Joel 2:7 - De Beebaa Dabu

⁷ Gilaadeu e saavini bei denga daane dau o de hebagi, gilaadeu e kage i de buibui bei denga daane hebagi. Dahi ma dahi e seesee donu huu i dono duulanga, e dee daa donu gi de baasi.

Joel 2:7 Iomraidhean Croise

2 Samuel 1:23

Saul ma Jonathan ni daane niio dangada e aaloha ai aama de mahamaha, gai gilaau tee mavaevae donu i delaau maakau. Gilaau e kemo ange i denga igele, gai e mmahi ange i denga laiono.

2 Samuel 5:8

De laangi laa gai David ne hagadaba, “Goai naa huu e lodo e hano e hebagi ange gi de gau Jebus, gai ia gi hano laa lo te mommee e ssali mai ai denga vai ga hebagi ange gi de gau dee kide aama de gau balagelage laa, go dangada o David e kino ai laa.” Deelaa ai, gu tala e hai ange, “De gau dee kide aama de gau balagelage e dee ulu mai donu gi lo te hale.”

1 Chronicles 12:36

denga daane de aamuli o Asher, gilaadeu gu aabo ange ma de paba ange gi de hebagi — se haasemada;

De Beebaa go Job 16:14

Ia ne hagalagolagohia ngau i hanonga lagolago, ma de hebagi mai gi de au bei dagodo o dahi daane hebagi dau.

Psalm 19:5

de laa e sobo age bei taane gu hai bodu e sao mai laa i lo tono aabi, gai e bei taane hagadaahao e malangilangi laa i de savini e houhou.

Proverbs 30:27

denga itebuubuu e deai donu selaadeu hodooligi, gai gilaadeu alodahi e hagatau ma e hulo ai;

Jeremiah 5:10

Hannoo laa lodo ana veelengaa grape ga oohaa ai, aagai e dee oha gi odi. Aaua gi odi iho ono laa, go hiidinga gilaadeu e dee nii Tagi Maolunga.

Joel 2:8

Gilaadeu e dee hagadau usu donu, gai dahi ma dahi e hagasoe donu gi mua. Gilaadeu e ulu gi lodo mommee buibui gai e deai e maua i de oha olaadeu hagabuulinga.

Joel 2:9

Gilaadeu e llele laa honga de aduhale, gilaadeu e saavini i honga denga buibui; gilaadeu e kage age gi lodo hale, gai gilaadeu e ulu naa i denga abaaba vaaligiligi bei tangada gaiaa.