John 16:13 - De Beebaa Dabu

¹³ Aagai de masavaa naa huu o de Hagasaalunga o de mee abodonu e humai ai, gai ia ga dagi ange goodou i de mee abodonu alodahi. Gai ia e dee basa i dono sauaa donu huu, gai ia e tala ana mee alodahi gu langona, gai ia ga tala adu ai gi goodou mee gu dai loomai.

John 16:13 Iomraidhean Croise

Isaiah 11:2

De Hagasaalunga o Tagi Maolunga e noho naa i ono daha — go de Hagasaalunga o de heiangi, ma de donu ange, ma de Hagasaalunga o de hagasaele heohi ma de mmahi, ma de Hagasaalunga o de iloo mee, ma de madagu i Tagi Maolunga —

Joel 2:28

Muli mai naa huu, gai au e hai naa gi hano iho dogu Hagasaalunga gi honga o dangada alodahi; oodou dama daane ma oodou damaa hine e pasa pelaabisi naa, oodou daane maatua e hai naa denga midi, gai oodou dama daane e hai naa denga midi hagaago ange.

John 12:49

Gai au tee basa i dogu sauaa donu huu, gai go Tamana donu ne haia nei au gi humai ne daalaa mai agu muna e tala ma dagu hai e tala ai.

John 14:17

go de Hagasaalunga o de muna abodonu. Gai de gau henua i lalo e dee maua i de kave ia gi olaadeu lodo, go hiidinga gilaadeu e dee gidee aabe e iloo ia. Gai goodou gu iloo ia, go hiidinga ia e noho madali goodou ma de noho i oodou lodo.

John 14:26

Gai de Ia Bale, go de Hagasaalunga Dabu, go de ia a Tamana e hai gi humai i dogu ingoo, e agoago adu goodou i mee alodahi, ma de hagamaanadu adu gi goodou mee alodahi, aagu gu lava i de tala adu gi goodou.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 15:26

“De masavaa naa huu o de Ia Bale e humai ai, go de ia aagu e hai gi humai i daho Tamana — go de Hagasaalunga o de muna abodonu, e humai laa i daho Tamana — gai ia ga tala hagadonu adu ogu dagodo.

John 16:12

E lagolago ange donu agu mee e lodo e tala adu gi goodou, aagai goodou tigi maua i de kave.

John 3:32

Gai ia e tala hagadonu ana mee gu gidee ma de langona; aagai e deai donu dangada e hagadonusia ana muna e tala.

John 8:38

Au e tala adu gi goodou agu mee gu gide i daho dogu Damana, gai goodou e hai mee oodou gu langona i daho doodou damana.”

Acts 11:28

Gai e dahi daane i olaadeu magavaa, dono ingoo go Agabus, ne hidi age ga basa pelaabisi i ssauaa o de Hagasaalunga ⌊Dabu⌋ bolo dahi onge laumalie gu dai dae mai gi henua i lalo alodahi; gai de mee nei ne hai i de masavaa o Claudius e dagi ai.

Acts 20:23

Gai deelaa donu huu, de Hagasaalunga Dabu ne hagaago mai gi de au i denga aduhale alodahi, bolo au e noodia naa ga hagaduasala.

Acts 27:24

ga hai mai, ‘Paul, aude madagu, koe e duu naa donu i mada i mua o Caesar. Gai tilo, de Maadua e hagaola hogi mouli o dangada alodahi i honga de vaga madali goe.’

2 Thessalonians 2:12

gai e hagaduasala naa gilaadeu alodahi e dee hagadonusia de mee abodonu, aagai ne malangilangi i de baubau.

2 Thessalonians 2:3

Goodou gi dee dugua ange dahi dangada gi hagasengalia goodou. Go hiidinga de laangi laa e dee hai naa donu, ga dae ai gi de sula age de hai baasi, gai de ia e oohaa de hainga e hagasula mai naa, go de ia gu hagadabena ange laa e hagaduasala.

Hebrews 1:1

Madagidagi gai de Maadua ne basa ange gi odaadeu dubuna i daho denga pelaabisi, i hanonga lagolago ma hagadagodo lagolago,

1 John 2:20

Aagai doodou hagadabu i de lolo se mee mai i daho de Ia Dabu laa, gai goodou alodahi gu iloo donu de muna abodonu.

1 John 2:27

Aagai de hagadabu i de lolo oodou gu kave naa i daho Klisdo gu noho donu i oodou lodo, deenei ai, e deai ange donu se dangada e agoagona adu goodou i de mee heohi. Aagai go de hagadabu i de lolo oodou gu kave naa e agoagona adu goodou i mee alodahi, gai ni muna abodonu, e dee ni muna hhadu — goodou nnoho i ono lodo bei doodou hai gu agoago ai naa.

1 John 4:6

Gidaadeu nii de Maadua. Tangada e iloo e ia de Maadua e hagallongo adaadeu muna. Tangada e dee nii de Maadua e dee hagallongo adaadeu muna. Deenei taadeu hai e madea ai de hagasaalunga o de mee abodonu, ma de hagasaalunga o de mee e dee heohi.

1 John 5:6

Deenei de ia ne humai laa i vai ma dodo — go Iesu Klisdo, gai e dee go vai donu huu aagai go vai ma dodo. Gai de Hagasaalunga ⌊Dabu⌋ go de ia tala hagadonu, go hiidinga de Hagasaalunga go de muna abodonu.

Revelation 1:1

Hagaago ange a Iesu Klisdo, go mee a de Maadua ne gaavange ia gi hagaagona ange gi ono dangada hai hegau, i dagodo o mee e loomai. Ia ne hai gi humai dono dangada de langi gi hagaagona ange mee nei gi dono dangada hai hegau go John,

Revelation 1:19

Deenei ai, siia mee aau gu gidee: mee alodahi e hai iainei aama mee e hai i muli mai.