Joel 2:3 - De Beebaa Dabu

³ De ahi e dudu naa mee i ono mada i mua, gai de ula o de ahi e hanadu naa i olaadeu dua. De henua gu bei de veelenga o Eden i olaadeu mada i mua, gai olaadeu dua gu lodo henua e ngadi dagodo, gai e deai donu mee e maua gi ola mai i gilaadeu.

Joel 2:3 Iomraidhean Croise

Genesis 13:10

Gai Lot ne galo ange ga tilo dagodo o de henua, gai ia gu gidee bolo de mommee soe i gaogao o Jordan, se mommee iai vai lagolago, i de baasi ange gi Zoar, gai e bei dagodo o de veelenga a Tagi Maolunga, ma de henua go Egypt. (Mee nei ne hai i mua de oha a Tagi Maolunga Sodom ma Gomorrah.)

Genesis 2:8

Gai Tagi Maolunga go de Maadua ga doo dahi veelenga i Eden, i de baasi i dua, gai ia ga kave taane aana ne hagaholi laa gi noho ai.

Psalm 50:3

Taadeu Maadua e humai, gai ia e dee noho naa donu huu ga dee muu; de ahi e dudu mee alodahi i ono mada i mua, gai de madangi mmahi e ssau ma e duuli ai ia.

Psalm 97:3

De ahi e hano i ono mada i mua e dudu ai ono hagadaumee alodahi i luoono baasi.

Exodus 10:15

Gai denga itebuubuu ne loomai ga hhao honga de gelegele o de henua alodahi, ga hai gu honga de henua. Gai gilaadeu ga gai manu ssomo alodahi tee oohaa i denga duudangaa haisi — go mee alodahi e ssomo i honga de gelegele ma olaadeu hua. Gu deai donu hua aabe ni lau i denga manu ssomo nnui aama manu ssomo vaaligiligi i de henua alodahi o Egypt.

Exodus 10:5

Gilaadeu e loomai naa ga haoli honga de henua, ga dee gidee e dangada de gelegele. Gilaadeu e gai naa momo mee tee oohaa e denga dibadibaa haisi, ma manu ssomo nnui alodahi i honga oodou gelegele.

Isaiah 14:17

Gai e dee deenei taane ne haia laa henua i lalo ga se vao, ma de oha denga aduhale nnui, gai tee dugu de gau dee kii gi aahe gi olaadeu henua?’

Isaiah 15:6

Denga vai o Nimrim gu maamasa, gai denga helii gu mmae; denga manu ssomo gu maakau, gu deai donu manu ssomo e doe.

Isaiah 33:4

Denga huaahenua, oodou goloa ne hai gi de mahi, gu odi i de gai a denga itebuubuu gauligi; gai dangada e hai gi de mahi naa mee nei bei hegau a denga hagabuulingaa itebuubuu.

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

Isaiah 9:18

De baubau e bei dagodo o de ahi e duungia laa mee, gai e dudu denga manu duiduia ma manu daladala, ma de haaula lodo mee muimui, gai dono useahi e buu age laa gi lo te moana i lunga.

Isaiah 9:19

De lili o Tagi o denga hagabuulinga hebagi gu dudu de henua, gai dangada gu bei denga lahhie e haula ai de ahi; gu deai donu se dangada e hagaola ina dono daina.

Jeremiah 5:17

Gai gilaadeu e gai naa oodou huamanu gu hagihagi ma oodou gai, ma de hai ga deai oodou dama daane ma damaa hine. Gilaadeu e ngole naa oodou hagabuulingaa ssiibi ma kaau, ma de gai hua o oodou grapevine ma oodou fig. Gai alaadeu gadilaasa e oha naa denga aduhale buibui oodou e tali ange naa aagena.

Ezekiel 36:35

Gai gilaadeu e hagataba naa, “De henua nei nogo ngadi dagodo gai iainei gu bei de veelenga o Eden; denga aduhale nogo maoha laa ma e ngadi daakodo, gu aahe ange ma gu buibui ma e nnoho ai dangada.”

Amos 7:4

Deenei de mee a de Ia Aamua go Iahweh ne hagaago mai gi de au: tilo, de Ia Aamua go Iahweh ne hagadabena de ahi e hagaduasala ai ono dangada, gai ne hai ga deai vai i de mommee gelo ma de dudu de henua.

Habakkuk 1:6

Gai tilo, au e hai naa gi mmahi de gau Babylon, go de huaahenua hagamaatagu ma de moolau olaadeu lodo, gilaadeu e hagadaga naa i henua i lalo alodahi, ga kave denga mommee nnoho e dee niiolaadeu.

Zechariah 7:14

Au e humai naa bei dagodo o ssio ga hai gi mavaevae saele gilaadeu i denga henua alaadeu e dee iloo laa. Gai de henua olaadeu nogo nnoho ai e ngadi dagodo naa, gu deai dangada e nnoho saele ai, de henua mahamaha laa gu ngadi dagodo.”