John 1:44 - De Beebaa Dabu

⁴⁴ (Philip se daane Bethsaida, go de aduhale hogi o Andrew ma Peter ne loomai ai.)

John 1:44 Iomraidhean Croise

Matthew 10:3

Philip ma Bartholomew, Thomas ma Matthew taane hagabudu taagisese, ma James tama daane a Alphaeus ma Thaddaeus;

Matthew 11:21

“E vakaa naa goe, Korazin! E vakaa naa goe, Bethsaida! Go hiidinga noo denga mee hagalele mouli ne hai i ooluu daha ne hai i Tyre ma Sidon, gai dangada i kilaa ne daahuli olaadeu lodo madagidagi, ga kahu i malo daladala ma de hulu i lehu.

Mark 3:18

ma Andrew, ma Philip, ma Bartholomew, ma Matthew, ma Thomas, ma James tama daane a Alphaeus, ma Thaddaeus, ma Simon de Zealot,

Mark 6:45

Gai Iesu ga hagamoolau ga hai ana dangada agoago, gi kage i de boose gi hulo i ono mada i mua, gi de mommee go Bethsaida i de baasi gee de vai, gai ia ne noho ga hai gi hulo dangada.

Mark 8:22

Gilaadeu ne hulo ga tae gi Bethsaida, gai hanu dangada ne dagi mai dahi daane dee gide gi Iesu, ga dangidangi ange ia gi boogia ange luoono mada.

Luke 10:13

“E vakaa naa goe, Korazin! E vakaa naa goe, Bethsaida! Go hiidinga noo denga hegau hagalele mouli ne hai i ooluu daha ne hai i Tyre ma Sidon, gai dangada ne daahuli olaadeu lodo madagidagi ga kahu i malo daladala ma de hulu i lehu!

Luke 6:14

go Simon, taane aana ne hagaingoo ange laa go Peter, ma dono daina go Andrew, ma James ma John, ma Philip, ma Bartholomew,

Luke 9:10

De masavaa o de gau tala ne aahe mai ai, gai gilaadeu ga tala ange gi de ia mee alodahi alaadeu ne hai. Aagai Iesu ga kave gilaadeu madali ia ga hulo ai gi de aduhale e hagaingoo ange laa go Bethsaida.

John 1:43

De laangi i ono dua, gai Iesu ne lodo e hano gi Galilee, gai ia gu hedae ange gi Philip, gai ia ga hai ange gi de ia, “Daudali mai i de au.”

John 1:45

Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”

John 1:46

Aagai Nathanael ga ssili ange gi de ia, “E maua gi sula age dahi mee danuaa daudahi i Nazareth?” Philip ne hai ange gi de ia, “Humai diiloo.”

John 1:48

Nathanael ne ssili ange gi de ia, “Dee hee donu dau hai ne iloo ai au?” Iesu ne hai ange, “I mua de hagahi a Philip goe, gai au ne gidee goe, i doo masavaa nogo noho ai i lalo de fig.”

John 12:21

Gai gilaadeu ne loomai gi daho Philip, taane Bethsaida i Galilee, ga hai ange, “Tangada aamua, gimaadeu e llodo e hedae ange gi Iesu.”

John 12:22

Gai a Philip ga hano ga tala ange gi Andrew, gai gilaau ga hulo ga tala ange gi Iesu.

John 6:5

Gai Iesu ga galo iho gu gidee e ia dangada soa mmao e loomai gi ono daha, gai ia ga hai ange gi a Philip, “Go hee adaadeu e hagao ai hanu pelaoaa e gaimee ai de gau soa nei?”

John 6:7

Philip ne hai ange gi de ia, “De lualau denarius e dee dohu i de hagao ai hanu gai e dagi de momo ai dangada.”

Acts 1:13

Gai ga tae huu gilaadeu gi Jerusalem, gai gilaadeu ga loage gi de aabi i lunga, go de mommee olaadeu nei e nnoho ai: go Peter, ma John, ma James, ma Andrew, ma Philip, ma Thomas, ma Bartholomew, ma Matthew, ma James tama daane a Alphaeus, ma Simon Zealot, aama Judas tama daane a James.