John 11:25 - De Beebaa Dabu

²⁵ Iesu ne hai ange gi de ia, “Go au donu de mouli age aama de mouli. Be goai e gai mai gi de au e mouli donu, e dee galemu donu ia gu magau;

John 11:25 Iomraidhean Croise

Psalm 36:9

Go koe e daamada mai ai de mouli; gai go doo maalama amaadeu e gidee ai de maalama.

Isaiah 26:19

De gau maakau e mouli age naa; olaadeu angaanga e hiihidi age naa. Goodou denga angaanga i lodo daanunga, hiihidi age daahili i doodou malangilangi. Go hiidinga oodou mouli hoou e bei de mee suungia i taiao, gai de gelegele e hagaahe age naa denga hagasaalunga o de gau maakau.

Isaiah 38:16

De Ia Aamua, dangada e mouli i mee nei, go mee nei hogi a dogu hagasaalunga e gidee ai de mouli. Koe gu hagaieiangi au ma de dugu mai au gi mouli.

Luke 23:43

Iesu ne hai ange gi de ia, “Ni muna abodonu aagu e hai adu nei gi de goe, ailaa nei gai koe madali au i Paradise.”

John 1:4

Go ono daha iai de mouli, gai de mouli laa go de maalama o dangada.

John 14:19

E dee mmule naa donu, gai de gau henua i lalo gu dee gidee au, aagai goodou e gidee au; go hiidinga au e mouli gai goodou e mouli naa hogi.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

John 3:36

Be goai e hagadonusia Tama gai e maua e ia de mouli e dee ngado mai, aagai be goai e dee hagadonusia Tama e dee gidee e ia de mouli, aagai de bole o de Maadua e dagodo i ono elunga.

John 5:21

Gai e bei donu de hai a Tamana e hagamouli age ai laa de gau maakau, ga gaavange gi gilaadeu de mouli, gai e bei ai hogi, Tama e gaavange de mouli gi gilaadeu aana e lodo e vange aagena.

John 5:26

Go hiidinga de mouli go daho Tamana iai, deenei ai, ia gu hai hogi gi dagodo de mouli i daho Tama,

John 6:35

Iesu ne hai ange gi gilaadeu, “Go au de pelaoaa o de mouli; tangada e humai gi de au e dee haihai donu ga hiigai, gai tangada e hagadonu au e dee haihai naa donu ga hieunu.

John 6:44

E deai donu se dangada daudahi e maua i de humai gi de au, noo Tamana ne haia au gi humai e dee haia ia gi humai gi de au, gai au ga hagamouli age ia i de laangi hagaodi.

Acts 3:15

Goodou ne daa ga magau Tagi o de mouli, gai de Maadua ne hagamouli age ia mai i de magau. Gai gimaadeu ni dangada e daalaa hagadonu dagodo o mee nei.

Romans 4:17

Gai gu sisi e hai ange, “Au gu hai goe go tamana o denga huaahenua soa”  — i mada luu mada o de Maadua aana ne hagadonusia laa, go de Maadua e gaavange laa de mouli gi gilaadeu e maakau ma de basa ga hai gi hanu mee tigi ai laa.

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

1 Corinthians 15:18

Gai dangada alodahi gu maakau laa i lodo o Klisdo e dee hagamouli hogi.

1 Corinthians 15:29

Gai aahee ai dagodo o dangada e babudaisi laa i hiidinga o de gau maakau? Noo e deai donu se mouli age o de gau maakau, gai gu aha dangada gu babudaisi ai laa i hiidinga o de gau maakau?

2 Corinthians 4:14

go hiidinga gimaadeu e iloo bolo de Maadua ne hagamouli age laa Tagi Maolunga go Iesu, e hagamouli age naa hogi gimaadeu madali Iesu, ga hagaago ange gimaadeu madali goodou i mada luoono mada.

Philippians 1:23

Au gu lua lodo i dagu maanadu luu mee nei: au e lodo e hano gee mai i de mouli nei e hano gi daho Klisdo, go hiidinga e kii ange donu i tanuaa.

Philippians 3:10

gi maua ai e au i de iloo Klisdo, ma ssauaa ne hagamouli ina age laa ia, ma de hagauda denga hagaduasala madali ia, ma de magau bei ono dagodo,

1 Thessalonians 4:14

Gai go hiidinga gidaadeu e hagadonusia bolo Iesu ne magau, gai gu mouli age ange, aagai gidaadeu e hagadonusia hogi bolo de Maadua e gaamai donu hogi madali Iesu gilaadeu ne maakau laa i ono lodo.

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

Revelation 20:5

Gai de gau maakau ange laa tee mouli age ga dae ai gi de odi de mano ngadau laa. Deenei tahi mouli age.

Revelation 21:4

Ia e ssolo naa olaadeu loimada alodahi, gai gu deai ange naa donu se maakau, be go de hinangalosaa, be go de tangi, aabe go de mmae. Go hiidinga mee ne hai i taamada gu odi i de llilo ma gu deai.”

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.