John 10:21 - De Beebaa Dabu

²¹ Gai hanu ne hagataba, “Muna nei e dee bei muna a tangada e noho de hagasaalunga baubau i ono daha. Gai e maua naa e tangada e noho de hagasaalunga baubau i ono daha i de hai gi gide dahi dangada dee gide?”

John 10:21 Iomraidhean Croise

Psalm 146:8

Tagi Maolunga e hai gi kide gilaadeu e dee kide; Tagi Maolunga e hai gi daangage age gilaadeu e ino gi lalo; Tagi Maolunga e aloha i gilaadeu e heohi.

Psalm 94:9

E aha, e longoduli de ia ne haia talinga? Gai de ia ne haia de ganomada e dee gide hogi?

Exodus 4:11

Gai Tagi Maolunga ga ssili ange gi de ia, “Goai ne haia de ngudu o tangada? Gai goai ne haia tangada lau de alelo ma de longoduli, be go tangada dee gide ma tangada e gide? E dee go au, Tagi Maolunga, ne haia gilaadeu nei alodahi?

Exodus 8:19

Gai denga daane hai huuhuaa mee ga hai ange gi Pharaoh, “De mee nei go de madannia donu o de Maadua.” Aagai Pharaoh goi hagamakaga huu ono lodo, ia tee hagallongo ange donu gi gilaau, bei de hai a Tagi Maolunga gu tala ai laa.

Proverbs 20:12

Luu dalinga e langona laa ma luu ganomada e gidee — go Tagi Maolunga ne haia luu mee nei ngaadahi.

Matthew 11:5

de gau dee kide gu gidee, de gau balagelage gu seesee, de gau mmagi lebelaa gu gilimalali, de gau longoduli gu langona, de gau maakau gu mouli age, gai de longo danuaa gu tala ange gi de gau hagaau aloha.

Matthew 4:24

Gai ono longo gu dele i Syria alodahi, gai dangada ga gaamai gi ono daha dangada iai denga hagadaagangaa magi alodahi, ma gilaadeu e duasala i de mmae, ma gilaadeu iai denga hagasaalunga baubau, ma gilaadeu e llele age, ma gilaadeu e baagia, gai ia ga hagaieiangi gilaadeu.

John 10:22

De masavaa laa gai gu hai Taonga o de Hagadabu o de temple i Jerusalem. Gai go de masavaa hagamagalili.

John 9:6

De masavaa aana e tala ai muna laa, gai ia ga saavale ange gi honga de gelegele, ga hilo ma gelegele ga hulu ange gi luu mada o taane dee gide laa.