John 15:22 - De Beebaa Dabu

²² Noo au tee humai ga tala ange muna nei gi gilaadeu, gai gilaadeu e dee haisala. Aagai iainei gilaadeu gu dee maua i de hagaheohi olaadeu haisala.

John 15:22 Iomraidhean Croise

Ezekiel 2:5

Gai e dee galemu be gilaadeu e hagallongo agu muna aabe deai — go hiidinga gilaadeu se huaadangada hagamaanege — gai gilaadeu gi iloo bolo dahi pelaabisi gu humai gi olaadeu magavaa.

Luke 12:46

gai tangada aamua o tangada hai hegau laa e humai naa i de laangi aana e dee maanadu ai bolo ia e humai, ma de aoaa aana e dee iloo laa. Gai ia e hagaduasala naa ia ga hai ia gi noho madali gilaadeu e dee hagadonusia.

John 12:48

Tangada e kino i de au ma tee daohi agu muna e dahi donu mee e hagamodu ai ono muna; go agu muna gu tala e hagamodu ai ono muna i de laangi hagaodi.

John 15:23

Tangada e kino i de au, e kino hogi i dogu Damana.

John 15:24

Noo au tee hai denga hegau hagalele mouli i olaadeu magavaa, tigi ai ange laa dangada ne haia, gai gilaadeu tee hagabaubau ina i delaadeu haisala. Aagai gilaadeu gu gidee donu agu hegau, gai goi kino huu i gimaau ma dogu Damana.

John 16:9

dagodo o de haisala, i hiidinga gilaadeu e dee hagadonu au;

John 19:11

Iesu ne hai ange gi de ia, “E deai donu soo sauaa noo e dee gaavadu gi de goe mai i lunga. Deelaa ai, tangada ne gaavadu au gi de goe e kii ange dono haisala i de goe.”

John 9:41

Iesu ne hai ange gi gilaadeu, “Noo goodou e dee kide, gai goodou e dee hagabaubau i oodou haisala; aagai go hiidinga goodou e hagataba bolo goodou e gidee, deelaa ai, goodou e haisala donu.”

Acts 17:30

I mua gai de Maadua tee anga ange gi de ssenga o dangada, aagai iainei ia e hai ange gi dangada i mommee alodahi gilaadeu gi daahuli olaadeu lodo.

Romans 1:20

Gai mai i taamada age de hagadau o henua i lalo, gai dagodo o de Maadua e dee gidee laa (dono sauaa e dee ngado laa ma ono dagodo e hagaagona mai laa bolo ia se Maadua abodonu) gu gidee danuaa i mee aana gu lava i de hai. Deenei ai, gilaadeu e dee maua donu i de hagataba bolo gilaadeu e dee iloo ia.

Romans 2:1

Deenei ai, koe, tangada e hagabaubau ina laa tangada ange laa, koe e deai donu soo heohi e hagabaubau ai dahi dangada. Koe e hagaduasala naa donu i dau hagabaubau dahi dangada, aagai koe e haisala hogi i mee nei.

James 4:17

Deenei ai, tangada e iloo e ia de mee heohi dana hai, aagai ia e dee hai, gai ia gu haisala ai donu.

1 Peter 2:16

Goodou mouli bei dagodo o dangada e ilaage, aagai goodou gi dee hagahai hegau ina oodou ilaage gi hagamuunia ai oodou hegau baubau, gai gi mouli bei dagodo o de gau hai hegau o de Maadua.