John 1:51 - De Beebaa Dabu

⁵¹ Iesu ne hai ange hogi, “Ni muna abodonu, ni muna abodonu aagu e hai adu nei gi goodou, goodou e gidee naa de langi e hhuge, gai dangada de langi o de Maadua e loage aama de loiho gi honga o Tama a Tangada.”

John 1:51 Iomraidhean Croise

Genesis 28:12

Gai ia gu hai dahi midi, gai tilo, dahi gaagenga e duu i honga de henua, gai dono ulu e dae gi de langi. Gai tilo, denga dangada de langi o de Maadua e kage age aama de iho ai.

Ezekiel 1:1

De matolu ngadau huu, i de lima laangi o de haa malama, i dogu masavaa e noho ai madali dangada ne gaavee laa gi dahi henua gee, i gaogao ssaalingaa vai go Kebar, gai gu mahuge mai de langi, gai au gu gidee hanu midi hagaago ange, mai i daho de Maadua.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Matthew 26:24

Tama a Tangada e hano naa donu bei de hai gu sisi ai ono dagodo, aagai e vakaa naa tangada e gaavange Tama a Tangada! E danuaa ange noo ia tee haanau.”

Matthew 3:16

Dua huu de babudaisi o Iesu ga ea age i lo te vai, gai tilo, gu mahuge ange de langi gi de ia, gai ia gu gidee de Hagasaalunga o de Maadua e hano iho, bei dahi manu kono ga doga ange gi ono elunga.

Matthew 4:11

Gai de ia hagabaubau laa gu hano gee mai i ono daha. Gai tilo, de gau de langi gu loomai ga bale ange ia.

Matthew 8:20

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

Matthew 9:6

Aagai mee nei ne hai gi iloo ai e goodou, bolo Tama a Tangada e dahi donu ono sauaa i henua i lalo e degi ange ai gi haisala.” Gai ia ga hai ange gi taane balagelage laa, “Hidi age, sabaia doo moenga hannoo gi doo hale!”

Mark 1:10

Gai de masavaa huu o Iesu ne ea age ai i lo te vai, gai ia gu gidee de langi gu mahuge, gai de Hagasaalunga ⌊Dabu⌋ gu hano iho gi ono elunga bei hoolinga o de manu kono.

Mark 14:62

Iesu ne hai ange, “Go au donu. Gai goodou e gidee naa Tama a Tangada e noho i de baasi madau o de Ia Mmahi Mmao laa, ma de humai i honga giliiga o de langi.”

Luke 2:13

De masavaa laa donu huu, gai gu hagabuni mai de gau de langi soa mmao gi daho tangada de langi laa. Gai gilaadeu ga tuhi de Maadua, ga hagataba,

Luke 2:9

Gai tangada de langi o Tagi Maolunga ga hakide ange gi gilaadeu, gai de mahamaha o Tagi Maolunga gu hagamaalama gilaadeu, gai gilaadeu gu maatagu mmao.

Luke 22:43

Gai dahi dangada de langi ga humai i de langi ga hagammahi ange ia.

Luke 22:69

Aagai dua iainei gai Tama a Tangada e noho naa i de baasi madau o de Maadua Mmahi laa.”

Luke 24:4

De masavaa alaadeu e maanadu manavasaa ai i de mee gu hai laa, gai tilo, e dogolua dangada de langi gu tuu i olaadeu gaogao ma olaau malo malamalama mmao.

Luke 3:21

Gai de masavaa huu ne odi ai dangada i de babudaisi, gai Iesu gu babudaisi hogi, gai de masavaa oona e dalodalo ai gai gu hhuge de langi,

John 1:50

Iesu ne hai ange gi de ia, “Koe gu hagadonusia i hiidinga au ne tala adu bolo au ne gidee goe i doo noho i lalo de manu somo go de fig? Gai koe e gidee naa mee e kii ange de hagalele mouli i mee nei.”

John 10:1

“Ni muna abodonu, ni muna abodonu aagu e hai adu nei gi goodou, tangada e dee ulu mai gi lo te buibui o denga ssiibi i de haitoga, aagai e gage mai gi lodo i dahi mommee gee, se dangada gaiaa ma de daa dangada.

John 10:7

Deelaa ai, Iesu ne hai ange hogi gi gilaadeu, “Ni muna abodonu, ni muna abodonu aagu e hai adu nei gi goodou, go au de haitoga o denga ssiibi.

John 13:16

Ni muna abodonu, ni muna abodonu aagu e hai adu nei gi goodou, tangada hai hegau e dee maolunga ange i dono dangada aamua, gai tangada ne hai gi hano e dee maolunga ange i tangada ne haia ia gi hano.

John 13:38

Iesu ne hai ange gi de ia, “E aha, koe gu baba ange naa donu e magau i ogu hiidinga? Ni muna abodonu, ni muna abodonu aagu e hai adu nei gi de goe, i mua de goo o de gaagoo daane, gai koe e hagadee iloo naa donu au i e dolu hanonga!

