John 16:14 - De Beebaa Dabu

¹⁴ Ia e hagamahamaha naa donu au, ma de tala adu gi goodou ana mee ne kave mai i ogu daha.

John 16:14 Iomraidhean Croise

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

John 14:21

Be goai e daohia agu muna ga daudali ai, go ia donu e aloha i de au. Gai be goai e aloha i de au gai dogu Damana e aloha hogi i de ia, gai au e aloha hogi i de ia ma de hagaago ange au gi de ia.”

John 15:26

“De masavaa naa huu o de Ia Bale e humai ai, go de ia aagu e hai gi humai i daho Tamana — go de Hagasaalunga o de muna abodonu, e humai laa i daho Tamana — gai ia ga tala hagadonu adu ogu dagodo.

John 7:39

Gai ia ne basa i dagodo o de Hagasaalunga ⌊Dabu⌋, gu dai hano iho laa gi honga o dangada gu hagadonusia ia; de masavaa laa gai de Hagasaalunga ⌊Dabu⌋ tigi hano iho, go hiidinga Iesu tigi kave dono mahamaha.

1 Corinthians 12:3

Deenei ai, au e lodo goodou gi tonu ange bolo e deai donu se dangada e basa i ssauaa o de Hagasaalunga o de Maadua e hagadaba, “Iesu gu hagamalaia!”, gai e deai hogi se dangada e hagadaba, “Iesu go Tagi Maolunga,” noo ia e dee dagi i daho de Hagasaalunga Dabu.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Galatians 5:5

Gai gidaadeu e hagaduu ngae i de tali hagalodolodo ange gi taadeu hagaheohi i de Hagasaalunga ⌊Dabu⌋ i de gai.

1 Peter 2:7

Deenei ai, de hadu nei e hagamogomogo adu gi goodou e hagadonusia, aagai ange gi gilaadeu e dee hagadonusia, “De hadu a de gau hagatuu hale ne hagangadi mee laa gu hai go de hadu i tege,”

1 John 3:23

Gai aanei ana muna: gidaadeu gi hagadonusia i de ingoo o dana Dama Daane, go Iesu Klisdo, ma de hagadau aaloha, bei dana hai gu tala mai ai gi gidaadeu.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

1 John 5:6

Deenei de ia ne humai laa i vai ma dodo — go Iesu Klisdo, gai e dee go vai donu huu aagai go vai ma dodo. Gai de Hagasaalunga ⌊Dabu⌋ go de ia tala hagadonu, go hiidinga de Hagasaalunga go de muna abodonu.

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.