John 12:25 - De Beebaa Dabu

²⁵ Be goai e hagamogomogo ina dono mouli aama e tili donu, gai be goai e kino i dono mouli i henua i lalo nei, gai ia e doange dono mouli gi de mouli e dee ngado mai.

John 12:25 Iomraidhean Croise

Ecclesiastes 2:17

Au ne kino i de mouli nei, go hiidinga hegau alodahi e hai i lalo de laa e hagadaemaha mai gi de au. Mee alodahi e deai donu olaadeu haigamaiana, gai e bei de ngadi doolohi a tangada de madangi.

Matthew 10:39

Be goai e gidee dono mouli e tili donu; gai be goai e tili dono mouli i ogu hiidinga e kave donu de mouli.

Matthew 16:25

Be goai e hagaola ina dono mouli e tili donu; aagai be goai e tili dono mouli i ogu hiidinga e hagaola donu dono mouli.

Matthew 19:29

Aagai tangada e dugua ono hale, be go ono daina, be go dono damana ma dono dinana, be go ana dama, aabe go ono alahenua i ogu hiidinga, e kave naa hogi mee e lau hanonga e kii ange ai, aama de mouli e dee ngado mai.

Mark 8:35

Gai be goai e doange ina dono mouli, gai e tili donu; aagai be goai e hagangadi mee ina dono mouli, i ogu hiidinga ma hiidinga o de longo danuaa, e hagaola donu dono mouli.

Luke 14:26

“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu.

Luke 17:33

Be goai e hagamogomogo ina dono mouli gai e tili donu, aagai be goai e hagangadi mee ina dono mouli gai e hagaola donu dono mouli.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Acts 21:13

Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.”

Hebrews 11:35

Denga haahine ne gidee de mouli age o olaadeu dangada maakau. Hanu ne hagaduasala, gai tee llodo e hagaola gilaadeu, gi maua ai e gilaadeu i de kave de mouli age e kii ange laa tanuaa.

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.