John 15:16 - De Beebaa Dabu

¹⁶ E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

John 15:16 Iomraidhean Croise

Genesis 18:18

Abraham e hai naa ga se huaahenua soa mmao ma de mmahi, gai denga huaahenua alodahi i henua i lalo e manuuia naa i ono hiidinga.

Psalm 145:4

Dahi atangada e tuhi ange naa au hegau gi dahi atangada ange, gilaadeu e tala naa dagodo o au hegau sauaa.

Psalm 71:18

Gai ga madumadua naa donu au ga sinasinaa dogu biho, dogu Maadua, koe gi dee dilia loo au, ga dae ai gi dagu tala ange dagodo o doo mmahi gi denga atangada alodahi e loomai i muli.

Proverbs 11:30

Hua o de heohi go de manu somo o de mouli; gai tangada heiangi e maua e ia lodo o dangada.

Isaiah 27:6

Gai Jacob e ssomo mai naa ono aga i laangi e loomai, gai Israel e loage naa ono laa ma ono huaala, ga loage ono hua ga hhao henua i lalo alodahi.

Micah 5:7

Gai dangada o Jacob e doe i daho denga huaadangada soa e bei naa de mee maluulu mai i daho Tagi Maolunga, ma de langi pala i honga helii, e dee tali ange donu dahi dangada aabe e dahi alaadeu tali ange gi tangada.

Matthew 21:22

Gai be se aha naa huu oodou e dangidangi ai i talodalo, gai e gaavadu donu gi goodou, noo goodou e hagadonusia.”

Matthew 7:7

“Dangidangi gai e gaavadu naa donu gi goodou; saalaa gai goodou ga gidee; dugidugi gai e hhuge adu naa donu gi goodou.

Luke 6:13

Gai de masavaa huu ne ao ai de mee, gai Iesu ga hagahi ana dangada agoago ga hili e dinoangahulu ma dogolua i olaadeu magavaa, ga hagaingoo ange go de gau tala:

John 13:18

“Au e dee basa i goodou alodahi; au e iloo goodou aagu gu lava i de hili. Gai de mee nei e hagassula muna a de Beebaa Dabu gu tala laa, ‘Tangada ne gaimee madali au gu hai baasi mai gi de au.’

John 15:19

Noo goodou ni dangada henua i lalo, gai henua i lalo e aloha i ono dangada donu; gai goodou e dee ni dangada henua i lalo, aagai au gu hili ma gu vvae gee goodou mai i henua i lalo, deelaa ai, henua i lalo e kino i goodou.

John 15:5

Go au de grapevine; goodou go denga laa. Be goai e noho i ogu lodo, gai au e noho i ono lodo, gai ia e hua lagolago. Goodou e dee maua donu i de hai dahi mee daudahi, noo goodou e dee noho i ogu lodo.

John 6:70

Iesu ne hai ange gi gilaadeu, “E aha, e dee go au ne hilia goodou, tinoangahulu ma dogolua? Gai dahi goodou se ia hagabaubau.”

Acts 1:24

Aagai gilaadeu ne dalodalo, ga hai ange, “Tagi Maolunga, koe e iloo lodo o dangada alodahi. Hagaagona mai, be goai aau gu hili i magavaa o luu daane nei,

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Acts 10:41

Gai e dee go dangada alodahi ne gidee ia, aagai go gimaadeu donu huu, a de Maadua gu lava laa i de hili e hai gi ni dangada e daalaa hagadonu mee nei — go gimaadeu ne gaimee laa ma de unu madali ia, i dua dono mouli age mai i de magau.

Acts 22:14

Gai ia ga hai mai, ‘De Maadua o odaadeu maadua madagidagi gu hili goe e hagaago adu ono lodo gi de goe, ma de hai gi gidee e goe de Ia Heohi laa, ma de hai gi langona e goe dono leo.

