John 1:33 - De Beebaa Dabu

³³ Gai au tee madea ia i de masavaa laa, gai de Maadua ne haia nei au gi humai gi babudaisi ina dangada i vai ne hai mai gi de au, ‘Tangada aau e gidee de hano iho o de Hagasaalunga ga noho i ono elunga, deenei de ia e babudaisi ina dangada i de Hagasaalunga Dabu.’

John 1:33 Iomraidhean Croise

Matthew 3:11

Au e babudaisi goodou i vai i de daahuli oodou lodo, gai de ia e humai i ogu dua e maolunga ange i de au; au e dee bau ange gi de aau ono mee vae. Ia e babudaisi naa goodou i de Hagasaalunga Dabu ma de ahi.

Luke 3:16

Gai a John ne hai ange gi gilaadeu alodahi, “Au e babudaisi goodou i de vai, gai e dahi naa dangada e humai i ogu dua; ia e maolunga ange i de au, gai au e dee bau ange i de tala mee e noonooa ai ono mee vae. Ia e babudaisi naa goodou i de Hagasaalunga Dabu ma de ahi.

John 1:31

Au donu tee madea ia; aagai aanei donu hiidinga oogu ne humai ai nei e babudaisi i vai, gi maua i de hagaago ange ia gi de gau Israel.”

John 14:26

Gai de Ia Bale, go de Hagasaalunga Dabu, go de ia a Tamana e hai gi humai i dogu ingoo, e agoago adu goodou i mee alodahi, ma de hagamaanadu adu gi goodou mee alodahi, aagu gu lava i de tala adu gi goodou.

John 3:34

Gai de ia a de Maadua ne hai gi humai e tala muna a de Maadua, gai de Maadua e gaavange gi de ia de Hagasaalunga ⌊Dabu⌋, gai e dee hagabau donu.

John 3:5

Iesu ne hai ange, “Ni muna abodonu, ni muna abodonu, aagu e hai adu nei gi de goe, noo tangada e dee haanau i de vai aama de Hagasaalunga ⌊Dabu⌋, gai ia e dee maua donu, i de ulu i de nohoanga hodooligi o de Maadua.

John 7:39

Gai ia ne basa i dagodo o de Hagasaalunga ⌊Dabu⌋, gu dai hano iho laa gi honga o dangada gu hagadonusia ia; de masavaa laa gai de Hagasaalunga ⌊Dabu⌋ tigi hano iho, go hiidinga Iesu tigi kave dono mahamaha.

Acts 1:5

Go hiidinga a John ne babudaisi i vai; gai e dee mmule naa donu gai goodou gu babudaisi i de Hagasaalunga Dabu.”

Acts 2:4

Gai gilaadeu alodahi gu hoohonu i de Hagasaalunga Dabu, gai gilaadeu gu pasa i muna o denga henua gee i ssauaa o de Hagasaalunga ⌊Dabu⌋.

1 Corinthians 12:13

Gai gidaadeu alodahi ne babudaisi i de Hagasaalunga daudahi e hai ai de angaanga e dahi — e dee hilihili be ni dangada Ssuu aabe ni dangada Greek, be ni dangada hai hegau aabe ni dangada e ilaage — gai gidaadeu alodahi ne kave de Hagasaalunga daudahi.