John 16:21 - De Beebaa Dabu

²¹ De hine e hai ono hagalangona e daemaha, i hiidinga gu dae mai dono aoaa e haanau ai; gai de masavaa naa huu e haanau ai dana gaagaa, gai ia gu dee manavasaa, gai gu malangilangi i hiidinga o dana dama gu haanau mai laa gi henua i lalo.

John 16:21 Iomraidhean Croise

Genesis 3:16

Gai ia ga hai ange gi de hine laa, “Au e hai naa gi kona doo mmae i doo masavaa e hai ai oo hagalangona; koe e mmae naa i de masavaa oou e haanau ai. Koe e lodo mmao naa i doo bodu, ma de noho i lalo dana hainga.”

De Beebaa go Job 11:16

Koe e ngalo naa doo hai ngadaa, gai koe e manadua naa de mee nei bei denga vai gu gaavee laa i de mee mmilo.

Psalm 113:9

Ia e gaavange naa gi de hine dee hua dahi huaabodu, gai ia gi se dinana e malangilangi i ana dama. Duuhia Tagi Maolunga!

Isaiah 13:8

Gilaadeu e kona naa de maatagu, gilaadeu e mmae naa ma de manavasaa, bei de hine gu hai laa ono hagalangona. Gilaadeu e hagadau kalo ange naa ma de llele mouli, gai olaadeu mada e mmea naa.

Isaiah 21:3

Deenei ai, au gu kona mmao dogu manavasaa ma de mmae, au gu mmae, bei de hine gu hai laa ono hagalangona; au gu ino gi lalo i hiidinga o agu mee gu langona, ma de madagu i agu mee gu gidee.

Isaiah 66:7

I mua de hai ono hagalangona, gai ia gu haanau; gai i mua ono hagammae, gai ia gu haanau dahi dama daane.

Micah 4:10

Tamaa hine o Zion, dangi ma gi dige saele i doo mmae, bei de hine gu hai ono hagalangona, go hiidinga koe gu dai hano gee naa i de aduhale ga nnoho gaainga i lodo henua. Koe e hano naa gi Babylon; gai koe e hagaola mai naa i kilaa. Gai Tagi Maolunga e hagao mai naa goe i daho oo hagadaumee.

Micah 4:9

Gu aha gu kona ai naa doo dangi — gu deai soo hodooligi? E aha, gu odi naa donu de maakau oo dangada bale, gai koe gu mmae bei de hine gu hai ono hagalangona?

Galatians 4:27

Go hiidinga gu sisi e hai ange, “De hine dee hua, koe gi malangilangi; de hine tigi langona iho de mmae i de haanau, koe gi oo mage malangilangi; go hiidinga de hine gu dilia e soa ange naa ana dama i dama a de hine e dahi laa ono bodu.”

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.