John 1:14 - De Beebaa Dabu

¹⁴ De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 1:14 Iomraidhean Croise

Psalm 2:7

Au e hagailoo hainga a Tagi Maolunga gu hagasauaa; ia ne hai mai gi de au, “Go koe dagu Dama Daane, anailaa nei gai go au doo Damana.

Psalm 45:2

Koe e mahamaha ange i denga daane; au muna e tala iai de abodonu, deelaa ai, de Maadua gu hagamanuuia goe ga hano ai.

Psalm 85:9

Ni muna abodonu, dana hagaola e dee mmao gee donu i gilaadeu e maatagu i de ia, gi dagodo ai de mahamaha o Tagi Maolunga i honga taadeu henua.

Isaiah 40:5

Gai de mahamaha o Tagi Maolunga e hagasula mai naa, gai dangada alodahi e gidee naa, go hiidinga Tagi Maolunga gu lava i de tala muna nei.”

Isaiah 53:2

Ia ne somo age i mada luu mada o Tagi Maolunga bei de uli o dahi manu somo, gai e bei de aga o dahi manu e somo laa i lo te gelegele e deai vai iai. Ia e deai donu sono mahamaha aabe se hagadubu e haia gi llodo gidaadeu e tilo ia, e deai hogi se mahamaha o dono angaanga e haia gi llodo gidaadeu i de ia.

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Ezekiel 37:27

Gai dogu mommee noho e dagodo naa i olaadeu daha; gai au e hai naa go delaadeu Maadua, gai gilaadeu go ogu dangada.

Matthew 1:16

Jacob ne hagadili Joseph, de bodu o Mary tinana o Iesu, e hagaingoo ange laa hogi go de Klisdo.

Luke 2:11

Anailaa nei gai gu haanau i de aduhale o David doodou Dangada Hagaola, go Klisdo Tagi Maolunga.

Luke 2:7

Gai ia ga haanau dana dama daane madua, ga saabini i de malo saabini ga hagadagodo i de mommee gaimee o denga manu, go hiidinga gu deai selaadeu mommee i de hale gaainga.

Luke 9:32

Gai Peter ma luoono soa ange laa gu sseni tao. Gai de masavaa huu olaadeu ne alahage ai, gai gilaadeu gu gidee de mahamaha o Iesu aama luu daane e tuu laa madali ia.

John 1:1

De Muna gu dahi donu i taamada, gai de Muna gu noho huu madali de Maadua, gai de Muna go de Maadua donu.

John 11:40

Iesu ne hai ange gi de ia, “Gu lava i dagu hai adu gi de goe, noo koe e hagadonusia gai koe e gidee donu de mahamaha o de Maadua!”

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 14:9

Iesu ne hai ange gi de ia, “Philip, gu daulooloa dogu noho i oodou daha, aagai koe tigi iloo naa donu be au goai? Be goai e gidee au, gai ia gu gidee donu Tamana, gai dee hee dau hai e hai mai ai naa, ‘Hagaagona mai gi gimaadeu Tamana’?

John 17:22

Au gu gaavange gi gilaadeu de mahamaha aau ne gaamai laa gi de au, gi buni ai gilaadeu gi dahi bei odaau dagodo, gidaau e dahi donu huu:

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

John 18:37

Gai Pilate ne ssili ange gi de ia, “Koe se hodooligi?” Iesu ne hai ange, “Koe gu hagadaba bolo au se hodooligi. Deenei dogu hiidinga ne haanau mai ai nei, ma de humai gi henua i lalo; gai au ga tala hagadonu ai dagodo o de mee abodonu. Be goai e daohia de mee abodonu gai ia e hagallongo agu muna.”

John 2:11

Gai mee a Iesu ne hai laa i Cana i Galilee, go tahi hagailonga aana ne hai e hagaago mai ai dono mahamaha. Gai ana dangada agoago gu hagadonusia e gilaadeu ia.

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

John 3:18

Gai tangada e hagadonusia e dee hagaduasala donu, aagai be goai e dee hagadonusia gu lava donu i de hagaduasala, i hiidinga ia e dee hagadonusia Tama dagidahi a de Maadua.

John 6:51

Go au de pelaoaa o de mouli ne hano iho mai i de langi; be goai e gaina de pelaoaa nei, gai ia e mouli ga hano ai. Gai de pelaoaa aagu e gaavange e hagamouli ai henua i lalo go dogu angaanga donu.”

