John 13:34 - De Beebaa Dabu

³⁴ Au e gaavadu gi goodou dahi hainga hoou: goodou hagadau aaloha. Goodou hagadau aaloha bei dogu hai ne aloha adu ai gi goodou.

John 13:34 Iomraidhean Croise

Psalm 119:63

Au se soa niiolaadeu alodahi e maatagu i de goe, ma gilaadeu e daohia au muna gu hagasauaa.

Psalm 16:3

De gau dabu i honga de henua, go gilaadeu e mahamaha, gai au e malangilangi ai.

Leviticus 19:18

Aude suuia ange de baubau, aabe e golo age doo lili i dahi oo dangada, aagai koe aloha i tangada e baa adu gi de goe, bei doo aloha donu i de goe. Go au go Iahweh.

Leviticus 19:34

Gai haia tangada henua gee e noho i oodou daha gi bei dagodo o tangada de henua donu, gai goodou aaloha i de ia bei doodou aaloha donu i goodou; i hiidinga goodou ni dangada henua gee i de masavaa oodou nogo nnoho ai i de henua go Egypt. Go au donu go Iahweh doodou Maadua.

Matthew 5:44

Aagai au e hai adu gi goodou, aaloha ange gi oodou hagadaumee, gai dalodalo i gilaadeu e vaivai haia goodou,

John 15:17

Aanei agu muna adu gi goodou: goodou hagadau aaloha!

John 17:21

gi buni ai gilaadeu alodahi gi dahi; bei odaau dagodo e Tamana, koe i ogu lodo, gai au i oo lodo, gai gilaadeu i odaau lodo, gi hagadonusia ai e henua i lalo bolo go koe donu ne hai nei au gi humai.

Romans 12:10

Goodou hagadau aaloha i de hagadau aaloha o denga daina, gai gi hagadau hagadubu.

Romans 13:10

De aloha e dee hai ange de mee dee heohi gi tangada e baa ange gi de ia; deenei ai, de aloha e hagasula de hainga alodahi.

Romans 13:8

Goodou gi dee muli ange gi dahi dangada i dahi mee, aagai gi hagadau aaloha, go hiidinga be goai e aloha ange gi dangada e hagasula donu de hainga alodahi a de Maadua.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

Galatians 6:10

Deenei ai, noo gu dahi masavaa danuaa, gai gidaadeu gi haia ange tanuaa gi dangada alodahi, gai go huaabodu donu o dangada gu hagadonusia e hai ange mee nei aagena.

Galatians 6:2

Goodou gi hagadau hagauda ina oodou daemaha; noo goodou e hai de mee nei, gai goodou gu daudali i de hainga a Klisdo.

Ephesians 5:2

Goodou hai hegau i de aloha, bei de aloha o Klisdo i gidaadeu, ia ne gaavange dono mouli i odaadeu hiidinga, e hai ai ssigidaumaha nnamu kala ange gi de Maadua.

Colossians 1:4

go hiidinga gimaadeu gu langona dagodo o doodou kai ange gi Klisdo Iesu, aama doodou aaloha i dangada alodahi o de Maadua,

1 Thessalonians 3:12

Tagi Maolunga gi haia gi kii ange doodou hagadau aaloha aama doodou aaloha ange gi dangada ange laa, bei tagodo demaadeu aaloha i goodou,

2 Thessalonians 1:3

Denga daina, e heohi donu demaadeu hagaahe ange de abodonu gi de Maadua i oodou hiidinga i masavaa alodahi, go hiidinga oodou kai gu kona mmao de hagadagadaga age, gai doodou hagadau aaloha gu kii ange hogi de laumalie.

Hebrews 13:1

Goodou duudagi ina de hagadau aaloha bei dagodo o denga hai daina donu.

James 2:8

Noo goodou e hagasula de hainga o de nohoanga hodooligi o de Maadua, bei de hai gu sisi ai laa i de Beebaa Dabu, “Koe gi aloha i tangada e baa adu gi de goe bei doo aloha donu i de goe,” gai gu danuaa.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

2 Peter 1:7

gai de hai lodo o de Maadua gi madali de hagadau abodonu o denga daina, gai de hagadau abodonu o denga daina gi madali de aloha.

1 John 3:11

Gai deenei de agoago oodou gu langona mai i taamada: gidaadeu gi hagadau aaloha.

1 John 3:23

Gai aanei ana muna: gidaadeu gi hagadonusia i de ingoo o dana Dama Daane, go Iesu Klisdo, ma de hagadau aaloha, bei dana hai gu tala mai ai gi gidaadeu.

1 John 4:21

Gai ia ne tala mai gi gimaadeu de muna nei: tangada e aloha i de Maadua e aloha hogi i dono daina.

2 John 1:5

De hine hagadubu, iainei gai au e dangidangi adu gi de goe, gidaadeu ga hagadau aaloha. Agu mee e sisi adu nei e dee ni muna hoou, aagai ni muna donu gu lava i taadeu iloo mai i taamada.