Joel 2:16 - De Beebaa Dabu

¹⁶ Hagabuni ina mai de huaadangada; haia gi dabu de hagabuulingaa dangada. Hagabuni ina denga daane maatua; hagabuni ina mai denga gauligi, ma denga gaagaa goi unuunu laa. Taane se goodo hai bodu gi sao mai i dono aabi, gai de hine se goodo hai bodu gi sao mai hogi i dono aabi.

Joel 2:16 Iomraidhean Croise

2 Chronicles 20:13

De masavaa laa gai denga daane alodahi o Judah madali olaadeu bodu ma alaadeu dama gu tuu i mada luu mada o Tagi Maolunga.

2 Chronicles 29:5

gai ia ga hai ange gi gilaadeu, “Daane de aamuli o Levi, goodou hagalaangona agu muna! Goodou hagagilimalali ina goodou, ma de hale o Tagi Maolunga, de Maadua o oodou dubuna madagidagi, ga aau gee mee hakino gee mai i de mommee dabu.

2 Chronicles 30:17

Gai go hiidinga ne soa dangada tigi hagagilimalali gilaadeu, deelaa ai, denga daane de aamuli o Levi ne daa denga ssiibi o Taonga Hagasili i hiidinga o dangada alodahi tigi gilimalali laa ⌊bei de hai gu tala ai laa i de hainga⌋, e hagadabu ange ai gilaadeu gi Tagi Maolunga.

2 Chronicles 30:19

gu hagababa laa i ono lodo bolo ia ga ssala de Maadua, go Tagi Maolunga, de Maadua o ono dubuna madagidagi, e dee galemu donu ia tigi hagagilimalali ia bei dagodo o denga hainga o de mommee dabu.”

2 Chronicles 35:6

Gai goodou ga daa denga ssiibi gauligi e hai ai Taonga Hagasili, ma de hagagilimalali goodou ma de hagadabena denga ssiibi ange gi oodou dangada, bei de hai a Tagi Maolunga gu tala adu ai i daho Moses.”

De Beebaa go Job 1:5

Gai de masavaa huu e odi ai laangi olaadeu e daonga ai, gai a Job ga aalu gilaadeu ga gaamai ga hagagilimalali. Gai ia ne oho age i boo taiao ga hai dagidahi sigidaumaha dudu ange gi gilaadeu. Go hiidinga ia ne hagadaba, “Kana adu agu dama ne haisala ma de pasa baubau i de Maadua i olaadeu lodo.” Aanei hegau a Job e hai i laangi alodahi.

Psalm 19:5

de laa e sobo age bei taane gu hai bodu e sao mai laa i lo tono aabi, gai e bei taane hagadaahao e malangilangi laa i de savini e houhou.

Exodus 19:10

Gai Tagi Maolunga ga hai ange gi Moses, “Ahe iho gi daho dangada mage hagadabu ina gilaadeu, ma de hai gilaadeu gi daaia olaadeu malo alodahi gi gilimalali ailaa nei aama daiao;

Exodus 19:15

Gai Moses ga hai ange gi dangada, “Goodou haia gi paba ange goodou gi de hagadolu laangi. Gai denga daane gi dee hagahebaa ma olaadeu bodu.”

Exodus 19:22

Gai de gau haimeedabu e loomai laa ga paa ange gi Tagi Maolunga gi hagadabu ina hogi gilaadeu, ana vakaa ga daia e Tagi Maolunga gilaadeu ga maakau.”

Joel 1:14

Hagailoo ina de hagahiikai dabu; hagailoo ina de hagabuni dabu. Hagabuni ina denga dagi ma dangada alodahi e nnoho i de henua gi de hale o Tagi Maolunga doodou Maadua, gai dalodalo ange gi Tagi Maolunga.

Matthew 21:16

gai gilaadeu ga hai ange gi de ia, “Koe e langona naa muna a dangada e tala laa?” Iesu ne hai ange gi gilaadeu, “Uaa, gai goodou tigi dau ange naa donu bolo e hai ange, ‘Koe gu hai denga gauligi ma gaagaa gi hevaalogi gi duuhia’?”

Matthew 9:15

Iesu ne ssili ange gi gilaadeu, “E maua e gilaadeu ne saalaa i taonga hagahai bodu gi hinangalosaa, i de masavaa o taane gu dai hagahai bodu e noho ai i olaadeu daha? Gai e loomai naa donu laangi e kave gee ai taane gu dai hagahai bodu i olaadeu daha, gai gilaadeu ga hagahiikai ai.

1 Corinthians 7:5

Tangada gi dee daohia dono angaanga i dono bodu, deelaa donu huu noo gilaau gu heloongoi i dahi masavaa bodobodo, bolo gilaau ga kave hanu masavaa e dalodalo ai, muli mai gai gilaau gi aahe ange gi hagahebaa, gi dee hagataalea ai goodou i Satan, i hiidinga goodou e dee maua i de daohi goodou gi dee hagahebaa.

Joshua 7:13

Hidi age, haia dangada gi gilimalali, ga hai ange, ‘Goodou hagagilimalali ina ange goodou gi daiao, go hiidinga Tagi Maolunga de Maadua o Israel e hagadaba: De gau Israel, e hanu mee gu hagailonga e oha i oodou magavaa. Gai goodou e dee maua donu i de hagadee kii oodou hagadaumee, ga dae ai gi doodou aau gee mee naa mai i oodou daha.

Joshua 8:35

Gai teai donu se muna daudahi i muna alodahi a Moses gu tala ange gi Joshua tee dau i madamada o de hagabuulingaa dangada o Israel, madali denga haahine ma gauligi, aama de gau henua gee e nnoho laa i olaadeu daha.

1 Samuel 16:5

Gai ia ga hai ange, “Uaa, au ne humai i de baba, au se humai e hai ange sigidaumaha gi Tagi Maolunga. Goodou hagagilimalali ina goodou ma gi loomai madali au e hai ssigidaumaha.” Gai Samuel ne hai hogi Jesse ma ana dama daane gi hagagilimalali ina gilaadeu, ga ssala ange gilaadeu gi loomai gi de hai ssigidaumaha laa.