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Romans 1:13

Denga daina, au e lodo goodou gi tonu ange bolo gu dee modu donu dogu lodo e hanadu gi oodou daha, (aagai goi buibuia huu ga dae mai ai gi iainei); au e lodo hogi gi maua e au i de hai gi daahuli lodo o hanu i oodou magavaa, bei dagu hai gu maua ai laa i magavaa o denga Gentile ange laa.

Romans 1:5

Gai go ono hiidinga amaadeu ne maua ai i de kave de abodonu o de Maadua ma de hegau a tangada tala, gi maua ai e huaahenua alodahi i de hagallongo ange aama de kai ange gi de ia.

Romans 15:4

Gai mee alodahi ne sisi laa madagidagi ne sisi e agoago ai gidaadeu, gi tuu ai gidaadeu gi makaga, ma de lo taane i taadeu iloo de Beebaa Dabu, gai gi dahi ai adaadeu tali.

Romans 9:21

Tangada hai gumedi e maua donu i de hai be ni aha aana e lodo e hai i bela pigi; ia e maua i de hai dahi hagabuudungaa bela pigi ga hai ai dahi gumedi hagamogomogo aabe go dahi gumedi e hai mee ai i de laa tubua!

1 Corinthians 10:11

Gai mee ne hai ange gi gilaadeu e hai ai taadeu mee hagaago, gai ne sisi ga daohi e hagakana ange ai gidaadeu, go gidaadeu gu nnoho i denga laangi hagaodi nei.

Galatians 1:15

Aagai de masavaa huu a de ia ne vaaea gee au i mua dogu haanau, ma de hagahi au i dono abodonu,

Ephesians 2:10

Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.

1 Timothy 2:7

Deenei de hiidinga oogu ne hilia ai nei gi se dangada agoago, gai gi se dangada tala — au e tala adu de muna abodonu, au e dee hadu muna — gai se dangada e agoagona ange denga Gentile i de gai ma de mee abodonu.

2 Timothy 1:11

Gai au ne hili gi se dangada e hagadele ina aama de agoago i de longo danuaa nei,

2 Timothy 2:2

gai koe daohia au mee gu langona dagu tala i mada i mua o de gau tala hagadonu soa, gai koe ga agoagona ange ai gilaadeu e hai hegau i de mee abodonu, gai gilaadeu e maua hogi i de agoago ange ai de gau ange laa.

Titus 1:5

Au ne hai goe gi noho i Crete, gai koe ga hagalava ai mee tigi lava, ma de hili denga dagi o de nohoanga dabu i denga aduhale hugadoo, bei dagu hai gu tala adu ai.

Hebrews 11:4

De gai o Abel ne hai ga maua e ia de hai dahi ssigidaumaha e danuaa ange laa i ssigidaumaha a Cain. Gai ia ne hagabinga bolo se daane e heohi i hiidinga o de mee nei, gai de Maadua ne malangilangi i ana mee ngadi gaavange. Gai ia e duudagi donu de basa iainei i dono gai, e dee galemu donu ia gu magau.

James 3:18

Gai hua o de heohi, go gilaadeu ne dooa de nnoho paba e hagihagia.

1 Peter 3:15

Aagai goodou haia Klisdo go Tagi Maolunga i oodou lodo. Gai goodou gi paba i masavaa alodahi, e tala ange gi dangada alodahi, e siilia adu gi goodou dagodo o de tali hagalodolodo i oodou lodo naa. Aagai haia de mee nei i de daudonu ma de hagadubu,

1 Peter 3:2

i de masavaa alaadeu e gidee ai oodou hegau gilimalali ma de hagadubu.

1 John 4:10

Gai deenei tagodo o de aloha: e dee go gidaadeu ne aaloha ange gi de Maadua, aagai go ia ne aloha mai gi gidaadeu ga gave iho dana Dama Daane e hai ai ssigidaumaha e tala ai odaadeu haisala.

1 John 4:19

Gidaadeu e aaloha i de ia, i hiidinga go ia ne aloha i gidaadeu i mua.