Joel 2:22 - De Beebaa Dabu

²² Denga manu lodo henua, goodou aude maatagu, denga mommee iai helii i lodo henua gu dai aahe ange naa ga lau kohu. Denga manu ssomo gu dai hhua naa, de fig ma de grapevine ngaadahi gu hhua lagolago.

Joel 2:22 Iomraidhean Croise

Genesis 4:12

Gai de masavaa naa huu aau e hagabalabala ai de gelegele e doo, gai e dee maua naa donu gi hanu hua iai, gai koe e hai naa ga se dangada e silivaahea ma de hagadaga saele i honga de henua.”

Psalm 36:6

Doo heohi e bei denga mounga maolunga; dau hagamodu muna e bei de moana gelo. Tagi Maolunga, koe e tilo danuaa ange dangada ma manu.

Psalm 65:12

De mommee iai helii i lodo henua gu lagolago mmao, gai denga duuduu gu malangilangi.

Psalm 65:13

Mommee iai helii gu hoohonu i denga hagabuulingaa ssiibi, gai lodo geelonga gu dohu i denga grain; gilaadeu e hevaalogi ma de malangilangi ma de daahili.

Psalm 67:6

Gai de gelegele e hhua naa manu iai; gai de Maadua, taadeu Maadua, e hagamanuuia naa gidaadeu.

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

Ezekiel 36:30

Gai au e hai gi hhua lagolago denga manu ssomo, gai oodou veelenga gi lagolago huamanu iai, gai gi dee hagangadi mee ina ai goodou i magavaa o denga huaahenua i hiidinga o de onge.

Ezekiel 36:35

Gai gilaadeu e hagataba naa, “De henua nei nogo ngadi dagodo gai iainei gu bei de veelenga o Eden; denga aduhale nogo maoha laa ma e ngadi daakodo, gu aahe ange ma gu buibui ma e nnoho ai dangada.”

Ezekiel 36:8

Aagai goodou, mounga o Israel, e matili age naa oodou laa ma hua ange gi ogu dangada, go de gau Israel; go hiidinga gilaadeu gu dai aahe mai naa donu gi delaadeu henua.

Jonah 4:11

Aagai dangada i de aduhale laumalie go Nineveh e soa ange i de 120,000, gai gilaadeu e dee maua donu i de vvae de madau ma de masui, e lagolago hogi manu haangai i kilaa. E aha, e dee se mee danuaa dogu lodo aloha ange gi dangada i de aduhale laumalie laa?”

Haggai 2:16

ma de masavaa o tangada ne hano ai gi dahi hagabuulingaa grain gu hagabau ange laa bolo se madalua hagabaaunga iai, gai gu se madaangahulu donu huu hagabaaunga i kilaa. Gai de masavaa o tangada e hano ai e asu e madalima hagabaaunga uvaini i de mommee e hhao ai uvaini, gai gu madalua donu huu i kilaa.

Zechariah 8:12

Gilaadeu e doo naa denga golee i de masavaa o de nnoho paba. De grapevine e hua naa, gai de gelegele e lagolago naa huamanu e maua ai, gai de maluulu o taiao e hano iho naa i de langi ga hagamaluulu de gelegele. Au e gaavange naa gi dangada e doe mee nei alodahi.

1 Corinthians 3:7

Tangada doo ma tangada hagamaluulu e dee hagamogomogo, aagai go de Maadua e haia laa ga somo e hagamogomogo.