John 10:14 - De Beebaa Dabu

¹⁴ Go au donu tangada hagaloosi ssiibi danuaa; au e iloo agu ssiibi, gai agu ssiibi e iloo donu au,

John 10:14 Iomraidhean Croise

Psalm 1:6

Gai Tagi Maolunga e dagitilo haiava o olaadeu e heohi, aagai haiava o de gau baubau e duu ange donu gi de magau.

Isaiah 40:11

Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Nahum 1:7

Tagi Maolunga e danuaa, gai e bei de buibui i de masavaa hai ngadaa. Ia e iloo gilaadeu e hagadonusia ia,

John 10:11

Go au donu tangada hagaloosi ssiibi danuaa. Tangada hagaloosi danuaa, e gaavange dono mouli i hiidinga o denga ssiibi.

John 10:13

Tangada laa e savini naa ga hano, go hiidinga ia se dangada hagaloosi hagao, ia e dee anga ange donu gi denga ssiibi.

John 10:27

Agu ssiibi e langona dogu leo; au e iloo gilaadeu, gai gilaadeu e daudali mai i de au.

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

John 17:8

Gai au gu tala ange gi gilaadeu au muna gu tala mai gi de au, gai gilaadeu gu hagadonusia muna nei. Gai gilaadeu gu iloo bolo ni muna abodonu, au ne humai i oo daha, gai gilaadeu gu hagadonusia bolo go koe donu ne haia nei au gi humai.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Ephesians 1:17

Au e dalodalo ange gi de Maadua o Iesu Klisdo taadeu Dagi Maolunga, Tamana o de mahamaha, ia gi gaavadu gi goodou de Hagasaalunga o de heiangi ma de hagaago adu gi iloo e goodou ono dagodo,

Ephesians 3:19

ma de tonu ange gi dagodo o de aloha o Klisdo e dubu ange laa i de iloo mee o dangada, gai goodou gi hhao gi hoohonu i dagodo alodahi o de Maadua.

Philippians 3:8

Gai e dee deenei donu huu, gai au e hagabinga bolo mee alodahi ni ngadi mee donu, i hiidinga de hagamogomogo ange mmao dagu iloo Klisdo Iesu dogu Dagi Maolunga, gai go ono hiidinga aagu ne hagangadi mee ai mee alodahi. Au e hagabinga bolo mee nei e bei donu denga gainga, gi maua abodonu ai e au Klisdo,

2 Timothy 1:12

aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

Revelation 2:13

Au e iloo dagodo o doo mommee e noho ai, go de mommee iai de nohoanga o Satan. Aagai koe e duu ma e makaga i dogu ingoo, koe tee tili doo gai i laangi o taane go Antipas, go dogu daane tala hagadonu, ia se daane niiogu e hai hegau i de muna abodonu, gai ne daia ga magau i oodou daha, go de mommee o Satan e noho ai.

Revelation 2:19

Au e iloo dagodo o au hegau, ma doo aloha, ma doo gai, ma au hegau ange gi dangada, aama de golomagi oo lodo, gai au hegau hagaodi e kii ange i au hegau i taamada.

Revelation 2:2

Au e iloo dagodo o au hegau; koe e hagaduu ngae ma e hai hegau ma de golomagi oo lodo, gai koe e dee malangilangi i de gau baubau, aagai koe gu hagatale dagodo o dangada e hagataba laa bolo gilaadeu ni dangada tala, gai e dee se muna abodonu, gai koe gu gidee bolo gilaadeu ni dangada donu hadu muna.

Revelation 2:9

Au e iloo dagodo o doo vaivai haia ma doo hagaau aloha (aagai koe e lava mmao), gai au e iloo hagabaubau a dangada e hagataba laa bolo gilaadeu ni dangada Ssuu, gai e dee se muna abodonu, aagai gilaadeu go synagogue donu o Satan.

Revelation 3:1

“Gai siia ange muna nei gi tangada de langi o de nohoanga dabu i Sardis: Aanei muna mai i daho de ia e nnoho laa denga hagasaalunga dogohidu o de Maadua i ono daha, ma de daohi denga heduu e hidu laa. Au e iloo dagodo o au hegau. Koe e hagabinga bolo e mouli, aagai koe e magau donu.

Revelation 3:15

Au e iloo dagodo o au hegau: koe e dee maluulu gai e dee vvela hogi. Mee naa koe gi maluulu aabe gi vvela!

Revelation 3:8

Au e iloo dagodo o au hegau. Tilo, au gu hhuge dahi abaaba i oo mada i mua, gai e deai donu e maua i de pono. Au e iloo bolo koe e dai deai donu oo mahi, aagai koe ne duudagi de daohi agu muna, koe tee hagadee iloo dogu ingoo.