John 15:15 - De Beebaa Dabu

¹⁵ Au e dee hagadaba bolo goodou ni dangada hai hegau, go hiidinga tangada hai hegau e dee iloo, be ni aha a dono dangada aamua e hai. Gai au e hagadaba bolo goodou go ogu soa, go hiidinga au gu tala adu agu mee alodahi gu langona i daho dogu Damana.

John 15:15 Iomraidhean Croise

Psalm 25:14

Tagi Maolunga e tala ange ono lodo gi gilaadeu e maatagu i de ia; ia e hai gi iloo e gilaadeu dana hagatoo donu hagaheloongoi.

Proverbs 18:24

Tangada e soa laa ono soa, e duu ange naa donu gi de hai ngadaa, aagai e dahi dangada se soa e kii ange de baa ange gi de ia i dono daina donu.

Amos 3:7

Ni muna abodonu, de Ia Aamua go Iahweh e dee hai donu dahi mee daudahi noo ia e tigi hagaago ange dana hagatau gi ono dangada hai hegau go denga pelaabisi.

Matthew 13:11

Iesu ne hai ange gi gilaadeu, “Gu dugu adu gi maua e goodou i de tonu ange gi mee o de nohoanga hodooligi o de langi e dee iloo laa, aagai tigi dugu ange gi gilaadeu.

Luke 10:23

Iesu ne huli ange gi ana dangada agoago ga hai ange gi gilaadeu, “Goodou gu manuuia i doodou gidee mee nei!

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

John 13:16

Ni muna abodonu, ni muna abodonu aagu e hai adu nei gi goodou, tangada hai hegau e dee maolunga ange i dono dangada aamua, gai tangada ne hai gi hano e dee maolunga ange i tangada ne haia ia gi hano.

John 15:20

Goodou manadua agu muna gu tala adu gi goodou, ‘Tangada hai hegau e dee maolunga ange i dono dangada aamua.’ Noo gilaadeu ne vaivai hai au, gai gilaadeu e vaivai hai naa hogi goodou. Noo gilaadeu ne daohi agu muna, gai gilaadeu e daohi naa hogi oodou muna.

John 16:12

E lagolago ange donu agu mee e lodo e tala adu gi goodou, aagai goodou tigi maua i de kave.

John 17:26

Au gu tala ange gi iloo e gilaadeu oo dagodo, gai au e duudagi naa donu de hai gi iloo e gilaadeu oo dagodo, gi dagodo ai de aloha oou ne aloha ai laa i de au i olaadeu lodo, gai au ga noho hogi i olaadeu lodo.”

John 20:17

Iesu ne hai ange gi de ia, “Aude poo mai gi de au, i hiidinga au tigi ahe age gi daho Tamana. Aagai koe hannoo gi daho ogu daina hai ange gi gilaadeu, ‘Au e hanage naa gi daho dogu Damana gai go doodou Damana, ma daho dogu Maadua, gai go doodou Maadua hogi.’ ”

John 4:19

Gai de hine laa ga hai ange, “Tangada aamua, au e iloo bolo koe se pelaabisi.

John 8:26

E lagolago agu mee e tala ai oodou dagodo ma de hagamodu ai oodou muna; gai de ia ne haia ngau gi humai go de muna abodonu, gai au e tala ange gi henua i lalo mee alodahi aagu gu langona mai i ono daha.”

Acts 20:27

go hiidinga au tee hagammuni donu dahi mee i goodou, gai ne tala adu gi goodou lodo alodahi o de Maadua.

Romans 7:15

Au e dee donu ange gi agu hegau e hai. Go hiidinga au e dee hai ogu mee e lodo e hai, aagai e hai mee alodahi oogu e kino ai.

1 Corinthians 2:16

“Gai goai e donu ange gi maanadu a Tagi Maolunga, gai ia ga agoago ange ai ana mee e hai?” Aagai gidaadeu e maanadu bei dagodo o Klisdo.

Galatians 4:6

Gai go hiidinga goodou ni dama niiana, deelaa ai, de Maadua gu hai gi humai de Hagasaalunga o dana Dama Daane gi noho i odaadeu lodo, gai goodou ga hagahi ange ai, “Abba! Tamana!”

Ephesians 1:9

Gai ia ga hai ai gi iloo e gidaadeu dana hagatau e dee iloo laa, bei dana hagatau gu hai laa i daho Klisdo,

Ephesians 3:5

De Maadua tee hagaago ange mee nei gi denga atangada i mua, bei de hai gu hagaago ange ai gi ono dangada tala dabu, ma denga pelaabisi i daho de Hagasaalunga ⌊Dabu⌋.

Colossians 1:26

go de mee nogo dee iloo laa e denga atangada gu hulo i dahi masavaa daulooloa, aagai iainei gu hagaago ange gi ono dangada dabu.

Philemon 1:16

Iainei ia gu dee se dangada hai hegau donu huu, aagai gu kii ange i tangada hai hegau, ia gu se daina hagamogomogo. Ia e dee se daina hagamogomogo mai donu huu gi de au, gai e kii ange naa donu doo aloha i de ia, i hiidinga ia se dangada hai hegau niiou, gai se daina hogi i lodo o Tagi Maolunga.

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.

James 2:23

Gai gu hagassula muna a de Beebaa Dabu gu tala laa, “Abraham ne hagadonusia de Maadua, gai dono gai ne hai ia gi dau bolo se dangada e heohi;” gai ia gu hagaingoo ange go ssoa o de Maadua.

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

Jude 1:1

Mai i daho Jude, tangada hai hegau o Iesu Klisdo, taina daane o James. Ange gi dangada a de Maadua gu hagahia laa, ma de hagamogomogo i daho de Maadua Tamana ma de buibui i daho Iesu Klisdo.

Revelation 1:1

Hagaago ange a Iesu Klisdo, go mee a de Maadua ne gaavange ia gi hagaagona ange gi ono dangada hai hegau, i dagodo o mee e loomai. Ia ne hai gi humai dono dangada de langi gi hagaagona ange mee nei gi dono dangada hai hegau go John,