John 1:49 - De Beebaa Dabu

⁴⁹ Gai Nathanael ga hai ange gi de ia, “Tangada Agoago, go koe donu Tama Daane a de Maadua! Gai go koe de hodooligi o Israel!”

John 1:49 Iomraidhean Croise

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

Psalm 2:6

“Au gu hagasula de Hodooligi aagu gu hili i dogu mounga dabu go Zion.”

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Daniel 9:25

Gai koe gi iloo ma de donu ange gi de mee nei: mai i de masavaa e hagailoo ai bolo gi hagaahea age ange Jerusalem, ga dae ai gi de humai o de Ia gu Hagadabu laa i de lolo, go tagi, e hidu naa uvigi, ma e madaono ma lua uvigi. Gai e hagaduu age naa de aduhale madali denga haiava, aama mommee iai vai, aagai de masavaa laa se masavaa hai ngadaa.

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

Zephaniah 3:15

Tagi Maolunga gu kave gee doo hagaduasala, ia gu hai gi aahe dua oo hagadaumee. Tagi Maolunga, de Hodooligi o Israel, e noho madali goe; gai koe e dee madagu ange naa donu i dahi mee hai ngadaa.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Matthew 14:33

Gai gilaadeu i lo te boose laa ne ino gi lalo ga daumaha ange gi Iesu, ga hai ange, “Ni muna abodonu, go koe donu Tama Daane a de Maadua.”

Matthew 2:2

ga ssili ga hagataba, “I hee iai tama gu haanau laa, go de Hodooligi o de gau Ssuu? Gimaadeu ne gidee dono heduu i baasi dua, gai gimaadeu ga loomai ai nei e daumaha ange gi de ia.”

Matthew 21:5

“Goodou hai ange gi tamaa hine o Zion, ‘Tilo, doodou hodooligi e humai naa, ia e lodo maolalo, gai e gage i honga dahi donkey ma dana dama, se dama nii dahi donkey.’ ”

Matthew 23:7

gilaadeu e llodo dangada gi hagaboo ange gi gilaadeu i denga mommee hagao mee, ma de hagahi ange ‘tangada agoago’ gi gilaadeu.

Matthew 23:8

Aagai e dee hai dangada gi hagaagahia adu ‘tangada agoago’ gi goodou, i hiidinga e dahi donu huu oodou dangada agoago, gai goodou alodahi ni hai daina.

Matthew 27:11

De masavaa o Iesu e duu ai i mada i mua o de goobenaa, gai de goobenaa ne ssili ange gi de ia, “Go koe de Hodooligi o de gau Ssuu?” Iesu ne hai ange, “Deenaa aau e hagadaba ai naa.”

Matthew 27:42

“Ia e hagaola dangada, aagai e dee maua i de hagaola donu huu ia! Go ia de Hodooligi o Israel! Ia gi iho mai i de laagau lui iainei, gai gidaadeu ga hagadonusia ai ia.

Matthew 4:3

Gai de ia hagatale ne humai ga hai ange gi de ia, “Noo go koe donu Tama Daane a de Maadua, gai koe haia hadu nei gi ni duudangaa pelaoaa.”

Mark 15:32

Gai Klisdo, de Hodooligi o de gau Ssuu, gi iho mai i de laagau lui iainei, gi gidee ai e gidaadeu gai gidaadeu ga hagadonusia.” Gai luu daane ne daudau laa madali Iesu ne hagangadi mee hogi ia i alaau muna.

Luke 1:35

Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

Luke 19:38

ga hagataba, “E manuuia de hodooligi e humai i de ingoo o Tagi Maolunga! Gi dagodo de baba i de langi ma de mahamaha i de mommee maolunga mmao!”

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 1:34

Gai au ne gidee de hai mee nei, ma de tala hagadonu bolo go ia donu Tama Daane a de Maadua.”

John 1:38

Gai Iesu ga huli dua gu gidee e ia gilaau e daudali ange i de ia, gai ia ga ssili ange, “Se aha ooluu e ssala?” Gilaau ne hai ange gi de ia, “Rabbi (e bei Tangada Agoago), go hee oou e noho ai naa?”

John 1:50

Iesu ne hai ange gi de ia, “Koe gu hagadonusia i hiidinga au ne tala adu bolo au ne gidee goe i doo noho i lalo de manu somo go de fig? Gai koe e gidee naa mee e kii ange de hagalele mouli i mee nei.”

John 18:37

Gai Pilate ne ssili ange gi de ia, “Koe se hodooligi?” Iesu ne hai ange, “Koe gu hagadaba bolo au se hodooligi. Deenei dogu hiidinga ne haanau mai ai nei, ma de humai gi henua i lalo; gai au ga tala hagadonu ai dagodo o de mee abodonu. Be goai e daohia de mee abodonu gai ia e hagallongo agu muna.”

John 4:31

De masavaa laa, gai ana dangada agoago ga hai ange gi de ia, “Tangada agoago, gaimee.”