John 1:30 - De Beebaa Dabu

³⁰ Deenei taane aagu gu tala laa ma e hagadaba, ‘Taane e humai i ogu dua e maolunga ange i de au, go hiidinga ia gu nnoho donu i mua.’

John 1:30 Iomraidhean Croise

Matthew 3:11

Au e babudaisi goodou i vai i de daahuli oodou lodo, gai de ia e humai i ogu dua e maolunga ange i de au; au e dee bau ange gi de aau ono mee vae. Ia e babudaisi naa goodou i de Hagasaalunga Dabu ma de ahi.

Luke 3:16

Gai a John ne hai ange gi gilaadeu alodahi, “Au e babudaisi goodou i de vai, gai e dahi naa dangada e humai i ogu dua; ia e maolunga ange i de au, gai au e dee bau ange i de tala mee e noonooa ai ono mee vae. Ia e babudaisi naa goodou i de Hagasaalunga Dabu ma de ahi.

John 1:15

John ne tala hagadonu ono dagodo ga hagadaba, “Deenei de ia aagu ne tala laa bolo ia e humai i ogu dua, gai e maolunga ange i de au, go hiidinga ia gu dahi huu i mua dogu haanau.”

John 1:27

Ia e humai i ogu dua, gai au e dee bau ange i de tala mee e noonoa ai ono mee vae.”

John 1:31

Au donu tee madea ia; aagai aanei donu hiidinga oogu ne humai ai nei e babudaisi i vai, gi maua i de hagaago ange ia gi de gau Israel.”

John 10:41

Gai dangada soa ne loomai gi ono daha, ga hai ange, “John teai donu ana hagailonga ne hai, gai mee alodahi aana gu tala, i dagodo o Taane nei ni muna abodonu.”