai gimaadeu gu tala adu hogi gi goodou amaadeu mee gu gidee ma de longo, gi buni ai gidaadeu i de mee daudahi. Gai gidaadeu gu buni madali Tamana ma dana Dama Daane go Iesu Klisdo.

1 John 3:24

Be goai e daohia ana muna, gai ia e noho i lodo o de Maadua, gai de Maadua e noho i ono lodo. Gai deenei taadeu hai e iloo ai bolo ia e noho i odaadeu lodo: gidaadeu e iloo de mee nei i daho de Hagasaalunga ⌊Dabu⌋ aana gu gaamai gi gidaadeu.

1 John 4:17

Deenei de hai e hai e honu abodonu ai de aloha i odaadeu daha, gai gi lo taane ai gidaadeu i de laangi hagamodu muna; go hiidinga gidaadeu e bei dagodo o Klisdo, i taadeu nnoho i henua i lalo nei.

Revelation 21:14

Gai de buibui o de aduhale laa e madaangahulu ma lua ono dagelo, gai honga denga dagelo laa e sisi ange aagena ingoo o de gau tala a Ssiibi Gauligi e dinoangahulu ma dogolua.