John 10:7 - De Beebaa Dabu

⁷ Deelaa ai, Iesu ne hai ange hogi gi gilaadeu, “Ni muna abodonu, ni muna abodonu aagu e hai adu nei gi goodou, go au de haitoga o denga ssiibi.

John 10:7 Iomraidhean Croise

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Psalm 79:13

Gai gimaadeu, oo dangada, go ssiibi i dau mommee iai helii, e hagaahe adu de abodonu ga hano ai; gimaadeu e tuhi naa goe i denga atangada alodahi.

Psalm 95:7

I hiidinga go ia taadeu Maadua, gai gidaadeu go ana dangada i dana mommee iai helii, ma de hagabuulingaa ssiibi aana e tilo ange. Anailaa nei, noo goodou gu langona dono leo,

Isaiah 53:6

Gidaadeu alodahi e bei denga ssiibi, gu ssenga saele laa, dahi ma dahi gu hano donu huu i dono haiava; gai Tagi Maolunga gu hagauda ange gi de ia odaadeu baubau alodahi.

Ezekiel 34:31

Goodou go agu ssiibi, go ssiibi o dagu mommee iai helii, gai au go doodou Maadua, go de Ia Aamua go Iahweh e hagadaba.’ ”

Ezekiel 36:38

gai e lagolago naa bei denga ssiibi e hai ai denga sigidaumaha i Jerusalem, i de masavaa o denga daonga gu hagailonga laa. Gai denga aduhale nogo ngadi daakodo laa e hoohonu naa hogi i denga hagabuulingaa dangada. Gai gi iloo ai e gilaadeu bolo go au donu go Iahweh.”

John 10:1

“Ni muna abodonu, ni muna abodonu aagu e hai adu nei gi goodou, tangada e dee ulu mai gi lo te buibui o denga ssiibi i de haitoga, aagai e gage mai gi lodo i dahi mommee gee, se dangada gaiaa ma de daa dangada.

John 10:9

Go au de haitoga abodonu; be goai e ulu mai i de au, gai ia e hagaola. Ia e ulu mai naa ma de sao ga hano, gai ia e gidee naa de mommee iai helii.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Ephesians 2:18

Gai go ia odaadeu alodahi ne maua ai i de hulo gi Tamana i de Hagasaalunga e dahi.