John 11:21 - De Beebaa Dabu

²¹ Gai Martha ga hai ange gi Iesu, “Tagi Maolunga, noo koe ne noho i kinei, gai dogu daina daane tee magau donu.

John 11:21 Iomraidhean Croise

1 Kings 17:18

Gai de hine laa ga hai ange gi Elijah, “Taane o de Maadua, ni aha aagu gu hai adu laa gi de goe, gai koe ga humai ai naa e hagamaanadu mai ogu haisala e daa ai dagu dama gi magau?”

Psalm 78:19

Gilaadeu ne hagadaumee ange gi de Maadua, ga ssili, “E maua e de Maadua i de hhao dahi deebele gai i de vao?

Psalm 78:41

Gilaadeu ne hagatale ia i hanonga lagolago, ma de hagadaemaha lodo o de Ia Dabu o Israel.

Matthew 9:18

De masavaa a Iesu e tala ange ai mee nei gi dangada, gai dahi dagi ne humai ga duuduli i ono mada i mua, ga hai ange, “Dagu damaa hine se goodo magau donu huu; aagai koe humai dugua ange doo lima gi ono elunga gi mouli age ai ia.”

John 11:2

Deenei Mary ne hagasulu ina laa Iesu i dahi vai manongi ma de hagammasa luoono vae i ono ngaangaaulu, gai Lazarus se daina daane niiona.

John 11:3

Gai de hai daina haahine laa ne hai dahi dangada gi hano gi daho Iesu, gi hai ange, “Tagi Maolunga, taane oou e aloha ai laa gu magi.”

John 11:32

Gai ga dae huu Mary gi de mommee o Iesu iai laa, gai ia ga duuduli i gaogao luoono vae ga hai ange gi de ia, “Tagi Maolunga, noo koe ne noho i kinei, gai dogu daina tee magau donu.”

John 11:37

Aagai hanu gilaadeu ne ssili, “E aha, e dee maua hogi e Taane ne hagaieiangi ina taane nogo dee gide laa i de hai gi dee magau taane nei?”