John 15:21 - De Beebaa Dabu

²¹ Aagai gilaadeu e hai adu naa mee nei alodahi gi goodou i hiidinga o dogu ingoo, go hiidinga gilaadeu e dee iloo de ia ne haia nei au gi humai.

John 15:21 Iomraidhean Croise

Psalm 69:7

I hiidinga au gu hagadogaa ina i oo hiidinga, gai au gu haoli luoogu mada i hiidinga de kona dogu dogaa.

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

Matthew 10:18

Gai goodou e gaavee naa gi mada i mua o denga goobenaa ma hodooligi i ogu hiidinga, gai goodou ga tala hagadonu ange ai au gi gilaadeu aama denga Gentile.

Matthew 10:22

Gai dangada alodahi e kino naa i goodou i hiidinga o dogu ingoo. Gai be goai e lodo mmahi ga dae ai gi de hagaodi, gai ia e hagamouli.

Matthew 10:39

Be goai e gidee dono mouli e tili donu; gai be goai e tili dono mouli i ogu hiidinga e kave donu de mouli.

Matthew 24:9

Dangada e gaavange naa goodou e hagaduasala ma de daa goodou ga maakau, gai dangada alodahi e kino naa i goodou i hiidinga o dogu ingoo.

Matthew 5:11

E manuuia goodou noo e pasa baubau dangada i goodou, ma de vaivai hai goodou, aama de tala denga hagadaagangaa muna hhadu, e hai baasi adu ai gi goodou i ogu hiidinga.

Mark 13:13

Gai dangada alodahi e kino naa i goodou i hiidinga o dogu ingoo. Aagai be goai e lodo mmahi ga dae ai gi de hagaodi e hagamouli donu.

Luke 21:12

Aagai i mua de tae mai o mee nei alodahi, gai dangada e booboo naa goodou ga vaivai hai. Gilaadeu e kave naa goodou ga hagamodu oodou muna i denga synagogue, ma de hhao gi lodo hale pono, ma de kave goodou gi mada i mua o denga hodooligi ma denga goobenaa i hiidinga o dogu ingoo.

Luke 21:17

gai dangada alodahi e kino naa i goodou i hiidinga o dogu ingoo.

Luke 6:22

E manuuia goodou noo dangada e kino i goodou, ma de vvae gee goodou ma de pasa baubau i goodou, ma de hagangadi mee goodou ma de hagamalaia goodou i hiidinga o Tama a Tangada!

John 15:24

Noo au tee hai denga hegau hagalele mouli i olaadeu magavaa, tigi ai ange laa dangada ne haia, gai gilaadeu tee hagabaubau ina i delaadeu haisala. Aagai gilaadeu gu gidee donu agu hegau, gai goi kino huu i gimaau ma dogu Damana.

John 16:3

Gai gilaadeu e hai mee nei i hiidinga gilaadeu e dee iloo dogu Damana, gilaadeu e dee iloo hogi au.

John 17:25

Tamana e heohi mmao, de gau henua i lalo e dee iloo goe, aagai au e iloo goe, gai gilaadeu gu iloo bolo go koe donu ne haia nei au gi humai.

John 8:19

Gai gilaadeu ga ssili ange gi de ia, “I hee iai doo Damana?” Iesu ne hai ange, “Goodou e dee iloo donu au aabe go dogu Damana. Noo goodou e iloo au, gai goodou e iloo hogi dogu Damana.”

John 8:54

Iesu ne hai ange gi gilaadeu, “Noo au e hagamahamaha donu huu au, gai dogu mahamaha e deai donu ono haigamaiana. Gai go dogu Damana e hagamahamaha ina au, gai go ia oodou e hagataba naa bolo go ia doodou Maadua.

John 8:55

Goodou e dee iloo ia, gai au e iloo donu ia. Noo au e hagadaba bolo au e dee iloo ia, gai au gu se dangada hadu muna bei oodou dagodo, aagai au e iloo donu ia ma de daohi ana muna.

Acts 17:23

I hiidinga de masavaa oogu ne hagadaga ai ga tilo oodou mee e daumaha ange aagena, gai au ne gidee dahi mommee o ssigidaumaha e sisi ange aagena muna nei: ‘Ange gi de Maadua e dee iloo laa’. Gai goodou e dee iloo donu dagodo o de mee oodou e daumaha ange naa aagena — gai au e tala adu gi iloo ai e goodou.

Acts 26:9

Au ne hagadonusia hogi bolo au e hai mee alodahi aagu e mau e hai baasi ange ai gi de ingoo o Iesu taane Nazareth.

Acts 3:17

Denga daina, au e iloo bolo goodou ma oodou dagi ne hai de mee nei i hiidinga doodou dee tonu.

Acts 4:17

Gai deenei taadeu hai gi dee kii ange de soa dangada e iloo de longo nei. Gidaadeu e tala ange donu huu gilaau gi dee aahe ange gi agoago i de ingoo nei.”

Acts 5:41

Gai de gau tala ga hulo gee mai i daho de hagabuulinga hagasaele, gu malangilangi i delaadeu hagaduasala ina i hiidinga o de ingoo o Iesu.

Acts 9:14

Gai ia gu kave hogi ssauaa mai i daho de gau haimeedabu maolunga e noonooa ai dangada alodahi e hagahia doo ingoo.”

Acts 9:16

gai au e hagaago ange naa gi de ia de lagolago mee oona e hagaduasala ai i hiidinga dogu ingoo.”

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

1 Corinthians 15:34

Goodou aahe ange ma gi maanetonu, gai goodou gi dee aahe ange gi haisala. Go hiidinga hanu goodou e dee iloo donu de Maadua. Gai au e tala adu de mee nei gi dookaa ai goodou.

1 Corinthians 2:8

Gai e deai donu se dagi o de masavaa go iainei e donu ange gi de mee nei. Noo gilaadeu ne tonu ange aagena, aagai gilaadeu tee daudau Tagi Maolunga mahamaha laa i de laagau lui.

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

1 John 3:1

Ga dae laa de laumalie de aloha o Tamana i gidaadeu, i dana hagabinga bolo gidaadeu go dama a de Maadua! Gai aanei donu odaadeu dagodo. Deenei ai, henua i lalo e dee iloo gidaadeu, go hiidinga e dee iloo de Maadua.

3 John 1:7

Gilaadeu ne hulo i hiidinga de ingoo o Klisdo, gai gilaadeu tee kave donu dahi bale mai i daho denga Gentile.

Revelation 2:3

Koe ne hagaduu ngae ga golomagi oo lodo ma de lodo mmahi i de hagaduasala i hiidinga o dogu ingoo, koe tee ahe donu doo lo taane.