Joel 2:32 - De Beebaa Dabu

³² Gai dangada alodahi e hagahia ange de ingoo o Tagi Maolunga e hagamouli; Gai dangada e hagaola naa i honga de mounga go Zion ma Jerusalem, bei de hai a Tagi Maolunga gu tala ai laa; dangada ne ola, go gilaadeu a Tagi Maolunga ne hagahi.

Joel 2:32 Iomraidhean Croise

Genesis 4:26

Gai a Seth ga hagadili hogi dahi dama daane, gai ia ga hagaingoo ange ia go Enos. Gai deenei de masavaa a dangada ne daamada ai de hagahi ange de ingoo go Iahweh.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Isaiah 10:22

Israel, e dee galemu naa donu de soa oo dangada bei de lagolago gelegele i gabugabu tai, gai e sogoisi naa donu huu e aahe mai. Gai gu lava donu i de hagamodu i de heohi, bolo e daa gilaadeu gi maakau.

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Isaiah 11:16

Gai e dahi naa haiava laumalie ange gi ono dangada e doe, e aahe mai ai i Assyria, bei de hai o de gau Israel ne loomai ai laa i Egypt.

Isaiah 4:2

De laangi laa gai de uli a Tagi Maolunga e somo danuaa naa ma de mahamaha, gai hua o de henua e hai naa ga malangilangi ai ma de hagamahamaha ai dangada o Israel e doe.

Isaiah 46:13

au e hai gi baa mai dogu heohi, gai e dee mmao donu; gai dagu hagaola mai e dee mmule donu. Au e hai dagu hagaola gi dagodo i Zion, gai dogu mahamaha i Israel.

Jeremiah 31:7

E hagadaba Tagi Maolunga: “Goodou daahili ma de malangilangi i hiidinga o Jacob, gai hevaalogi ange gi dagi o denga huaahenua. Haia gi nngana oodou tuhi, ma de hagataba, ‘Tagi Maolunga, hagaola ina doo huaadangada, go dangada o Israel e doe.’

Jeremiah 33:3

Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

Amos 9:8

Tilo, de Ia Aamua go Iahweh e dagitilo donu de nohoanga hodooligi e haisalasala laa. Au e oha naa ga aau gee mai i honga henua i lalo; aagai au e dee daa naa gi odi i de maakau dangada o Jacob, go Tagi Maolunga e hagadaba.

Obadiah 1:17

Aagai dangada e ola naa i honga de mounga go Zion, gai de mounga laa e dabu naa; gai dangada o Jacob e kave naa delaadeu henua ga henua ai.

Obadiah 1:21

De gau hagaola e loage naa gi de mounga go Zion ga dagi ai i denga mounga o Esau. Gai de nohoanga hodooligi e hai naa ga niio Tagi Maolunga.

Micah 5:3

Deenei ai, ia e tili naa gilaadeu ga dae ai gi de masavaa o de hine e hai ai ono hagalangona e haanau ai, gai ono daina e doe e aahe mai naa ga dau ange gi de gau Israel.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

John 10:16

E hanu ange donu agu ssiibi, e dee nnoho i lo te buibui nei. Aagai au e gaamai naa donu hogi gilaadeu. Gilaadeu e hagallongo naa hogi dogu leo, gai gi dahi ai donu huu hagabuulingaa ssiibi, gai e dahi dangada hagaloosi.

John 4:22

Goodou de gau Samaria e daumaha ange gi mee oodou e dee tonu ange aagena; aagai gimaadeu e daumaha ange gi mee amaadeu e tonu ange aagena, go hiidinga de hagamouli se mee mai i daho de gau Ssuu.

Acts 15:17

gai gi saalaa ai e dangada e doe Tagi Maolunga, aama denga Gentile alodahi gu hagaingoo i dogu ingoo, go Tagi Maolunga donu e hagadaba, go de ia e haia mee nei alodahi

Acts 2:39

De hagatoo donu nei se mee adu gi goodou ma oodou dama, aama dangada e mmao gee laa; go dangada alodahi a Tagi Maolunga de Maadua e hagahi.”

Romans 11:26

Deenei de hai o Israel alodahi e hagamouli ai. Bei de hai gu sisi ai laa: “De Ia Hagaola e humai naa i Zion; gai ia e aau gee naa baubau o Jacob.

Romans 11:5

Gai e bei ai donu hogi denga laangi nei, goi hanu donu gilaadeu e doe, gu hili i de abodonu o de Maadua.

Romans 11:7

Gai dee hee ai tagodo? De gau Israel tee maua i de kave de mee alaadeu ne hagammahi laa ga ssala. Gai go gilaadeu gu hili laa ne gaavee, aagai gilaadeu ange laa ne hagamakaga olaadeu lodo,

Romans 9:24

Aanei gidaadeu aana gu lava laa i de hagahi, e dee mai donu huu i magavaa o de gau Ssuu, gai mai hogi i magavaa o denga Gentile.

Romans 9:27

Isaiah ne tala dagodo o Israel: “E dee galemu donu de soa de gau Israel bei de lagolago gelegele i gabugabu tai, gai e sogoisi naa donu huu gilaadeu e ola.

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

Hebrews 12:22

Aagai goodou gu loomai gi de mounga go Zion ma de aduhale o de Maadua e mouli laa, go Jerusalem i de langi, ma de hagabuulinga soa o de gau de langi e hagabuni laa ma de malangilangi,