John 11:5 - De Beebaa Dabu

⁵ Gai Iesu e aloha i Martha ma dono daina hahine aama Lazarus.

John 11:5 Iomraidhean Croise

Luke 10:38

De masavaa o Iesu ma ana dangada agoago e seesee i honga de haiava, gai Iesu gu dae gi dahi aduhale, gai de hine go Martha ga abodonu ange ai gi de ia i dono hale.

Luke 10:40

Aagai Martha e dee saohia i de hagadabena mee alodahi. Gai ia ne humai ga hai ange gi de ia, “Tagi Maolunga, koe e dee gidee naa donu bolo dogu daina e tili mai donu huu au gi haia sogosogo amaau hegau? Hai ange ia gi balea mai au!”

Luke 10:41

Aagai Tagi Maolunga ne basa ange ga hai ange gi de ia, “Martha, Martha! Koe e manavasaa ma tee baba oo lodo i mee lagolago,

John 11:1

Gai dahi daane dono ingoo go Lazarus ne magi i Bethany, de aduhale damaa mee o Mary ma dono daina hahine go Martha.

John 11:3

Gai de hai daina haahine laa ne hai dahi dangada gi hano gi daho Iesu, gi hai ange, “Tagi Maolunga, taane oou e aloha ai laa gu magi.”

John 11:36

Gai de gau Ssuu ne hagataba, “Ia e aloha mmao i Lazarus!”

John 11:6

Aagai dana masavaa huu ne langona ai bolo Lazarus gu magi, gai ia ne noho i de mommee laa i e lua ange laangi.

John 11:8

Gai gilaadeu ne hai ange gi de ia, “Tangada Agoago, de gau Ssuu ne hagatale de maga goe i hadu i kilaa, gai koe ga ahe ange naa hogi gi de mommee mau?”

John 16:27

e deai, Tamana e aloha donu i goodou, i hiidinga goodou ne aaloha i de au, ma de hagadonusia bolo au ne humai donu i daho de Maadua.

John 17:26

Au gu tala ange gi iloo e gilaadeu oo dagodo, gai au e duudagi naa donu de hai gi iloo e gilaadeu oo dagodo, gi dagodo ai de aloha oou ne aloha ai laa i de au i olaadeu lodo, gai au ga noho hogi i olaadeu lodo.”