John 11:2 - De Beebaa Dabu

² Deenei Mary ne hagasulu ina laa Iesu i dahi vai manongi ma de hagammasa luoono vae i ono ngaangaaulu, gai Lazarus se daina daane niiona.

John 11:2 Iomraidhean Croise

Mark 14:3

De masavaa o Iesu e hakaogao ai ma e gaimee i teebele i de hale o Simon i Bethany, go taane nogo magi lebelaa i mua, gai dahi hahine ne humai ma dahi manu alabaster iai vai hagamanongi e hai i nard gai e hagao ngadaa mmao, gai ia ga hhoa de manu laa ga llingi ange gi honga dono biho.

Luke 7:13

Gai de masavaa huu a Tagi Maolunga ne gidee ai de hine laa, gai ia gu lodo aloha i de ia, gai ia ga hai ange gi de ia, “Aude dangi.”

Luke 7:19

ga hai gilaau gi hulo gi siilia ange gi Iesu, gi hai ange, “Go koe de ia gu tala laa bolo e humai, aabe gimaadeu e tali ange dahi dangada gee?”

John 11:21

Gai Martha ga hai ange gi Iesu, “Tagi Maolunga, noo koe ne noho i kinei, gai dogu daina daane tee magau donu.

John 11:3

Gai de hai daina haahine laa ne hai dahi dangada gi hano gi daho Iesu, gi hai ange, “Tagi Maolunga, taane oou e aloha ai laa gu magi.”

John 11:32

Gai ga dae huu Mary gi de mommee o Iesu iai laa, gai ia ga duuduli i gaogao luoono vae ga hai ange gi de ia, “Tagi Maolunga, noo koe ne noho i kinei, gai dogu daina tee magau donu.”

John 12:3

Gai Mary ga gaamai dahi pauni vai hagamanongi hagao ngadaa mmao e hai i nard ga hagasulu ai luu vae o Iesu, ma de ssolo luoono vae i ono ngaangaaulu. Gai lo te hale laa alodahi gu manongi i de vai laa.

John 13:13

Goodou e hagahi mai Tangada Agoago ma Tagi Maolunga gi de au, gai e heohi donu oodou muna, go au donu.

John 13:14

Noo au, doodou Dagi Maolunga ma doodou Dangada Agoago, gu hhui oodou vae, gai goodou hagadau huuia hogi oodou vae.