Joel 3:3 - De Beebaa Dabu

³ Gilaadeu ne hai tada i ogu dangada, ma de hagao dahi gauligi daane i dahi haahine hai be se manu; gilaadeu ne hagao alaadeu uvaini i dahi gauligi haahine.

Joel 3:3 Iomraidhean Croise

De Beebaa go Job 6:27

Goodou e dada hogi e hilihili ai mee e hai ange gi tama e deai sono damana, ma de hagadau heloongoi i de hagaoanga o oodou soa.

Ezekiel 27:13

Javan, ma Tubal, ma Meshek ne hagao hogi oo goloa; gilaadeu ne hagao oo goloa i de gau hai hegau aama goloa e hai i bronze.

Joel 1:5

De gau ssenga, goodou aalahage tangi; alodahi e unumia uvaini, goodou tangi ssee, goodou tangi, i hiidinga gu deai donu uvaini maimai, gai gu gaavee gi dee unumia ai e goodou.

Amos 2:6

E hagadaba Tagi Maolunga: “Tolu hanonga o Israel e haisala ai, ga dae ai loo gi de haa hanonga, gai au e dee tuu naa donu dono hagaduasala; go hiidinga gilaadeu ne hagahesuihagi gilaadeu e heohi i denga selevaa, ma de gaavange de gau hagaau aloha e hagao ai olaadeu mee vae.

Obadiah 1:11

I de laangi oou tee anga ange ai e bale ange doo daina, i de masavaa a de gau henua gee ne kave ai ono goloa, gai de gau henua gee ne ulu i ono haitoga ma de dada denga laagau e kave ai Jerusalem, gai koe ne hagabuni ange gi gilaadeu.

Nahum 3:10

Aagai ono dangada gu gaavee gee i de henua, ma de gaavee gi dahi henua gee. Ana gaagaa ne dagadagahia naa gi lo te gelegele i dege o denga haiava. Dangada e dada naa denga laagau i ono dangada aamua, gai ono dangada maolunga ne noonoodia i daula baalanga.

Revelation 18:13

ma cinnamon, ma mee hagamaanongi, ma mee maanongi e dudu laa, ma myrrh ma frankincense, ma uvaini, ma lolo olive, ma pelaoaa lligi, ma grain, ma kaau, ma ssiibi, ma hoosa ma hada hebagi, ma de gau hai hegau dee ilaage.