John 1:45 - De Beebaa Dabu

⁴⁵ Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”

John 1:45 Iomraidhean Croise

Genesis 22:18

Gai denga huaahenua alodahi o henua i lalo e manuuia naa i hiidinga o doo hagadiilinga, go hiidinga koe ne daudali i agu muna.”

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Isaiah 4:2

De laangi laa gai de uli a Tagi Maolunga e somo danuaa naa ma de mahamaha, gai hua o de henua e hai naa ga malangilangi ai ma de hagamahamaha ai dangada o Israel e doe.

Isaiah 53:2

Ia ne somo age i mada luu mada o Tagi Maolunga bei de uli o dahi manu somo, gai e bei de aga o dahi manu e somo laa i lo te gelegele e deai vai iai. Ia e deai donu sono mahamaha aabe se hagadubu e haia gi llodo gidaadeu e tilo ia, e deai hogi se mahamaha o dono angaanga e haia gi llodo gidaadeu i de ia.

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

Zechariah 6:12

Gai koe ga hai ange gi de ia: ‘Tagi o denga hagabuulinga hebagi e hagadaba: Tilo, e dahi daane dono ingoo go de Uli Manu; ia e somo age naa i dono mommee, gai ia ga hagaduu age de temple o Tagi Maolunga.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Matthew 10:3

Philip ma Bartholomew, Thomas ma Matthew taane hagabudu taagisese, ma James tama daane a Alphaeus ma Thaddaeus;

Matthew 13:55

E aha, e dee go tama daane a de labagau deenei? Gai e dee go Mary de ingoo o dono dinana? Aagai e dee go James, ma Joseph, ma Simon, aama Judas ono daina daane?

Matthew 2:23

i de aduhale go Nazareth. Gai mee nei ne hai e hagassula ai muna gu tala laa i daho denga pelaabisi, e hai ange, “Ia e hagabinga naa bolo se dangada Nazareth.”

Matthew 21:11

Gai dangada soa laa ga hai ange, “Deenei Iesu, de pelaabisi mai i Nazareth o Galilee.”

Mark 14:67

gai ia gu gidee Peter e hagamahanahana i gaogao de ahi, gai ia ga haaina ia, ga hai ange, “Koe go dahi daane donu e daudali ange laa i Iesu taane Nazareth.”

Mark 6:3

E dee deenei de labagau, go tama daane a Mary, taina daane o James, ma Joses, ma Judas, aama Simon? Gai ono daina haahine e dee nnoho nei hogi madali gidaadeu?” Gai gilaadeu tee hagadonusia ia.

Luke 18:37

Aagai dangada ne hai ange gi de ia, “Iesu, taane Nazareth gu seesee mai laa kinei.”

Luke 2:4

Gai Joseph ne humai hogi i de aduhale go Nazareth i Galilee e hano gi Judea, gi de aduhale o David, e hagaingoo ange laa go Bethlehem, go hiidinga ia se dangada de aamuli o David,

Luke 2:48

Aagai ga gidee huu e luoono maadua ia, gai gilaau gu llele mouli, gai dono dinana ga ssili ange gi de ia, “Dagu Dama, gu aha gu hai hegau mai ai naa goe bee naa gi gimaau? Gimaau ma doo damana ne ssala saele goe ma de manavasaa mmao.”

Luke 24:27

Gai Iesu ga daamada de hagadonu ange gi gilaau mee alodahi gu tala ai ono dagodo, mai i Moses ma denga pelaabisi alodahi i lo te Beebaa Dabu alodahi.

Luke 24:44

Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

Luke 3:23

Gai Iesu gu dai matolu ono ngadau i de masavaa aana ne daamada ai dana duuhanga hegau. Gai dangada e maanadu bolo ia se dama daane nii Joseph, Joseph go tama daane a Heli,

Luke 4:22

Gai dangada alodahi ga tala tuhi ono longo, gai gilaadeu gu llele mouli i muna o de abodonu aana e tala. Gai gilaadeu ga ssili ga hagataba, “E dee go tama daane a Joseph deenei?”

John 1:44

(Philip se daane Bethsaida, go de aduhale hogi o Andrew ma Peter ne loomai ai.)

John 12:21

Gai gilaadeu ne loomai gi daho Philip, taane Bethsaida i Galilee, ga hai ange, “Tangada aamua, gimaadeu e llodo e hedae ange gi Iesu.”

John 14:8

Philip ne hai ange gi de ia, “Tagi Maolunga, hagaagona mai gi gimaadeu Tamana, deenei donu huu demaadeu mee e llodo ai.”

John 18:5

Gai gilaadeu ga hai ange, “Go Iesu tangada Nazareth.” Iesu ne hai ange gi gilaadeu, “Go au donu deenei.” (Gai Judas, taane ne gaavange laa ia, e duu madali gilaadeu.)

John 18:7

Gai ia ga ahe anga ga ssili ange gi gilaadeu, “Goai oodou e ssala?” Gai gilaadeu ne hai ange, “Go Iesu tangada Nazareth.”

John 19:19

Gai Pilate ne sisi dahi mee ga hagapigi age gi ulu de laagau lui, e hai ange, “Iesu taane Nazareth, de Hodooligi o de gau Ssuu.”

John 21:2

Dahi laangi gai Simon Peter, ma Thomas (e hagaingoo ange laa hogi go Didymus), ma Nathanael, taane Cana i Galilee, ma luu dama daane a Zebedee, aama e dogolua ange dangada agoago, e nnoho i dahi mommee.

John 6:42

Gilaadeu ne hagataba, “E dee go Iesu tama daane a Joseph deenei, gai gidaadeu e iloo hogi be goai luoono maadua? Gai dee hee dana hai e hagadaba ai nei bolo ia ne hano iho laa i de langi?”

John 6:5

Gai Iesu ga galo iho gu gidee e ia dangada soa mmao e loomai gi ono daha, gai ia ga hai ange gi a Philip, “Go hee adaadeu e hagao ai hanu pelaoaa e gaimee ai de gau soa nei?”

John 6:7

Philip ne hai ange gi de ia, “De lualau denarius e dee dohu i de hagao ai hanu gai e dagi de momo ai dangada.”

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Acts 2:22

De gau Israel, nnoho mai hagalaangona muna nei: Iesu taane Nazareth gu lava i de hagaago danuaa adu a de Maadua gi goodou i denga hegau sauaa ma mee hagalele mouli, aama hagailonga, i mee a de Maadua ne hagahai hegau i ono daha i oodou magavaa, bei doodou hai gu iloo ai naa.

Acts 22:8

Aagai au ne ssili ange, ‘Tagi Maolunga, go koe goai?’ Ia ne hai mai gi de au, ‘Go au donu go Iesu o Nazareth aau e vaivai hai naa.’

Acts 26:9

Au ne hagadonusia hogi bolo au e hai mee alodahi aagu e mau e hai baasi ange ai gi de ingoo o Iesu taane Nazareth.

Acts 3:6

Aagai Peter ga hai ange gi de ia, “Au e deai donu agu selevaa be ni goolo, gai au e gaavadu gi de goe de mee e dahi i ogu daha: i de ingoo o Iesu Klisdo o Nazareth, hidi age seesee!”