John 1:4 - De Beebaa Dabu

⁴ Go ono daha iai de mouli, gai de mouli laa go de maalama o dangada.

John 1:4 Iomraidhean Croise

Psalm 49:6

go dangada e tali hagalodolodo ange gi olaadeu lava aama de tuhi delaadeu llava mmao?

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Matthew 4:16

dangada e nnoho i lo te gohu gu gidee e gilaadeu dahi maalama laumalie; gilaadeu e nnoho i de henua o de malu o de magau, de maalama gu hagasula ange gi gilaadeu.”

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”

John 11:25

Iesu ne hai ange gi de ia, “Go au donu de mouli age aama de mouli. Be goai e gai mai gi de au e mouli donu, e dee galemu donu ia gu magau;

John 12:35

Iesu ne hai ange gi gilaadeu, “De maalama e dagodo i oodou daha i dahi damaa masavaa. Goodou seesee i de masavaa e dahi ai maalama kana daea mai e de gohu goodou. Tangada e seesee i de gohu e dee gidee e ia dono mommee e seesee ai.

John 12:46

Au ne humai e hai ai de maalama o henua i lalo, gai be goai e hagadonusia au gai ia e dee noho donu i lo te gohu.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 3:19

Gai deenei de mee gu modu: de maalama ne humai gi henua i lalo, aagai dangada e kii de gohu i delaadeu llodo ai i de maalama, i hiidinga alaadeu hegau e baubau.

John 5:21

Gai e bei donu de hai a Tamana e hagamouli age ai laa de gau maakau, ga gaavange gi gilaadeu de mouli, gai e bei ai hogi, Tama e gaavange de mouli gi gilaadeu aana e lodo e vange aagena.

John 5:26

Go hiidinga de mouli go daho Tamana iai, deenei ai, ia gu hai hogi gi dagodo de mouli i daho Tama,

John 8:12

Gai Iesu ga ahe ange ga basa ange gi gilaadeu, ga hai ange, “Go au de maalama o henua i lalo. Tangada e daudali mai i de au e dee seesee i de gohu, gai ia e hagamaalama i de maalama o de mouli.”

John 9:5

Dogu masavaa e noho ai i henua i lalo, gai go au donu de maalama o henua i lalo.”

Acts 26:23

Klisdo e hagaduasala naa, gai go ia taamada o de mouli age mai i de magau, gai ia ga tala ange dagodo o de maalama gi ono dangada go de gau Ssuu aama denga Gentile.”

1 Corinthians 15:45

Gai gu sisi e hai ange, “Adam, go tangada ne hai i taamada, ia ne hai ga se dangada e mouli;” gai de Adam hagaodi se dangada e mouli iai de hagasaalunga e vange de mouli gi dangada.

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”

Colossians 3:4

Gai de masavaa naa huu o Klisdo, doodou mouli e humai ai, gai goodou e loomai naa hogi madali ia i de mahamaha.

1 John 1:1

Gimaadeu e sisi adu gi goodou dagodo Muna o de Mouli, gu dagodo mai laa i taamada age, gai gimaadeu gu langona, ma de gidee ia i omaadeu ganomada donu, aama de poo ange gi de ia i omaadeu lima.

1 John 1:2

De mouli nei gu hagasula mai donu, gai gimaadeu gu gidee ma de tala hagadonu ono dagodo. Gimaadeu gu agoago adu goodou i dagodo o de mouli e dee ngado mai, ia nogo noho donu madali Tamana, gai ne hagasula mai gi gidaadeu.

1 John 5:11

Gai aanei muna o de tala hagadonu: de Maadua gu gaamai gi gidaadeu de mouli e dee ngado mai, gai de mouli nei e dagodo i daho dana Dama.

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”