John 14:6 - De Beebaa Dabu

⁶ Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 14:6 Iomraidhean Croise

Matthew 11:27

Dogu Damana gu gaamai gi de au mee alodahi. Gai e deai donu e iloo Tama, go Tamana donu huu; e deai hogi e iloo Tamana, go Tama donu huu, aama gilaadeu a Tama e lodo e hagaago Tamana aagena.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

John 1:4

Go ono daha iai de mouli, gai de mouli laa go de maalama o dangada.

John 10:28

Au e gaavange gi gilaadeu de mouli e dee ngado mai, gai gilaadeu e dee haihai naa donu ga maakau; gai e deai donu se dangada e maua i de aau gee gilaadeu mai i lo togu lima.

John 10:7

Deelaa ai, Iesu ne hai ange hogi gi gilaadeu, “Ni muna abodonu, ni muna abodonu aagu e hai adu nei gi goodou, go au de haitoga o denga ssiibi.

John 10:9

Go au de haitoga abodonu; be goai e ulu mai i de au, gai ia e hagaola. Ia e ulu mai naa ma de sao ga hano, gai ia e gidee naa de mommee iai helii.

John 14:19

E dee mmule naa donu, gai de gau henua i lalo gu dee gidee au, aagai goodou e gidee au; go hiidinga au e mouli gai goodou e mouli naa hogi.

John 15:1

“Go au de grapevine abodonu, gai dogu Damana go de ia hai veelenga.

John 18:37

Gai Pilate ne ssili ange gi de ia, “Koe se hodooligi?” Iesu ne hai ange, “Koe gu hagadaba bolo au se hodooligi. Deenei dogu hiidinga ne haanau mai ai nei, ma de humai gi henua i lalo; gai au ga tala hagadonu ai dagodo o de mee abodonu. Be goai e daohia de mee abodonu gai ia e hagallongo agu muna.”

John 5:21

Gai e bei donu de hai a Tamana e hagamouli age ai laa de gau maakau, ga gaavange gi gilaadeu de mouli, gai e bei ai hogi, Tama e gaavange de mouli gi gilaadeu aana e lodo e vange aagena.

John 6:33

Gai de pelaoaa a de Maadua go de ia ne hano iho mai i de langi, gai ia e gaavange de mouli gi henua i lalo.”

John 6:51

Go au de pelaoaa o de mouli ne hano iho mai i de langi; be goai e gaina de pelaoaa nei, gai ia e mouli ga hano ai. Gai de pelaoaa aagu e gaavange e hagamouli ai henua i lalo go dogu angaanga donu.”

John 6:57

Tamana e mouli laa ne hai au gi humai, gai au e mouli i hiidinga o Tamana, deenei ai, be goai e gaina dogu angaanga e mouli i ogu hiidinga.

John 6:68

Simon Peter ne hai ange gi de ia, “Tagi Maolunga, gai go daho ai ange naa omaadeu e hulo aagena? Gai go oo daha iai muna o de mouli e dee ngado mai.

John 8:32

gai goodou e iloo ai naa de muna abodonu, gai de muna abodonu ga hai gi ilaage goodou.”

John 8:51

Ni muna abodonu, ni muna abodonu aagu e hai adu gi goodou, tangada e daohi agu muna e dee magau naa donu.”

Acts 3:15

Goodou ne daa ga magau Tagi o de mouli, gai de Maadua ne hagamouli age ia mai i de magau. Gai gimaadeu ni dangada e daalaa hagadonu dagodo o mee nei.

Acts 4:12

E deai ange donu se hagamouli i daho dahi dangada ange, gai e deai ange donu se ingoo ne gaavange gi dangada o henua i lalo e maua i de hagamouli gidaadeu.”

Acts 9:2

ga dangidangi ange i hanu leda e hagasauaa ai dono hano gi denga synagogue i Damascus, gi maua ai e ia i de noonooa denga daane ma haahine noo ia e gidee hanu gu dau ange gi de Haiava, gai ia ga gaamai ai gilaadeu gi Jerusalem.

Romans 15:16

go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.

Romans 5:2

gai go ono hiidinga adaadeu ne kave ai nei de abodonu o de Maadua i de gai. Gai gidaadeu e tala tuhi taadeu tali de masavaa adaadeu e kave ai de mahamaha o de Maadua.

Romans 5:21

Deenei ai, e bei de hai o de haisala e daohi ai laa ssauaa o de magau, gai e bei ai hogi, de abodonu o de Maadua e daohi ssauaa e hagaheohi ai dangada, ma de gaavange gi gilaadeu de mouli e dee ngado mai i hiidinga o Iesu Klisdo taadeu Dagi Maolunga.

1 Corinthians 15:45

Gai gu sisi e hai ange, “Adam, go tangada ne hai i taamada, ia ne hai ga se dangada e mouli;” gai de Adam hagaodi se dangada e mouli iai de hagasaalunga e vange de mouli gi dangada.

Ephesians 2:18

Gai go ia odaadeu alodahi ne maua ai i de hulo gi Tamana i de Hagasaalunga e dahi.

Colossians 2:17

Denga dahulinga nei alodahi se ada donu huu niio mee gu dai loomai; aagai de mee abodonu go Klisdo.

Colossians 2:9

Gai dagodo alodahi o de Maadua gu daakodo donu i lodo o Klisdo, i dono angaanga.

Colossians 3:4

Gai de masavaa naa huu o Klisdo, doodou mouli e humai ai, gai goodou e loomai naa hogi madali ia i de mahamaha.

Hebrews 7:25

Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.

Hebrews 9:8

De Hagasaalunga Dabu e hagaago mai i de mee nei, bolo de abaaba e ulu ai gi de Aabi Dabu mmao laa tigi hhuge donu, i taulooloa de duu o de hale malo e hagaduu laa i taamada.

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.

1 Peter 2:4

Goodou loomai gi de ia, go ia de hadu e mouli laa — ne tili gee laa i daho dangada, aagai de Maadua ne hili ia ga hai gi se hadu hagamogomogo —

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

1 John 1:8

Noo gidaadeu e hagataba bolo gidaadeu e deai odaadeu haisala, gai gidaadeu e daahanga donu huu gidaadeu, gai e deai donu se muna abodonu i odaadeu lodo.

1 John 2:23

Gai noo tangada e hagadee iloo Tama, gai Tamana e dee noho hogi i ono daha. Tangada e daalaa hagadonu dagodo o Tama, gai Tamana e noho donu hogi i ono daha.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

1 John 5:6

Deenei de ia ne humai laa i vai ma dodo — go Iesu Klisdo, gai e dee go vai donu huu aagai go vai ma dodo. Gai de Hagasaalunga ⌊Dabu⌋ go de ia tala hagadonu, go hiidinga de Hagasaalunga go de muna abodonu.

2 John 1:9

Tangada e hai ga dubu ange aama tee daudali i agoago a Klisdo, de Maadua e dee noho donu i ono daha. Tangada e daudali i agoago nei, gai Tamana ma Tama Daane e nnoho donu i ono daha.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

Revelation 19:11

Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.

Revelation 20:15

Gai tangada e dee sisi dono ingoo i de beebaa o de mouli gu tili ange gi lo te ahi e sali laa bei de vai.

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.