John 14:13 - De Beebaa Dabu

¹³ Gai be se aha naa huu oodou e dangidangi ai i dogu ingoo, gai au e hai naa donu gi bei, gai Tama ga hagamahamaha ai Tamana.

John 14:13 Iomraidhean Croise

Matthew 21:22

Gai be se aha naa huu oodou e dangidangi ai i talodalo, gai e gaavadu donu gi goodou, noo goodou e hagadonusia.”

Matthew 7:7

“Dangidangi gai e gaavadu naa donu gi goodou; saalaa gai goodou ga gidee; dugidugi gai e hhuge adu naa donu gi goodou.

Mark 11:24

Deenei ai, au e hai adu gi goodou, be se aha naa huu oodou e dangidangi ai i talodalo, ga hagadonu bolo e maua donu, aagai e gaavadu donu gi goodou.

Luke 11:9

Gai au e hai adu gi goodou: dangidangi gai e gaavadu naa donu gi goodou; saalaa gai goodou ga gidee; dugidugi gai e hhuge adu naa donu gi goodou.

John 10:30

Gimaau ma dogu Damana e dahi donu huu.”

John 12:44

Gai Iesu ne oo ga hagadaba, “Tangada e hagadonusia au e hagadonusia donu hogi de ia ne haia ngau gi humai.

John 13:31

Gai ga hano gee huu Judas, gai Iesu ga hagadaba, “Gu dae mai de masavaa e hagamahamaha ai Tama a Tangada, gai de Maadua ga hagamahamaha naa i ono daha.

John 14:14

Noo goodou e dangidangi mai i dahi mee i dogu ingoo, gai au e hai naa donu gi bei.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

John 15:7

Noo goodou e nnoho i ogu lodo, gai agu muna e daakodo i oodou lodo, gai be se aha naa huu oodou e dangidangi mai ai, gai e gaavadu donu gi goodou.

John 16:23

De laangi laa gai goodou e dee dangidangi mai naa gi de au i dahi mee. Ni muna abodonu, ni muna abodonu aagu e hai adu gi goodou, be ni aha naa huu oodou e dangidangi ange ai gi Tamana i ogu hiidinga, gai ia e gaavadu naa donu gi goodou.

John 16:26

De laangi laa gai goodou e dangidangi naa i dogu ingoo; au e dee hai adu bolo au e dangidangi ange naa gi Tamana i oodou hiidinga;

John 16:7

Gai au e tala adu gi goodou de muna abodonu: e haigamaiana adu donu gi goodou dogu hano gee mai i oodou daha. Noo au e dee hano gee, gai de Ia Bale e dee humai gi oodou daha; aagai noo au e hano gee, gai au e hai naa ia gi humai gi oodou daha.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

John 5:19

Gai Iesu ga hai ange gi gilaadeu, “Ni muna abodonu, ni muna abodonu aagu e hai adu nei gi goodou, Tama e dee maua donu i de hai dahi mee i de ia donu huu, gai ia e hai donu huu ana mee e gidee Tamana e hai; go hiidinga be se aha naa huu a Tamana e hai, gai deelaa hogi de mee a Tama e hai.

John 7:37

Gai de laangi hagaodi o taonga, go de laangi maolunga hugadoo, gai Iesu ne duu age ga oo ga hagadaba, “Be goai e hieunu, gai ia gi humai gi unu i ogu daha.

1 Corinthians 14:13

Deenei ai, tangada e basa i denga hagadaagangaa muna, gi dalodalo gi maua e ia i de hagadonu ana muna.

Ephesians 2:18

Gai go ia odaadeu alodahi ne maua ai i de hulo gi Tamana i de Hagasaalunga e dahi.

Ephesians 3:12

go de ia odaadeu e lo taane ai ma tee maatagu i de loomai gi mada luu mada o de Maadua i de gai.

Ephesians 3:14

Deenei ai, au e duuduli i mada luu mada o Tamana,

Philippians 4:13

Au e maua donu i de hai mee alodahi i ssauaa o Klisdo, go de ia e hagammahi ina ogu lodo.

Colossians 3:17

Gai mee alodahi oodou e hai, i oodou muna be go oodou hegau, gai goodou haia mee nei alodahi i de ingoo o Tagi Maolunga go Iesu, ma de hagaahe ange de abodonu gi de Maadua Tamana i dono ingoo.

Hebrews 13:15

Deenei ai, gidaadeu ga duudagi taadeu gaavange gi de Maadua ssigidaumaha o de tuhi, i de ingoo o Iesu i masavaa alodahi, deenei go taadeu tala hagadonu dono ingoo.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

Hebrews 7:25

Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.

1 Peter 2:5

gai e bei ai hogi oodou dagodo, goodou go de hadu e mouli laa, e hagaduu ai laa de hale daumaha i de baasi gi de hagasaalunga, e hai ai de gau haimeedabu dabu, gai goodou ga hai ai denga sigidaumaha i de baasi gi de hagasaalunga, e hagamalangilangi ina de Maadua i hiidinga o Iesu Klisdo.

1 John 3:22

gai e maua mee alodahi odaadeu e dangidangi ai, go hiidinga gidaadeu e daohi ana muna, ma de hai ono mee e malangilangi ai.

1 John 5:14

Gai deenei de mee e haia gi lo taane gidaadeu i mada luoono mada: noo gidaadeu e dangidangi i dahi mee bei dagodo ono lodo, gai ia e hagallongo donu adaadeu dalodalo.