Joel 2:9 - De Beebaa Dabu

⁹ Gilaadeu e llele laa honga de aduhale, gilaadeu e saavini i honga denga buibui; gilaadeu e kage age gi lodo hale, gai gilaadeu e ulu naa i denga abaaba vaaligiligi bei tangada gaiaa.

Joel 2:9 Iomraidhean Croise

Exodus 10:14

Gai denga itebuubuu ne loomai ga hhao honga de henua alodahi go Egypt. Gai gilaadeu ga toga i honga denga ungaamee alodahi o de henua go Egypt, gai gu kona mmao i de lagolago itebuubuu. Gai tigi ai ange donu se lagolago itebuubuu bee nei i denga masavaa gu hulo, aabe go masavaa e loomai.

Exodus 10:6

Gilaadeu e loomai naa ga hhao lodo oo hale ma lodo hale o oo dangada hai hegau aama hale o de gau Egypt alodahi; gai oodou damana ma oodou dubuna tee gidee donu hanu hegau bee nei, mai i de masavaa olaadeu ne haanau ai ga dae mai ai gi anailaa nei.’ ” Gai Moses ga huli ga hano gee mai i daho Pharaoh.

Jeremiah 9:21

De magau gu gage mai laa lodo odaadeu abaaba vaaligiligi, ma gu ulu gi lodo odaadeu hale danuaa; gai gu daa ma gu maakau denga gauligi i honga haiava ma denga dama daane i mommee e hagabuni ai dangada.

Joel 2:8

Gilaadeu e dee hagadau usu donu, gai dahi ma dahi e hagasoe donu gi mua. Gilaadeu e ulu gi lodo mommee buibui gai e deai e maua i de oha olaadeu hagabuulinga.

John 10:1

“Ni muna abodonu, ni muna abodonu aagu e hai adu nei gi goodou, tangada e dee ulu mai gi lo te buibui o denga ssiibi i de haitoga, aagai e gage mai gi lodo i dahi mommee gee, se dangada gaiaa ma de daa dangada.