John 13:4 - De Beebaa Dabu

⁴ Deelaa ai, ia ne hidi age i de mommee gaimee, ga hagaui dono malo laa daha ma de kave dahi malo hagammasa ga nnoa ai lo tono ungaalodo.

John 13:4 Iomraidhean Croise

2 Kings 3:11

Gai Jehoshaphat ga ssili ange, “E dahi nei pelaabisi o Tagi Maolunga i kinei, adaadeu e maua ai i de ssili gi iloo lodo o Tagi Maolunga i ono daha?” Gai dahi dagi o denga daane o de hodooligi o Israel ne hai ange, “Elisha, tama daane a Shaphat i kinei. Go ia taane nogo liingia ange vai gi luu lima o Elijah.”

Luke 12:37

E manuuia de gau hai hegau a tangada aamua e humai ga gidee bolo gilaadeu e dagitilo, i de masavaa oona e dae mai ai. Ni muna abodonu aagu e hai adu nei gi goodou, ia e gahu naa ga hagadabena ga hai gilaadeu gi hakaogao i teebele gi gaimee ai, gai ia ga gaavange alaadeu gai.

Luke 17:7

“Goai de goodou e dahi laa ono dangada hai hegau e hai hegau i dana veelenga, aabe e hagaloosia ange au ssiibi, gai koe e hai ange gi de ia i de masavaa oona e ahe mai ai i de veelenga, ‘Humai noho gaimee i mua’?

Luke 17:8

E deai! Gai ia e hai ange naa gi de ia, ‘Hagadabena ina ogu mee e gaimee ai, mage gahu i oo malo ga gaamai agu mee e gai ma de unu, gai muli mai gai koe ga gaimee ai ma de unu.’

Luke 22:27

Goai tangada maolunga, go tangada e hakaogao laa i teebele aabe go de ia e gaamai gai gi teebele? Gidaadeu e iloo bolo go de ia e hakaogao laa ma e gaimee. Aagai au e noho i oodou magavaa bei dagodo o tangada hai hegau.

John 13:12

Gai ga lava huu i dana hakaugau olaadeu vae, gai ia ga ahe ange ga gahu i ono malo ga noho i dono duulanga. Gai ia ga hai ange gi gilaadeu, “Goodou gu tonu ange naa gi de hegau aagu ne hai adu nei gi goodou?

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

1 John 3:11

Gai deenei de agoago oodou gu langona mai i taamada: gidaadeu gi hagadau aaloha.