John 14:12

Ni muna abodonu, ni muna abodonu, aagu e hai adu nei gi goodou, tangada e hagadonusia ogu dagodo, e hai naa hogi hegau aagu gu hai nei; gai ana hegau e hai e kii ange naa donu de hagalele mouli i mee nei, i hiidinga au ga ahe nei gi daho Tamana.

John 16:20

Ni muna abodonu, ni muna abodonu aagu e hai adu nei gi goodou, goodou e tangi naa, gai henua i lalo e malangilangi. Goodou e hinangalosaa naa, gai doodou hinangalosaa e sui naa ga se malangilangi.

John 16:23

De laangi laa gai goodou e dee dangidangi mai naa gi de au i dahi mee. Ni muna abodonu, ni muna abodonu aagu e hai adu gi goodou, be ni aha naa huu oodou e dangidangi ange ai gi Tamana i ogu hiidinga, gai ia e gaavadu naa donu gi goodou.

John 21:18

Ni muna abodonu, ni muna abodonu aagu e hai adu nei gi de goe, doo masavaa e dama daane ai, gai koe e nnoa doo ungaalodo i doo beele, ga hano be go hee oou e lodo e hano aagena. Gai doo masavaa naa huu e madumadua ai, gai koe e haalo naa luoo lima, gai dahi dangada gee ga nnoa doo ungaalodo i de beele, ga dagi goe gi de mommee oou e dee lodo e hano aagena.”

John 3:3

Iesu ne hai ange gi de ia, “Ni muna abodonu, ni muna abodonu, aagu e hai adu nei gi de goe: noo tangada e dee haanau hoou, gai ia e dee maua donu gi gidee de nohoanga hodooligi o de Maadua.”

John 3:5

Iesu ne hai ange, “Ni muna abodonu, ni muna abodonu, aagu e hai adu nei gi de goe, noo tangada e dee haanau i de vai aama de Hagasaalunga ⌊Dabu⌋, gai ia e dee maua donu, i de ulu i de nohoanga hodooligi o de Maadua.

John 5:19

Gai Iesu ga hai ange gi gilaadeu, “Ni muna abodonu, ni muna abodonu aagu e hai adu nei gi goodou, Tama e dee maua donu i de hai dahi mee i de ia donu huu, gai ia e hai donu huu ana mee e gidee Tamana e hai; go hiidinga be se aha naa huu a Tamana e hai, gai deelaa hogi de mee a Tama e hai.

John 5:27

ma ssauaa e hagamodu ai muna, i hiidinga go ia Tama a Tangada.

John 6:26

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, goodou tee ssala au i hiidinga goodou gu gidee hanu hagailonga, aagai goodou ne ssala au i hiidinga goodou ne boobosu i de gai pelaoaa.

John 6:32

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, e dee go Moses ne gaavadu gi goodou de pelaoaa mai i de langi, gai dogu Damana e gaavadu gi goodou de pelaoaa abodonu mai i de langi.

John 6:47

Ni muna abodonu, ni muna abodonu aagu e hai adu nei gi goodou, tangada e hagadonusia gu kave donu de mouli e dee ngado mai.

John 6:53

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, noo goodou e dee gai de angaanga o Tama a Tangada ma de unu ono dodo, aagai e deai se mouli i oodou daha.

John 8:34

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, be goai e haisala se dangada hai hegau donu niio de haisala.

John 8:51

Ni muna abodonu, ni muna abodonu aagu e hai adu gi goodou, tangada e daohi agu muna e dee magau naa donu.”

John 8:58

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, i mua de haanau o Abraham, gai au gu dahi donu.”

Acts 10:11

Ia ne gidee de langi gu mahuge, gai dahi mee be se malo laumalie gu hagasege iho gi henua i lalo i denga dege e haa.

Acts 7:56

gai ia ga hagadaba, “Tilo, au e gidee de langi gu mahuge, gai Tama a Tangada e duu i de baasi madau o de Maadua.”

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

2 Thessalonians 1:9

Gai gilaadeu e hagaduasala donu i de hagaduasala e dee ngado mai, ma de tili gee mai i mada luu mada o Tagi Maolunga ma de mahamaha o dono sauaa mmahi,

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Hebrews 1:14

E aha, de gau de langi e dee go hagasaalunga e hai laa gi hulo gi hai hegau ange gi gilaadeu gu hagamouli?

Jude 1:14

Aanei gilaadeu a Enoch ne tala pelaabisi laa i de hidu atangada i dua o Adam, ga hagadaba, “Tilo, Tagi Maolunga e humai naa madali ono dangada de langi dabu soa mmao,

Revelation 19:11

Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.

Revelation 4:1

Dua mee nei gai au ne galo age ga gidee, de haitoga o de langi gu mahuge. Gai de leo aagu ne langona laa i taamada, e bei laa de ili o de trumpet, ne basa mai gi de au ma e hai mai, “Humai gi lunga i kinei, gai au ga hagaago adu gi de goe mee e hai i muli mai.”