John 8:32

gai goodou e iloo ai naa de muna abodonu, gai de muna abodonu ga hai gi ilaage goodou.”

Acts 13:33

ia gu hagassula donu i odaadeu daha, denga dama, i dana hagamouli age Iesu. Bei de hai gu sisi ai laa i de lua Psalm: ‘Go koe dagu Dama Daane; anailaa nei gai go au doo Damana.’

Romans 8:3

Mee a de hainga tee maua laa i de hai, i hiidinga de baageaa o de baasi gi de angaanga, gai de Maadua ne hai gi humai dana Dama Daane dagidahi gi hagadulagi ange gi de angaanga e haisala laa, e hai ai ssigidaumaha e tala ai haisala. Gai ia ga daa ai gi magau de haisala e hai hegau laa i lo te angaanga,

Romans 9:5

Gai go gilaadeu hogi hagadiilinga o denga dubuna madagidagi, gai Klisdo se mogobuna niiolaadeu, gai go ia de Maadua i honga mee alodahi, gai gi duuhia ia ga hano ai! Amen.

1 Corinthians 15:47

Tahi dangada ne hai i gelegele o henua i lalo; gai togolua dangada ne humai i de langi.

2 Corinthians 12:9

Aagai ia ne hai mai gi de au, “Dogu abodonu e dohu i de bale adu ai goe, gai ogu mahi e hai ga honu abodonu i doo baageaa.” Deenei ai, au e kii ange donu de malangilangi i de tala tuhi dogu baageaa, gi dagodo ai ssauaa o Klisdo i ogu daha.

Galatians 4:4

Aagai ga dae huu de masavaa gu lava laa i de hagamodu, gai de Maadua ne hai gi humai dana Dama Daane gi haanau i daho de hine, i lalo de hainga a Moses,

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Colossians 1:19

Gai de Maadua ne malangilangi i de hai gi daakodo ono dagodo honu danuaa i ono daha,

Colossians 2:3

Gai go ono daha adaadeu e gide ai de heiangi aama de iloo mee alodahi.

Colossians 2:9

Gai dagodo alodahi o de Maadua gu daakodo donu i lodo o Klisdo, i dono angaanga.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

Hebrews 1:5

Gai goai tangada de langi a de Maadua gu hai ange laa, “Go koe dagu Dama Daane; anailaa nei gai go au doo Damana”? gai ia gu hagadaba hogi, “Au e hai naa go dono Damana, gai ia e hai naa go dagu Dama”?

Hebrews 10:5

Deelaa ai, de masavaa o Klisdo ne humai ai gi henua i lalo, gai ia ne hagadaba, “Koe e dee lodo i sigidaumaha ma mee ngadi gaavange, aagai koe ne hagadabena mai dahi angaanga gi de au;

Hebrews 2:11

Gai de ia ne haia ga dabu dangada ma gilaadeu ne hai ga dabu ne loomai i se huaabodu daudahi. Deelaa ai, ia e dee dogaa i de hagadaba bolo gilaadeu ni daina niiona,

Hebrews 5:5

Gai e bei ai hogi Klisdo: ia tee hai donu huu ia gi se dangada haimeedabu maolunga, aagai go de Maadua ne hilia ange ia, ga hai ange gi de ia, “Go koe dagu Dama Daane, anailaa nei gai go au doo Damana.”

1 John 4:14

Gai gimaadeu ne gidee ma de tala hagadonu, bolo Tamana ne gaamai dana Dama Daane e hai ai de Ia Hagaola o henua i lalo.

1 John 4:9

Gai deenei de hai a de Maadua ne hagaago mai ai dono aloha gi gidaadeu: ia ne gave iho dana Dama Daane dagidahi gi henua i lalo, gi maua ai e gidaadeu de mouli i ono hiidinga.

2 John 1:7

Go hiidinga gu soa gilaadeu e daahangadia dangada gu hulo saele i henua i lalo, gilaadeu e dee llodo e tala bolo Iesu Klisdo gu humai ma gu hai gi se dangada. Tangada bee nei se dangada e daahangadia dangada gai se hagadaumee niio Klisdo.

Revelation 19:13

Gai de malo oona e gahu ai laa gu lava i de hagasulu ange gi lodo dodo. Gai dono ingoo go Muna a de Maadua.

Revelation 21:3

Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.