John 14:2 - De Beebaa Dabu

² E lagolago mommee noho i de hale o dogu Damana; gai noo e deai, gai au gu tala adu gi goodou, bolo au e hano e hagadabena dahi mommee moodou.

John 14:2 Iomraidhean Croise

Luke 14:22

Tangada hai hegau laa ne ahe mai ange ga hai ange, ‘Tangada aamua, au gu hai mee alodahi aau ne hai mai au gi haia, aagai tigi honu de mommee o taonga.’

John 13:33

Agu gauligi, gu bodobodo donu dogu masavaa e noho ai i oodou daha. Gai goodou e ssala naa donu au, gai e bei dagu hai gu tala ange ai laa gi de gau Ssuu, gai au e tala adu hogi gi goodou iainei: ‘Goodou e dee maua i de loomai gi dogu mommee ga hano nei aagena.’

John 13:36

Simon Peter ne ssili ange gi de ia, “Tagi Maolunga, go hee oou ga hano naa aagena?” Iesu ne hai ange, “Iainei gai koe tigi maua i de daudali mai i de au gi de mommee oogu ga hano nei aagena, aagai koe e daudali mai naa i muli mai.”

John 14:28

Goodou gu langona dagu tala adu gi goodou, ‘Au ga hano gee nei mai i oodou daha, gai au e ahe mai naa donu gi goodou.’ Noo goodou e aaloha i de au, gai goodou e malangilangi donu i dogu ahe e hano gi daho Tamana, go hiidinga Tamana e maolunga ange i de au.

John 16:4

Au gu tala adu de mee nei gi goodou, gi manadua ai e goodou i de dae mai de masavaa laa, bolo au gu tala adu mee nei gi goodou. Au tee tala adu de mee nei i taamada age, go hiidinga au goi noho huu i oodou daha.

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

Acts 9:16

gai au e hagaago ange naa gi de ia de lagolago mee oona e hagaduasala ai i hiidinga dogu ingoo.”

2 Corinthians 5:1

Gai gidaadeu e iloo bolo noo de hale malo, go odaadeu angaanga, odaadeu e mouli ai nei i henua i lalo gu maoha, gai e dahi odaadeu hale gu hagaduu i daho de Maadua, e dee se hale e hai i lima o dangada, gai se hale e dee ngado mai i de langi.

1 Thessalonians 5:9

De Maadua tee hili gidaadeu e hagaduasala i dono bole, aagai ne hili gidaadeu gi hagamouli i daho taadeu Dagi Maolunga go Iesu Klisdo.

Titus 1:2

ma de tali hagalodolodo ange gi de mouli e dee ngado mai, go de mee a de Maadua, e deai laa se hadu muna, gai gu hagatoo donu i mua taamada o henua i lalo,

Hebrews 11:10

Gai ia ne ssala dahi aduhale e hanu ono dagelo, gai de labagau ma de ia ne hagaduulia go de Maadua.

Hebrews 13:14

Go hiidinga kinei e deai donu sedaadeu aduhale e dagodo ga hano ai, aagai gidaadeu e ssala de aduhale gu dai humai laa.

Hebrews 6:20

go de mommee o de ia gu hano laa i odaadeu mada i mua ne ulu ai i odaadeu hiidinga, go Iesu. Gai ia gu hai gi se dangada haimeedabu maolunga ga hano ai bei dagodo o Melkizedek.

Hebrews 9:8

De Hagasaalunga Dabu e hagaago mai i de mee nei, bolo de abaaba e ulu ai gi de Aabi Dabu mmao laa tigi hhuge donu, i taulooloa de duu o de hale malo e hagaduu laa i taamada.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

Revelation 21:2

Gai au ne gidee de aduhale dabu, go Jerusalem hoou, e hano iho i de langi i daho de Maadua, gai gu lava i de hagadanuaa bei dagodo o de hine gu dai hagahai bodu gu gahu laa e hagadabena ange gi dono bodu.

Revelation 3:12

Be goai e kii, gai au e hai ia gi se duludulu i lo te temple o dogu Maadua. Gai ia e dee ahe ange naa donu e hano gee i kilaa. Gai au e sisi ange naa gi de ia de ingoo o dogu Maadua, ma de ingoo o de aduhale o dogu Maadua, go Jerusalem hoou, e hano iho laa i de langi i daho de Maadua, aama dogu ingoo hoou.

Revelation 3:21

Be goai e kii, gai au e hai ia gi noho madali au i honga dogu nohoanga hodooligi, bei dogu hai ne kii ai laa hogi ga noho i honga de nohoanga hodooligi o dogu Damana.