John 1:50 - De Beebaa Dabu

⁵⁰ Iesu ne hai ange gi de ia, “Koe gu hagadonusia i hiidinga au ne tala adu bolo au ne gidee goe i doo noho i lalo de manu somo go de fig? Gai koe e gidee naa mee e kii ange de hagalele mouli i mee nei.”

John 1:50 Iomraidhean Croise

Matthew 13:12

Go hiidinga be goai e hanu ana mee, gai e gaavange donu gi kii ange de lagolago ana mee. Gai be goai e deai ana mee, aagai e kave gee donu momo mee e hanu i ono daha.

Matthew 21:19

Gai ia gu gidee dahi fig e somo i gaogao de haiava, gai ia ne hano e tilo be hanu hua iai, gai ia tee gidee hanu hua i de manu laa, gai ni lau manu donu huu iai. Gai ia ga hai ange, “Koe e dee ahe ange naa donu e hua!” Gai de fig laa gu mmae i de masavaa laa donu huu.

Matthew 25:29

Go hiidinga tangada e hanu ana mee e gaavange gi kii ange de lagolago ana mee; gai tangada e deai ana mee, e kave gee donu momo mee e hanu i ono daha.

Luke 1:45

E manuuia de hine gu hagadonusia bolo Tagi Maolunga e hagassula naa donu ana muna gu tala ange gi de ia!”

Luke 7:9

De masavaa huu a Iesu ne langona ai muna nei, gai ia gu lele ono mouli i taane laa, gai ia ga huli dua ga hai ange gi dangada e daudali ange laa i de ia, “Au e hai adu gi goodou, au tigi gidee dahi gai laumalie bee nei i daho de gau Israel.”

John 1:49

Gai Nathanael ga hai ange gi de ia, “Tangada Agoago, go koe donu Tama Daane a de Maadua! Gai go koe de hodooligi o Israel!”

John 1:51

Iesu ne hai ange hogi, “Ni muna abodonu, ni muna abodonu aagu e hai adu nei gi goodou, goodou e gidee naa de langi e hhuge, gai dangada de langi o de Maadua e loage aama de loiho gi honga o Tama a Tangada.”

John 11:40

Iesu ne hai ange gi de ia, “Gu lava i dagu hai adu gi de goe, noo koe e hagadonusia gai koe e gidee donu de mahamaha o de Maadua!”

John 20:29

Iesu ne hai ange gi de ia, “Koe ne hagadonusia donu huu i hiidinga koe gu gidee au. E manuuia tangada tigi gidee gai e hagadonusia!”