John 12:43 - De Beebaa Dabu

⁴³ go hiidinga e kii de tuhi mai i daho dangada i delaadeu llodo ai, i de tuhi mai i daho de Maadua.

John 12:43 Iomraidhean Croise

Psalm 22:29

De gau lava alodahi o henua i lalo e daonga naa ma de daumaha; gilaadeu alodahi e maakau laa e ino naa i ono mada i mua — aama tangada e dee maua laa i de hagaola dono mouli.

Proverbs 29:25

Doo madagu i tangada e nnoa goe bei ssele, aagai be goai e hagadonusia Tagi Maolunga e ola.

Matthew 6:2

Deenei ai, noo goodou gu gaavange hanu mee gi tangada e duasala, aagai goodou gi dee ilihia denga trumpet i mua, bei dagodo hegau a dangada e daahangadia dangada, i denga synagogue ma honga denga haiava, gi duuhia ai e dangada gilaadeu. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Luke 16:15

Gai ia ga hai ange gi gilaadeu, “Goodou e tala hagadanuaa goodou i madamada o dangada, aagai de Maadua e iloo dagodo o oodou lodo. Gai mee e hagadubu i daho dangada ni mee hakino gee i daho de Maadua.

Luke 19:17

Ia ne hai ange gi de ia, ‘E danuaa, koe se dangada hai hegau danuaa. Go hiidinga koe e kana ange gi de mee damaa mee, au e hai goe gi dagina e madaangahulu aduhale.’

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

John 5:41

Au e dee anga ange gi de mahamaha mai i daho dangada.

John 5:44

Dee hee doodou hai e hagadonu ai, gai goodou e hagadau tuhi donu huu goodou, goodou e dee ssala donu huu de tuhi mai i daho de Maadua?

John 7:18

Tangada e basa donu huu i dono sauaa e ssala donu huu dono hai e hagamahamaha ai; gai tangada e saalaa de hai e hagamahamaha ai tangada ne haia ia gi humai, se dangada e hai hegau i de muna abodonu, gai e deai donu se mee dee heohi i ono lodo.

John 8:54

Iesu ne hai ange gi gilaadeu, “Noo au e hagamahamaha donu huu au, gai dogu mahamaha e deai donu ono haigamaiana. Gai go dogu Damana e hagamahamaha ina au, gai go ia oodou e hagataba naa bolo go ia doodou Maadua.

Romans 2:29

Aagai tangada Ssuu abodonu se mee mai i de lodo, gai de tuu dagaholiage abodonu se mee e hai i de lodo o tangada, i ssauaa o de Hagasaalunga ⌊Dabu⌋, e dee go hiidinga o de hainga gu sisi laa. Gai dono tuhi e dee se mee mai i daho dangada, aagai mai i daho de Maadua.

Romans 2:7

gilaadeu ne duudagi de hai mee danuaa gi maua ai e gilaadeu de tuhi, ma de hagadubu, aama de angaanga e dee magau laa, gai ia ga gaavange ai gi gilaadeu de mouli e dee ngado mai.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

2 Corinthians 10:18

Go hiidinga e dee go tangada e duuhia laa donu huu ia e hagaheohi, aagai go tangada a Tagi Maolunga e tuhi laa.

1 Thessalonians 2:6

Gimaadeu e dee ssala hogi de tuhi mai i daho dangada, e dee go de tuhi mai i oodou daha, aabe go mai i daho hanu dangada gee. Gai gimaadeu ne maua i de kave de bale mai i oodou daha i hiidinga gimaadeu ni dangada tala niio Klisdo.

1 Peter 3:4

aagai goodou hagamahamaha ina goodou i mee i de lodo e dee gidee laa, go mee e dee maua gi pobo, bei de daudonu ma tee muu i de lodo maolalo; aanei mee e hagamogomogo i daho de Maadua.

1 Samuel 15:30

Gai a Saul ga hai ange, “Ni muna abodonu au gu haisala. Gai koe hagadubu ina donu huu au i madamada o denga dagi o dangada ma de gau Israel alodahi. Ahe mai madali au, gai au ga daumaha ange ai gi Tagi Maolunga doo Maadua.”

1 Samuel 2:30

Deenei ai, e hagadaba Tagi Maolunga, de Maadua o Israel, ‘Au ne hagatoo donu bolo doo aamuli e hai hegau mai naa gi de au ga hano ai,’ aagai iainei Tagi Maolunga e hagadaba, ‘Au gu dee hagassula mee nei; go hiidinga au e hagadubu gilaadeu e hagadubulia ngau, aagai au e hagangadi mee gilaadeu e hagangadi mee ina ngau.