John 11:40 - De Beebaa Dabu

⁴⁰ Iesu ne hai ange gi de ia, “Gu lava i dagu hai adu gi de goe, noo koe e hagadonusia gai koe e gidee donu de mahamaha o de Maadua!”

John 11:40 Iomraidhean Croise

2 Chronicles 20:20

Gai gilaadeu ne oho age i taiao ga hulo gi de vao o Tekoa. De masavaa olaadeu ne daamada ai de seesee e hulo, gai Jehoshaphat ne duu age ga hai ange, “Denga daane o Judah ma Jerusalem, goodou hagalaangona agu muna! Goodou hagadonusia Tagi Maolunga doodou Maadua, gi tuu ai goodou gi makaga. Gai hagadonusia ono pelaabisi gi hagadagadaga age ai goodou.”

Psalm 63:2

Au ne gidee goe i doo mommee dabu, ma de tilo doo sauaa aama doo mahamaha.

Psalm 90:16

Hagaagona ange doo sauaa gi oo dangada hai hegau, ma au hegau hagalele mouli gi alaadeu dama.

Exodus 16:7

Gai taiao daiao goodou e gidee naa de mahamaha o Tagi Maolunga, i hiidinga ia gu langona doodou nnanu i de ia. Gai e dee go gimaau donu oodou e nnanu ange naa aagena.”

Matthew 17:20

Ia ne hai ange gi gilaadeu, “Go hiidinga de kona de vaaligiligi oodou kai. Ni muna abodonu aagu e hai adu nei gi goodou, noo oodou kai e vaaligiligi bei de golee o de mustard, gai goodou e maua i de hai ange gi de mounga nei, ‘Ngalue gee mai i kinei hannoo gi kilaa!’, gai e ngalue donu. E deai donu se mee daudahi oodou e dee maua i de hai! [

Mark 9:23

Iesu ne hai ange gi de ia, “ ‘Noo koe e maua,’ — mee alodahi e maua donu i de hai ange gi tangada e hagadonusia.”

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 11:4

Gai ga langona huu e Iesu de mee laa gai ia ga hagadaba, “De magi nei e dee duu ange gi de magau, gai se hai e hagamahamaha ai de Maadua, gai gi hagamahamaha ai hogi Tama Daane a de Maadua i de mee nei.”

John 12:41

Isaiah ne tala de mee nei i hiidinga ia ne gidee de mahamaha o Iesu gai ia ga tala ono dagodo.

John 9:3

Iesu ne hai ange, “E dee go haisala o taane nei aabe go luoono maadua ne hidi ai de mee nei, gai de mee nei ne hai e hagaago mai ai dagodo hegau hagalele mouli a de Maadua i ono daha.

Romans 6:4

Deenei ai, gidaadeu gu maakau ma gu danu madali ia i taadeu babudaisi, gi bei ai gidaadeu dagodo o Klisdo i dono mouli age mai i de magau i ssauaa o de mahamaha o Tamana, gai gidaadeu ga mouli ai hogi i de mouli hoou.

2 Corinthians 3:18

Gai gidaadeu alodahi gu aau gee laa de mee e haolia laa odaadeu mada, gu gidee de mahamaha o Tagi Maolunga, bei de hai e gidee ai laa de ada i lo te galaasa dilodilo, gai e sui ma e hagadagodo ange gi ono dagodo e hagadaga ange de mahamaha, gai de mee nei se mee mai i daho Tagi Maolunga, se Hagasaalunga laa.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.